දේශපාලන ආරංචි මාර්ග පවසන්නේ ජනාධිපතිවරණයට පෙර මහ මැතිවරණය පැවැත්වීමට නම් පාර්ලිමේන්තු මන්ත්‍රීවරුන් 113 දෙනකුගේ අත්සන් සහිත ලේඛනයක් තමන් වෙත ඉදිරිපත් කරන ලෙස ජනාධිපති රනිල් වික්‍රමසිංහ මහතා ප්‍රකාශ කර ඇති බවයි.
ජාතික ජන බලවේගයේ විධායක සභික හිටපු පාර්ලිමේන්තු මන්ත්‍රී වසන්ත සමරසිංහ මහතා සහ හිටපු බස්නාහිර පළාත් සභා මන්ත්‍රී වරුණ රාජපක්ෂ මහතා අතර ස්වාධීන රූපවාහිනියේ පැවති තුලාව වැඩසටහනේදී උණුසුම් සංවාදයක් ඇති විය.
එදා මෛත්‍රීපාල සිරිසේන මහතා ජනාධිපති කර බලය ලබාගත්තේ ද රනිල් වික්‍රමසිංහ මහතා බවත්, එහෙත් ඔහුට එදා ඉන්දියානු කොන්ත්‍රත්තුව ඉටු කිරීමට ඉඩක් නොලැබුණු බවත් මහාචාර්ය පූජ්‍ය මැදගොඩ අභයතිස්ස හිමියෝ පවසති.
ජාතික සම්පත් විකිණීමෙන් වළකින ලෙස මහා නායක හිමිවරුන් විසින් රජය දැනුවත් කර තිබූ බවත් උන්වහන්සේලා එසේ ප්‍රකාශ කිරීමත් සමග අනුනායක හිමිවරුන් විසින් පැපිලියාන සුනේත්‍රාදේවි මහ පිරිවෙනේ දී මහින්ද රාජපක්ෂ හිටපු ජනාධිපතිවරයා මුණගැසී ඔහුගේ ජනවරම සහ ශ්රී ලංකා පොදුජන පෙරමුණේ අරමුණ වියයුත්තේ ජාතික සම්පත් පෞද්ගලීකරණය කිරීම නොවන බවට දැනුම් දුන් බවත් රුහුණු විශ්ව විද්‍යාලයේ කුලපති, ආචාර්ය පූජ්‍ය අකුරටියේ නන්ද හිමියෝ පවසති.
සිරස නාලිකාව සමඟ පැවැති සාකච්ඡාවකදී පොදු ජන පෙරමුණේ හිටපු ජාතික සංවිධායක හිටපු අමාත්‍ය බැසිල් රාජපක්ෂ මහතා, ජනතාවට රටට යහපතක් වන්නේ නම් සමගි ජන බලවේගය සමග එක්වීමට ශ්රී ලංකා පොදුජන පෙරමුණ සූදානම් බව පැවසූවේය.
පසුගිය කාලයේ රට තුළ ඇති වූ දේශපාලනික අරාජිකත්වය දඩමීමා කරගනිමින් දේශීය හා විදේශීය විවිධ බලවේගවලට ක්‍රියාත්මක කරගැනීමට නොහැකි වූ න්‍යායපත්‍රයන්, ගිවිසුම් හා සැලසුම් නැවත මේ මොහොතේ ක්‍රියාත්මක වෙමින් ඇති බව දෙවන පරපුර නායක උවිඳු විජේවීර මහතා පවසයි.
ජෙරම් ප්‍රනාන්දු නමැති දේවගැතිවරයාට දේශීය හා විදේශීය වශයෙන් රුපියල් කෝටි එක් දහස් දෙසීයකට අධික මුදල් ප්‍රමාණයක් ලැබීම සම්බන්ධයෙන් මුදල් විශුද්ධිකරණය වැළැක්වීමේ පනත යටතේ සිදුකරන විමර්ශනවල ප්‍රගතිය මෙන්ම ප්‍රසිද්ධ දේශනයක දී බොදු දහම ඇතුළු අන්‍ය ආගම්වලට අපහාස වන ආකාරයෙන් සිදුකර ඇතැයි කියන ප්‍රකාශවලට එරෙහිව ගත් නීතිමය පියවර කුමක්දැයි ඉදිරි නඩු දිනයේදී (එනම් ලබන මැයි 13 වැනිදා) තම අධිකරණයට වාර්තා කරන ලෙස ශ්‍රේෂ්ඨාධිකරණය නීතිපතිවරයාට නියෝග කළේය.
මේ මොහොතේ ජන බලයක් හා සංවිධාන ජාලයක් ඇති පක්ෂ රට තුළ ඇත්තේ සමගි ජන බලවේගය හා ශ්රී ලංකා පොදු ජනපෙරමුණ පමණක් බවත් නමුත් මේ මොහොතේ රට පාලනය කළ හැකි නායකයකු සිටින්නේ එක්සත් ජාතික පක්ෂයේ නායක රනිල් වික්‍රමසිංහ මහතා බවත් බැසිල් රාජපක්ෂ මහතා පැවසීය.
ඉන්දියාව වැනි ආරක්ෂකවාදී රටක් සමග වෙළෙඳ ගිවිසුම් අත්සන් කළද, එම ගමන සාර්ථක ලෙස යා නොහැකි බවත්, එට්කා යනු සාමාන්‍ය වෙළෙඳ ගිවිසුමක් නොවන බවත් වෘත්තිකයන්ගේ ජාතික පෙරමුණේ සභාපති ඉංජිනේරු කපිල පෙරේරා මහතා පවසයි.
දේශීය පුවත්
හරක් කටා මාධ්‍ය අමතයි... ටිරාන් අලස්ට, දේශබන්දුට බරපතල චෝදනාවක්
කැනඩාවේ දෙමළ ජනසංහාර ස්මාරකයක් ඉදිකිරීම ගැන ශ්රී ලංකා රජය විරෝධය පළ කරයි..
අත්අඩංගුව ගන්න එපායැයි ඉල්ලා මහින්දානන්ද අපේක්ෂිත ඇප අයැදුම්පතක් ගොනුකරයි..
යාපනය විශ්ව විද්‍යාලයේ සිසුන් සමඟ වෙසක් පොහෝ දින අට සිල් සමාදන් වූ උපකුලපතිවරයා..
රට පුරා පැපොල රෝගීන් වැඩිවීමක් දක්නට ලැබුණද එන්නත් තොග රෝහල් ගබඩාවල නැතිලු?
කොළඹ නගරාධිපති තෝරන්න විවෘත ඡන්ද විමසීමක්..
මයික්‍රොසොෆ්ට් සමාගමේ සේවකයින් 6,000ක් සේවයෙන් ඉවතට..
අර්ච්චුනාගේ මන්ත්‍රී ධුරය බලරහිත කරන්නැයි ඉල්ලු පෙත්සම සලකා බලන්න දින දෙයි..
ඡන්දේ කාලේ කුඩු බෙදූ විපක්ෂයේ අය හෙළිකරන්නැයි චතුරංග අබේසිංහට කියයි..
ආනයන වියදම 11.1% කින් ඉහළට..