ත්‍රිකුණාමලය බුදුපිළිම සිද්ධියට අදාළව රක්ෂිත බන්ධනාගාරගත කර සිටි පූජ්‍ය බලංගොඩ කස්සප හිමියන් පිරිස ඊයේ දින ඇප මත මුදාහැරුණු අතර, ත්‍රිකුණාමලය බුදුපිළිම සිද්ධිය සම්බන්ධයෙන් සහ බන්ධනාගාර ගතව සිටියදී සිදුවූ සිදුවීම් පිළිබඳව අද දින උන්වහන්සේ මාධ්‍ය හමුවකට එක්වෙමින් කරුණු දැක්වීමක් සිදුකළහ.

ශ්‍රී ලංකාවේ සමස්ත ඛණිජ සම්පත් ගවේෂණය, කැණීම් සහ නිස්සාරණය ඉන්දියානු රාජ්‍ය සහ අර්ධ රාජ්‍ය ආයතන සමාගම්වලට පවරාදීම සඳහා රහසිගත අවබෝධතා ගිවිසුමක් සකස් වෙමින් තිබෙන බව ජාතික නිදහස් පෙරමුණේ (NFP) පක්ෂ කාර්යාලයේදී අද (12) පැවැති මාධ්‍ය සාකච්ඡාවකදී එම පක්ෂයේ නායක විමල් වීරවංශ මහතා චෝදනා කරයි. ඔහු මෙම ගිවිසුමේ ඡායා පිටපතක් පෙන්වමින් සඳහන් කළේ එය තවමත් ප්‍රසිද්ධියට පත් නොකළ, ඉතා නුදුරු දිනකදී අත්සන් කිරීමට නියමිත බවය.

හෙක්ටයාර ලක්ෂ 2කට වඩා වැඩි ප්‍රමාණයක් මෙරට තේ ඉඩම් ඇති බවත්, එයින් වතු සමාගම් සඳහා ඇත්තේ හෙක්ටයාර 50,000ක් පමණ ප්‍රමාණයක් බවත් එම සමාගම් තුළ සේවය කරන්නේ කම්කරුවන් ලක්ෂයකට වඩා මදක් වැඩි ප්‍රමාණයක් පමණක් බවත් ගොවිජන පවුර කැඳවුම්කරු නලින්ද සේනාරත්න මහතා පවසයි.

ශ්‍රී ලංකාවට සංචාරකයන් පැමිණීම මෙම වසරේ ජනවාරි මස ඉහළ ගියද, සමස්ත සංචාරක ඉපැයීම් ප්‍රමාණය පසුගිය වසරට සාපේක්ෂව සියයට 5.6කින් පහත වැටී ඇති බව ශ්‍රී ලංකා මහ බැංකුව පවසයි.

ඉරාන ජනතාව ඉස්ලාමීය විප්ලවයේ 47 වන සංවත්සරය සැමරීම වෙනුවෙන් රට පුරා දැවැන්ත පෙළපාලි සංවිධානය කර තිබූ බව වාර්තා වේ.

බලංගොඩ කස්සප හිමියන් ඇතුළු හිමිවරු සිව්නමකට සහ තවත් හය දෙනෙකුට ත්‍රිකුණාමලය මහාධිකරණයෙන් ඇප හිමිව තිබේ.

පොළොන්නරුව දිස්ත්‍රික් හිටපු පාර්ලිමේන්තු මන්ත්‍රී අමරකීර්ති අතුකෝරළට සහ ඔහුගේ ආරක්ෂක නිලධාරියාට පහරදී ඝාතනය කළ බවට වූ චෝදනාවට වරදකරු වූ 12 දෙනෙකුට මරණ දඬුවම නියම කෙරුණි.

ඉරානය එක්සත් ජනපදය සමඟ රාජ්‍ය තාන්ත්‍රික විසඳුමකට සම්පූර්ණයෙන්ම කැපවී සිටින අතර ඒ සමඟම නැවත ගැටුමක් ඇතිවීමේ තත්වයට සූදානමින් සිටින බව විදේශ අමාත්‍ය අබ්බාස් අරග්චි ඊයේ(10) ටෙහෙරානයේ RT පුවත් සේවයේ රික් සැන්චෙස් සමඟ කළ සම්මුඛ සාකච්ඡාවකදී පැවසීය.

අමෙරිකා එක්සත් ජනපද ජනාධිපති ඩොනල්ඩ් ට්‍රම්ගේ සැලසුමක් අනුව අමෙරිකා එක්සත් ජනපද භූමියට අලුතින් භූමි ප්‍රදේශ 3ක් එකතු කර ගැනීමේ සූදානමක් පවතින බව ජ්‍යෙෂ්ඨ මාධ්‍යවේදී මොහාන් සමරනායක මහතා පවසයි.