පාර්ලිමේන්තු මන්ත්‍රී මුජිබර් රහුමාන් මහතා පාස්කු ඉරිදා ත්‍රස්ත ප්‍රහාරයට සෘජුවම වගකිව යුතු පුද්ගලයෙකු බව හිටපු පාර්ලිමේන්තු මන්ත්‍රී සරත් වීරසේකර මහතා පවසයි.

මෙම සතියේ සිට ක්‍රියාත්මකවන පරිදි බදාදා දින රජයේ නිවාඩුව අවලංගු කිරීමට තීරණය කර තිබේ.

ඉස්ලාමීය විප්ලවවාදී ආරක්ෂක බලකාය නිවේදනයක් නිකුත් කරමින් පැවසුවේ තමන් එක්සත් ජනපද සහ ඊශ්‍රායල හමුදා-කාර්මික අණදෙන ඒකකයට මෙන්ම මෙහෙයුම් සහ සැපයුම් කඳවුරු වෙත මිසයිල ප්‍රහාර එල්ල කර ඇති බවත්, දැඩි ප්‍රහාරවලින් පසු එක්සත් ජනපද නාවික හමුදාවේ ගොඩබිමෙහි සහ මුහුදෙහි සටන් කළ හැකි USA TRIPOLI LHA-7 ප්‍රහාරක නෞකාවට පසුබැසීමට සිදු වූ බවත්ය.

ඉරානයේ යටිතල පහසුකම්වලට විනාශ කිරීමට පිස්සෙකු මෙන් කටයුතු කරන එක්සත් ජනපද ජනාධිපති ඩොනල්ඩ් ට්‍රම්ප් හේතුවෙන් යුද්ධයේ ප්‍රතිවිපාක එක්සත් ජනපද භූමිය දක්වා ගෙන ඒමට ඉඩ ඇති බව තස්නිම් පුවත් සේවය වෙත අදහස් දැක්වූ තොරතුරු මූලාශ්‍රයක් අනතුරු ඇඟවීය.

ත්‍රස්තවාදය වැළැක්වීමේ පනත යටතේ අපරාධ පරීක්ෂණ දෙපාර්තමේන්තුව විසින් තමන්ව අත්අඩංගුවට ගෙන රඳවා ගැනීම අභියෝගයට ලක් කර රාජ්‍ය බුද්ධි සේවයේ හිටපු ප්‍රධානී විශ්‍රාමික මේජර් ජෙනරාල් සුරේෂ් සලේ මහතා විසින් සිය නීතිඥවරු මාර්ගයෙන් අභියාචනාධිකරණයට රිට් පෙත්සමක් ඉදිරිපත් කර තිබේ.

යුද්ධයේ අඳුරු සෙවනැලි එසේම තිබියදී එක්සත් ජනපද-ඊශ්‍රායල මිලිටරි ආක්‍රමණයේ තාවකාලික සටන් විරාමයක් සාර්ථක කර ගැනීමට ප්‍රහාර අවසන් කිරීම සඳහා ඉරානය ඉදිරිපත් කරන අත්‍යවශ්‍ය කොන්දේසි සපුරා නොගෙන ක්‍රියාත්මක කිරීම මගින් සතුරාට නැවත ගොඩනැගීමට අවස්ථාවක් ලබා දෙන බව තස්නිම් පුවත් සේවයේ විශ්ලේෂකයෝ පැවසූහ.

ඉරානය සහ අමෙරිකාව අතර පවතින යුද ගැටුම් අවසන් කිරීමේ සටන්විරාම යෝජනාවක් සම්බන්ධව දෙපාර්ශ්වය අතර සාකච්ඡා පැවැත්වෙමින් ඇතැයි විශ්වාස කටයුතු ආරංචි මාර්ග උපුටා දක්වමින් රොයිටර්ස් පුවත් සේවය වාර්තා කරයි.

ලක්විජය බලාගාරයේ 2026/2027 වාරය සඳහා ගල්අඟුරු සැපයුම්කරුවෙක් තෝරා ගැනීම වෙනුවෙන් ලංසු කැඳවීමක් සිදුකර තිබේ.

හෝමූස් සමුද්‍ර සන්ධිය යළි විවෘත නොකළහොත් ලබන අඟහරුවාදා වන විට ඉරානයේ බලාගාර සහ පාලම් ඉලක්ක කර ප්‍රහාර එල්ල කරන බවට අමෙරිකානු ජනාධිපති ඩොනල්ඩ් ට්‍රම්ප් දැඩි අනතුරු ඇඟවීමක් කර ඇත.