‘යුක්තිය’ මෙහෙයුම මගින් අත්අඩංගුවට ගෙන බන්ධනාගාර ගත කරන රැඳවියන් ප්‍රමාණය දිනෙන් දින ඉහළයෑම නිසා බන්ධනාගාර පිරී ඉතිරී යෑම හේතුවෙන් රජය සතු හිස් ගොඩනැඟිලිවල රැඳවියන් තැබීමට පියවර ගන්නා බව අධිකරණ ඇමැති විජයදාස රාජපක්ෂ මහතා පවසා තිබේ.

රට තුළ ස්ථාවර ආර්ථිකයක් ගොඩනැඟීම සහ ජනවාර්ගික ප්‍රශ්නයට විසඳුම් සෙවීම අද රට හමුවේ ඇති ප්‍රධාන වගකීම් බවත්, කුමන පක්ෂයක් නියෝජනය කළද එම අරමුණු ඉටුකර ගැනීම වෙනුවෙන් තමන් සමඟ එක්වන ලෙස තමා සියලු දේශපාලන පක්ෂ වෙත නැවත ආරාධනා කරන බවත් ජනාධිපති රනිල් වික්‍රමසිංහ මහතා පැවසීය.

විදේශ විනිමය අදායම පැත්තෙන් මෙන්ම භූ දේශපාලනික වශයෙන්ද ඉතා වැදගත් පුල්මුඩේ ඛනිජ වැලි නිධිය සහ ඒ් අශ්‍රිත කැනීම් මෙන්ම වටිනාකම් එකතු කිරීමේ කර්මාන්ත පද්ධතිය සම්පූර්ණයෙන්ම ඉන්දියාවේ අදානි සමාගමට පැවරීමට රජය ඉතා රහසිගතව කටයුතු කරන බව අභ්‍යන්තර ආරංචි මාර්ග සඳහන් කරයි.

ජනාධිපතිවරණයට ඉල්ලන්නේ නැතැයි තමා කොතැනකවත් කියා නැති බව ජනාධිපති රනිල් වික්‍රමසිංහ මහතා පවසා තිබේ.

මේ වන විට ගැසට්කර ඇති නව විදුලි පනත් කෙටුම්පත පිළිබඳව ලංකා ලීඩර් වෙත අදහස් දැක්වූ ජ්‍යෙෂ්ඨ නීතිඥ කල්‍යානන්ද තිරාණගම මහතා සඳහන්කර සිටියේ එම කෙටුම්පත ශ්‍රී ලංකාවේ නීති කෙටුම්පත් දෙපාර්තමේන්තුව විසින් කෙටුම්පත් කළ ලේඛනයක් නොවන බවය.

මෙවර ශ්‍රී පාද වන්දනා සමය අද (26) සිට ආරම්භ වේ.

2004 වසරේ දෙසැම්බර් 26 වැනිදා සිදු වූ සුනාමි ව්‍යසනයට අදට වසර 19 ක් සපිරේ.

මත්ද්‍රව්‍ය සහ පාතාලය මැඬපැවැත්වීම සඳහා මහජන ආරක්ෂක අමාත්‍යාංශයේ මෙහෙයවීම මත ආරක්ෂක අංශ ආරම්භ කළ ‘යුක්තිය මෙහෙයුම’ යටතේ දින හතක් තුළ පොලිස් මත්ද්‍රව්‍ය නාශක කාර්යාංශයේ සහ විශේෂ කාර්යාංශයේ ලේඛනගත සැකකරුවන්ගේ ලැයිස්තුවේ සිටි සැකකරුවන් 4665 දෙනෙකු අතරින් ඊයේ (24 දා) වනවිට සැකකරුවන් 1107 ක් සමඟ මත්ද්‍රව්‍ය හා දේපළ රැසක් ආරක්ෂක අංශ භාරයට ගෙන ඇත.

ජනාධිපතිවරණයට ඉදිරිපත්වීම සඳහා තමාට සෙසු පක්‍ෂවල සහාය ලබාගන්නා ආකාරය පිළිබඳව කතාබහ ආරම්භ කරන බව ප්‍රකට ව්‍යාපාරික පාර්ලිමේන්තු මන්ත්‍රී ධම්මික පෙරේරා මහතා සති අග ජාතික පුවත්පතකට පවසා තිබේ.