ශ්‍රී ලංකාව ජීවත්වීම මුම්බායි හි ජීවත්වීමට වඩා ලාභදායි බවත් තමන් නම් මුම්බායි දේපල විකුණා ශ්‍රී ලංකාවේ පදිංචි වන බවත් ශ‍්‍රී ලංකාව ඉන්දියාවේ කොටසක් බවත් සංචාරක ඇමති හරින් ප්‍රනාන්දු මහතා සඳහන් කරයි.

අධ්‍යාපන අමාත්‍ය සුසිල් ප්‍රේම්ජයන්ත මහතා පවසන්නේ රාජ්‍ය සේවා කොමිසම විසින් අනුමැතිය ලබා නොදීම හේතුවෙන් ජාතික පාසැල් සඳහා විදුහල්පතිවරුන් 54 දෙනෙකු බඳවා ගැනීමට නොහැකි වී ඇති බවය.

ගොවීන්ට සහනාධාර පොහොර වශයෙන් ආනයනය කරන ලද යුරියා පොහොර ගොවීන් වෙත ලබා නොදී රුපියල් කෝටි 100 කට අධික මුදලක් වංචා කිරීම සම්බන්ධයෙන් ප්‍රධාන පෙළේ පොහොර සමාගම් කීපයක ප්‍රධාන තනතුරු දරන්නන් 10 දෙනකු පමණ තව දින කීපයක් තුළදී අත්අඩංගුවට ගැනීමට රහස් පොලිසිය මගින් යුහුසුළුව කටයුතු කරනු ඇතැයි ජාතික පොහොර ලේකම් කාර්යාල අභ්‍යන්තර ආරංචි මාර්ග සඳහන් කරයි.

සෞඛ්‍ය සේවයට අදාළ සේවා කටයුතු රැසක් අත්‍යවශ්‍ය සේවාවන් බවට පත්කරමින් අති විශේෂ ගැසට් නිවේදනයක් නිකුත් කර තිබේ.

විධායක ජනාධිපති ක්‍රමය අහෝසි කිරීමේ යෝජනාව ජනාධිපතිවරණය නොපැවැත්වීමට සිදු කරන කුමන්ත්‍රණයක් බව පාර්ලිමේන්තු මන්ත්‍රී නීතිඥ උදය ගම්මන්පිල මහතා පවසයි.

ජනප්‍රිය තරු පහේ හිල්ටන් හෝටලයේ (Hilton Colombo) හිමිකාරීත්වය දරන Hotel Developers Lanka Ltd මිලදී ගැනීම සඳහා කෙටි ලැයිස්තුගත කර ඇති සමාගම් හතරෙන් තුනක්ම ඉන්දීය සමාගම් බවත්, බොහෝ විට එය ඉන්දියානු සමාගමකට යාමට ඉඩ අැති බවත්, සංචාරක ඇමැති හරීන් ප්‍රනාන්දු අනාවරණය කරයි.

දේශපාලන කරළියේ උණුසුම අනපේක්ෂිත ලෙස ඉහළ යෑම හේතුවෙන් ශ්‍රී ලංකා පොදුජන පෙරමුණ හෙවත් පොහොට්ටුවේ අභ්‍යන්තර දේශපාලන සංවාදය කෙමෙන් බරපතළ වී ඇති බව දේශපාලන ආරංචි මාර්ග පවසයි.

ආර්ථිකය අවපාතයට පුද්ගලයන් 8 දෙනෙකු නිරූපිත ලෙස නායකත්වය ලබා දී ඇති බවට වූ නඩු තීන්දුවේ දී තමන් ඇතුළු 8 දෙනාට එල්ල කර ඇති චෝදනා ලෙස ප්‍රකාශකර ඇත්තේ ජාත්‍යන්තර මූල්‍ය අරමුදලට යාම ප්‍රමාද කිරීම, රුපියල ස්ථාවරය පවත්වාගෙන යාම, බදු අඩු කිරීම, ණය ගෙවීම යන චෝදනා බවත්, අද වන විට මෙම කරුණු සම්බන්ධයෙන් එලෙස කටයුතු කළේ මක්නිසාදැයි ජනතාවට තේරුම් ගොස් ඇති බවත් හිටපු මහ බැංකු අධිපති අජිත් නිවාඩ් කබ්රාල් මහතා පවසයි.

රටේ හොරු අල්ලන්න සිිිටි FCID ප්‍රධානී රවී වෛද්‍යාලංකාර සියල්ලන්ටම වඩා ලෝක හොරෙක් බවත්, FCIDයට ඉදිරිපත් කරන පැමිණිලි තමන්ගේ යටතට ගෙන ඔහු වෙනම ගේමක් ගැසූ බවත් වසන්ත සමරසිංහ මහතා පවසයි.