ඉරානයට එරෙහිව අමෙරිකාව සහ ඊශ්‍රායලය විසින් සිදුකරනු ලබන යුද්ධය දැනට ලෝකය පිළිගෙන තිබෙන අන්තර්ජාතික සබඳතා පාලනය කරන සියලු සම්මුතීන්ට පටහැනි බව ජ්‍යෙෂ්ඨ මාධ්‍යවේදී මොහාන් සමරනායක මහතා පවසයි.

ගජේන්ද්‍ර කුමාර් පොන්නම්බල්ම්ලා, සුමන්තිරන්ලා වැනි දේශපාලකයින් උතුරේ ජනතාව අවුස්සමින් තම දේශපාලනයේ නිරත වන බවත්, බෙදුම්වාදී ක්‍රියාවලිය අවශ්‍ය බව පවසමින් ඔවුන් දෙමළ ජනයා තුළ මතයක් නිර්මාණය කරන බවත් පාර්ලිමේන්ත.ු මන්ත්‍රී රාමනාදන් අර්ච්චුනා මහතා පවසයි.

ඉරානයේ නව නායකත්වය සමඟ න්‍යෂ්ටික අවි හරණය පිළිබඳ සාකච්ඡා නැවත ආරම්භ කිරීමට එකඟ බව එක්සත් ජනපද ජනාධිපති ඩොනල්ඩ් ට්‍රම්ප් ඉයේ(01) පැවසීය.

ඉරානයට තමන්ව ආරක්ෂා කර ගැනීමට "සෑම අයිතියක්ම" ඇති බවත්, සටන් කිරීම දිගටම කරගෙන යාමට ශපථ කරන බවත් ඉරාන විදේශ අමාත්‍ය සෙයිද් අබ්බාස් අරග්චි ඊයේ(01) ABC ප්‍රවෘත්ති සේවය වෙත අදහස් දක්වමින් පැවසුවේය.

මැදින් පුර පසළොස්වක පොහොය දිනය අදට යෙදී තිබේ.

ඉරානයේ උත්තරීතර නායක අයතුල්ලා අලි කමේනි ඝාතනයෙන් පසුව එම ධුරයේ වගකීම සඳහා නව නායකයෙක් පත්කර තිබේ.

අමෙරිකා එක්සත් ජනපදය සහ ඊශ්‍රායලය එක්ව ඉරානයට එරෙහිව එල්ල කරමින් පවතින ප්‍රහාර සහ ඊට ප්‍රතිචාර වශයෙන් ඉරානය එල්ල කරන ප්‍රතිප්‍රහාර සහ ඒ අනුව මැද පෙරදිග කලාපය ඇතුළුව සමස්ත ලෝකයට බලපාන සම්බන්ධයෙන් රුසියානු විදේශ අමාත්‍යංශය මාධ්‍ය නිවේදනයක් නිකුත් කර තිබේ. ඒ මගින් රුසියානු විදේශ අමාත්‍යංශය අවධාරණය කරන්නේ දේශපාලන හා රාජ්‍ය තාන්ත්‍රික මාවතකට වහාම නැවත පැමිණෙන ලෙස සියළු පාර්ශවයන්ගෙන් රුසියාව ඉල්ලා සිටින බවයි. එලෙසම ජාත්‍යන්තර නීතිය, අන්‍යෝන්‍ය ගෞරවය සහ අවශ්‍යතා පිළිබඳ සමබර සලකා බැලීමක් මත පදනම් වූ සාමකාමී විසඳුම් ඉදිරියට ගෙන යාමට සහාය වීමට රුසියාව සැමවිටම සූදානම් බව අවධාරණය කරන බවද පවසයි..

අයතුල්ලා අලි කමේනි ඝාතනය කර ඇති බව ඉරාන රාජ්‍ය මාධ්‍ය පළමු වරට අනාවරණය කර තිබේ.

එක්සත් ජාතීන්ගේ ආරක්ෂක මණ්ඩලය ඊයේ හදිසි රැස්වීමක් පැවැත්වූ අතර, එහිදී එක්සත් ජාතීන්ගේ සංවිධානයේ චීනයේ නිත්‍ය නියෝජිත ෆු කොං ප්‍රකාශ කළේ එක්සත් ජනපදය සහ ඊශ්‍රායලය ඉරානය තුළ ඇති ඉලක්කවලට හමුදා ප්‍රහාර දියත් කර ඇති බවත්, එමඟින් කලාපීය ආතතීන් හදිසියේම උත්සන්න වී ඇති බවත්ය. මෙහිදී චීනය මේ පිළිබඳව දැඩි කනස්සල්ල පළ කළේය.