පොදු දේපළ පනත යටතේ චෝදනා ඉදිරිපත් කර ගොනුකර ඇති නඩුවට ඉදිරිපත් වීම සඳහා හිටපු ජනාධිපති රනිල් වික්‍රමසිංහ මහතා මීට සුළු මොහොතකට පෙර කොටුව මහෙස්ත්‍රාත් අධිකරණය වෙත පැමිණ තිබේ.

වෙනිසියුලාවේ ජාතික සභාව ඊයේ(28) පැවැත්වූ සාමාන්‍ය සැසියේදී ට්‍රිනිඩෑඩ් සහ ටොබැගෝ අගමැති කම්ලා පර්සාඩ්-බිසෙසාර්, "පිලිනොගන්න රාජ්‍යතාන්ත්‍රිකයෙකු ලෙස ප්‍රකාශ කිරීම සඳහා" ඉදිරිපත් කළ කෙටුම්පත් අනුමත කරනු ලැබීය. වෙනිසියුලාවේ ජාතික සභාව ගත් මෙම ක්‍රියාමාර්ගය වෙනිසියුලානු ස්වෛරීභාවයට සතුරු යැයි සැලකෙන ක්‍රියාවන්ට ප්‍රතිචාරයක් බව විචාරකයෝ පවසති.

පොලිස් දෙපාර්තමේන්තුවේ අතිශය රහසිගත සංවේදී තොරතුරු යූටියුබ් මාධ්‍යකරුවන්ට ලබාදී පොලිස්පතිවරයාගේ සහ දකුණු පළාත භාර ජ්‍යෙෂ්ඨ නියෝජ්‍ය පොලිස්පතිවරයාගේ කීර්ති නාමයට හානි වන ආකාරයේ මඩ ප්‍රවෘත්ති නිර්මාණය කර ප්‍රචාරය කිරීම සඳහා ආධාර අනුබල දුන් බවට එල්ල වී ඇති චෝදනා සම්බන්ධයෙන් පොලිස්පතිවරයාට පහළින් ඉන්නා ජ්‍යෙෂ්ඨත්වයෙන් ඉහළම තැනක සිටින ජ්‍යෙෂ්ඨ නියෝජ්‍ය පොලිස්පතිවරයකුට එරෙහිව අපරාධ පරීක්‍ෂණ දෙපාර්තමේන්තුව විමර්ශන ආරම්භ කර ඇත.

හිටපු ජනාධිපති රනිල් වික්‍රමසිංහ මහතාට එරෙහිව පොදු දේපළ පනත යටතේ චෝදනා ඉදිරිපත් කර ගොනුකර ඇති නඩුව අද (29) යළි කැඳවීමට නියමිතව තිබේ.

පසුගිය ජනාධිපතිවරණය සහ මහ මැතිවරණයේ දී ජනතාව විසින් ගනු ලැබූ තීරණයට අද සාධාරණය ඉෂ්ඨ වී ඇත්දැයි විමසා බැලිය යුතු කාලය එළඹ ඇති බවත්, රනිල් වික්‍රමසිංහ ආණ්ඩුවෙන් වර්තමාන ජනතා විමුක්ති පෙරමුණේ පාලනයට පාලන බලය මාරුවන විට මෙරට විදේශ වත්කම් සංචිතය ඩාලර් මිලියන හයකුත් දශම ගාණක් තීබු බව හා අද වත්මන් ආණ්ඩුව පත්වී වසරකට වැඩි කාලයක් ගතව ඇතත් විදේශ වත්කම් සංචිතය තවමත් පවතින්නේ ඩොලර් මිලියන හයකුත් දශම ගාණක් බවත් ජාතික නිදහස් පෙරමුණේ නායක, හිටපු අමාත්‍ය විමල් වීරවංශ මහතා පවසයි.

හෙට (29) දින කොටුව මහේස්ත්‍රාත් අධිකරණය හමුවේ හිටපු ජනාධිපති රනිල් වික්‍රමසිංහ මහතාට එරෙහිව පොදු දේපළ අයථා ලෙස පරිහරණය කිරීමේ පනතට අදාළ නඩුව සම්බන්ධයෙන් පවතින පැමිණිල්ල විභාග කිරීමට නියමිත බව වාර්තා වේ.

බැංකු සහ මුල්‍ය ආයතන ආයතනවලට වාහන සහ වෙනත් විවිධ දේපළ උගස් කිරීම හේතුවෙන් මේ වන විට හිඟ ණය සහ ලීසිං වාරික දළ වශයෙන් කෝටි දෙදහසකට වැඩි ප්‍රමාණයක් අයකර ගැනීමට නොහැකිව පවතින බව සමස්ත ලංකා දේපළ අත්පත් කර ගැනීමේ වෘත්තිකයන්ගේ සංගමයේ ලේකම් ප්‍රියන්ත ලියනගේ පවසයි.

රුසියාව නිපදාව ඇති නවතම අසීමිත-පරාසයක් දක්වා පියාසර කළ හැකි න්‍යෂ්ටික බලයෙන් ක්‍රියාත්මක වන බුරෙවෙස්ට්නික් මිසයිලයට ඕනෑම මිසයිල ආරක්ෂණ පද්ධතියක් මඟ හැරිය හැකි බව මාණ්ඩලික ප්‍රධානී ජෙනරාල් වැලරි ජෙරසිමොව් මාධ්‍ය වෙත පැවසීය.

ඝානාවේ ජනමාධ්‍ය වාර්තාවලට අනුව, ව්‍යාජ රන් ගනුදෙනුවකින් ශ්‍රී ලංකාවේ පාර්ලිමේන්තු මන්ත්‍රී මුහම්මද් හිස්බුල්ලාට ඩොලර් මිලියන 2 ක වංචාවක් සිදුකළ බවට චෝදනා ලැබූ පුද්ගලයින් 11 දෙනකුට ඇක්රාහි අධිකරණයක් ඇප ලබා දී තිබේ.