පාර්ලිමේන්තු ක්‍රම සහ විධි පිළිබඳ කාරක සභාවේ සභාපති පාඨලී චම්පික රණවක මහතා විසින් ආනයනකරුවන්ගේ දුෂ්ඨ ලාභ ඉපැයීමේ ක්‍රියාවලිය හෙළිදරව් කිරීම ජාතික සංවිධානවල ඇගයීමට ලක්වී තිබේ.

වයස අවුරුදු 14ත් 16ත් අතර ගැහැණු දරුවෙකු සිය කැමැත්ත සහිතව වයස අවුරුදු 22ට අඩු පුද්ගලයෙකු සමග ලිංගික සබඳතාවක් පැවැත්වුහොත් ඊට ලබාදෙන දඬුවම ලිහිල් කිරීමට අදාළව ආණ්ඩුව විසින් ගෙනඒමට යෝජිතව තිබූ දණ්ඩ නීති සංග්‍රහය (සංශෝධන) පනත් කෙටුම්පත ඉල්ලා අස්කර ගැනීමට ආණ්ඩුව ඊයේ (01 දා) කටයුතු කළේය.

අමෙරිකාවේ බැල්ටිමෝර්හි පාලමක ගැටී අනතුරට පත් ශ්‍රී ලංකාව බලා යාත්‍රා කරමින් පැවැති ඩාලි බහාලුම් ප්‍රවාහන නෞකාව තුළ විෂ සහිත අපද්‍රව්‍ය ප්‍රවාහනය කරමින් පැවති බව අමෙරිකානු මාධ්‍ය වාර්තා කර තිබේ.

රටේ ආර්ථික අර්බුදයක් නැති බව මේ වන විට ආණ්ඩුව විසින් මවාපාමින් ඇති බවත්, ක්‍රියාත්මක වෙමින් පවතින බදු ප්‍රතිපත්තිය හරහා වෘතීයවේදීන්ට දැඩි අසාධාරණයක් සිදුවන බව වසරක කාලයක සිට විශ්ව විද්‍යාල ආචාර්යවරු ලෙසත් හා වෘත්තීයවේදීන්ගේ වෘතීය සමිති එකමුතුව ලෙසත් පෙන්වා දුන් බවත් විශ්වවිද්‍යාල ආචාර්යවරුන්ගේ සමිති සම්මේලනයේ ප්‍රකාශක මහාචාර්ය චාරුදත්ත ඉලංගසිංහ මහතා පවසයි.

ශ්‍රී ලංකා රේගුව, දේශීය ආදයම් දෙපාර්තමේන්තුව සහ සුරාබදු දෙපාර්තමේන්තුව මගින් රජයට රු.බි. 1066 ක් (රු. කෝටි ලක්ෂයක්) එකතු කළ යුතු හිඟ බදු පවතින බව එක්සත් ජනරජ පෙරමුණේ නායක, ක්‍රම සහ විධි කාරක සභාවේ සභාපති, පාඨලී චම්පික රණවක මහතා ප්‍රකාශ කළේය.

උපාධිධාරී ගුරු විභාගය 5000කට වැඩි පිරිසක් ලියූ බවත්, 2500කට පත්වීම් දුන්න ද තවත් 2035ක් සම්මුඛ පරීක්ෂණවලට සහභාගිවී ප්‍රායෝගික පරීක්ෂණයට ද සහභාගිවී ඇතත් තවමත් පත්වීම් ලබාදෙන දිනයක් පෙනෙනතෙක් මානෙක නැති බවත් පාර්ලිමේන්තු මන්ත්‍රී ජයන්ත සමරවීර මහතා පාර්ලිමේන්තුවේ දී පැවසීය.

දුමින්ද දිසානායක, ලසන්ත අලගියවන්න සහ මහින්ද අමරවීර යන මහත්වරුන් ශ්‍රී ලංකා නිදහස් පක්ෂයේ කෘත්‍යාධිකාරී මණ්ඩලයේ ධූරවලින් ඉවත් කිරීම වළක්වාලමින් කොළඹ දිසා අධිකරණය අතුරු තහනම් නියෝගයක් නිකුත් කර තිබේ.

'පිරිපුන් දේශයක්' සංවිධානයේ උපායමාර්ගික සංවර්ධන සැලැස්ම දේශපාලනඥයන් වෙනුවෙන් ඉදිරිපත් කිරීම ඊයේ(31) කොළඹ දී සිදු විය.

ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතාට විරුද්ධව මීගමුව මහේස්ත්‍රාත් අධිකරණය ඉදිරියේ අගමන විගමන පනත යටතේ පවරා තිබූ නඩුවෙන් අද(01) දින ඔහු නිදොස් කොට නිදහස් කරන ලදී.