හොර ඖෂධ මිලදී ගැනීම මගින් කොමිස් ගැසීමේ චෝදනාව මත අත්අඩංගුවට ගනුලැබූ හිටපු සෞඛ්‍ය ඇමැති රඹුක්වැල්ල මහතා ඔහු වර්තමානයේ දරමින් සිටි කැබිනට් අමාත්‍ය ධුරයෙන් ඉල්ලා අස්වීම පිළිබඳව ලංකා ලීඩර් ජාතික සංවිධාන වල මතය විමසන ලදී.

පරිසර අමාත්‍ය කෙහෙළිය රඹුක්වැල්ල මහතා සිය ඉල්ලා අස්වීමේ ලිපිය ජනාධිපති රනිල් වික්‍රමසිංහ මහතාට යොමුකර ඇති බව වාර්තා වේ.

අද ශ්‍රී ලංකාව නොගෙවා ඇති ණය ගෙවා දැමුවහොත් විදේශ සංචිතය ඩොලර් මිලියන 3500ක ඍණ අගයක් ගන්නා බව හිටපු මහ බැංකු අධිපති අජිත් නිවාඩ් කබ්රාල් මහතා සඳහන් කරයි.

13 වන සංශෝධනය සම්පූර්ණයෙන්ම ක්‍රියාත්මක කිරීමෙන් සිදුවන්නේ උතුරට එක නීතියකුත් දකුණට තව නීතියකුත් ක්‍රියාත්මක වීම බවත් එමගින් පුරාවිද්‍යා බලතල පළාත් සභා සතුවීමෙන් දැනට මහා පරිමාණයෙන් සිදුකරන පුරාවස්තු විනාශය තවදුරටත් කරගෙන යෑමට ඉඩ ලැබෙන බවත් බුද්ධ ශාසන කාර්ය සාධක මණ්ඩලය නිකුත් කර ඇති ප්‍රකාශයක සඳහන් වේ.

මේ මොහොතේදී ජනාධිපති අපෙක්ෂකත්වයට වත්මන් ජනාධිපතිවරයාට වඩා සුදුස්සකු තම පක්ෂයේ සිටීනම් ඒ සඳහා ඔහුට අවස්ථාව ලබාදීම සුදුසු බවත් එසේ සුදුස්සකු නැතිනම් ඒ අවස්ථාව අනිවාර්යයෙන්ම ජනාධිපති රනිල් වික්‍රමසිංහ මහතාටම ලබාදිය යුතු බවත් ආණ්ඩු පක්ෂ ප්‍රධාන සංවිධායක, නාගරික සංවර්ධන හා නිවාස අමාත්‍ය ප්‍රසන්න රණතුංග මහතා අවධාරණය කරයි.

කංසා මෙරට වගාකර අපනයනය කිරීමට අදාළව කැබිනට් මණ්ඩලය වෙත ඉදිරිපත් කළ යෝජනාවක් සඳහා කැබිනට් අනුමැතිය හිමිව ඇති බව වාර්තා වේ.

ඉන්දීය නාවික හමුදාවේ INS Karanj, ඩීසල් ප්‍රහාරක සබ්මැරීනය සති අන්තයේ ශ්‍රී ලංකාවේ නැංගුරම් ලා ඇති බව වාර්තා වේ. එම සබ්මැරීනයේ ශ්‍රී ලංකා සංචාරය නවදිල්ලිය සමඟ රාජ්‍ය තාන්ත්‍රික ගැටුමක සිරවී ඇති ඉන්දීය සාගරයේ තවත් දූපත් රාජ්‍යයක් වන මාලදිවයිනට චීන නාවික යාත්‍රාවක් පැමිණීම සමග සමපාත වේ.

2050 වසර වන විට ගෝලීය පිළිකා රෝගීන් මිලියන 35 දක්වා ඉහළ යනු ඇති බව ලෝක සෞඛ්‍ය සංවිධානයේ (WHO) පිළිකා රෝග ඒජන්සිය පුරෝකථනය කර ඇත. සෞඛ්‍ය විශේෂඥයන්ට අනුව මෙම අගය 2022 දී වාර්තා වූ අගයට වඩා 77% ක වැඩිවීමකි.

රටේ ඇතිවන අර්බුදය කළින්ම දැක ගෝඨාභය රාජපක්ෂ පාලනය ඇහැරවීමට උත්සාහ දැරූ බවත්, එහෙත් එය කළ නොහැකි තැනකට ඒ වන විට ගෝඨාභය පාලනය පත්ව තිබූ බවත් ජානිපෙ නායක, පාර්ලිමේන්තු මන්ත්‍රී විමල් වීරවංශ මහතා පවසයි.