දේශීය ගොවි හඬ සංවිධානය දීපව්‍යාප්ත ගොවි වර්ජනයක් අද ආරම්භ කිරීමට නියමිතය.

ජනාධිපති අනුර කුමාර දිසානායක මහතා ජනාධිපතිවරණයට ඉදිරිපත් වීමේ දී ඉදිරිපත් කළ මැතිවරණ ප්‍රකාශනයේ ලබාදී තිබූ පොරොන්දු 1359න් එකක්වත් ජනාධිපති වී වසරක් සම්පූර්ණ වන විට ඉටුකර නොතිබූ බවත්, පාර්ලිමේන්තු මැතිවරණය පවත්වා ආණ්ඩුව පත්වී වසරක් ගතවී ඇතත් ආණ්ඩුව විසින් ඉටුකර ඇත්තේ ජනතාවට ප්‍රයෝජනයක් නොමැති පොරොන්දු කිහිපයක් පමණක් බව පිවිතුරු හෙළ උරුමයේ නායක උදය ගම්මන්පිල මහතා පවසයි.

රටේ වෘතීයවේදීන්ට ලබාදුන් වාහන පර්මිට් එකත් ආණ්ඩුව විසින් අහෝසිකර ඇති බවත්, ඒ වෙනුවට පක්ෂය ගොඩනැගීම සඳහා පක්ෂයේ කාඩර්වරුන්ට ලබාදීමට ඩබල් කැබ් 1700ක් ගෙනවිත් ඇති බවත් හිටපු පාර්ලිමේන්තු මන්ත්‍රී පාඨලී චම්පික රණවක මහතා පවසයි.

ලංකා සතොසට අයත් සුදුළූණු කිලෝග්‍රෑම් 54,860 ක් නීතිවිරෝධී ලෙස පෞද්ගලික ව්‍යාපාරික ආයතනයකට අලෙවි කිරීමේ සිද්ධිය සම්බන්ධයෙන් අත්අඩංගුවට ගත් ව්‍යාපාරිකයන් දෙදෙනකු නිදහස් කිරීමට වැලිසර මහේස්ත්‍රාත් අධිකරණය නියෝග කර තිබේ.

ජාත්‍යන්තර සංවිධානාත්මක අපරාධ කණ්ඩායම් දෙකක් ලෙස සැළකෙන දාවුඩ් ඊබ්‍රාහිම්ගේ කණ්ඩායම (D gang) සහ හිටපු දෙමළ ඊළාම් විමුක්ති කොටි සංවිධානයේ (LTTE) ක්‍රියාකාරිකයින් අතර මත්ද්‍රව්‍ය ජාවාරම සඳහා ගිවිසුමක් ඇති වී ඇති බව පවසමින් ඉන්දීය බුද්ධි අංශ විසින් දැඩි අවධානයක් යොමු කර ඇති බව එරට මාධ්‍ය වාර්තා කර තිබේ.

ශ්‍රී ලංකා සංචාරක සංවර්ධන අධිකාරියේ දේශපාලන බලපෑම් මත සිදුවන අක්‍රමිකතා සහ රාජ්‍ය දේපල අවභාවිතය මෙන්ම සිදුවන දූෂණ පිළිබඳව හෙළිකරමින් අන්තර් ජාලයේ ලිපියක් සංසරණය වන අතර, මෙම ලිපියෙන් පෙන්වා දෙන්නේ නව රජය පත්වීමත් සමගම එම ආයතනය මේ වනවිට විශාල වශයෙන් දේශපාලන බලපෑම් වලට ලක්වී ඇති බවයි.

අනුර කුමාර දිසානායක ජනාධිපතිවරයා විසින් ඉදිරිපත්කළ අයවැය තුළ ඇතුළත් වන බොහෝ කාරණා යථාර්තවාදී නොවන බවත් ඒවා සැබෑ ලෙස සාර්ථක කර ගැනීමට අපහසු කතාන්දරයක් බවත් ටිල්වින්ලාගේ සහ අනුර කුමාරලාගේ ආර්ථික දැක්ම එකිනෙකට පැටලී තිබෙන බව මෙම අයවැයෙන් මනාව පැහැදිලි වන බවත් අයවැය විවාදයට එක් වෙමින් සමගි ජන බලවේගයේ පාර්ලිමේන්තු මන්ත්‍රී, මුදල් කාරක සභාවේ සභාපති ආචාර්ය හර්ෂ ද සිල්වා පැවසීය.

අධ්‍යාපන අමාත්‍යාංශය මගින් 6 ශ්‍රේණියේ සිට ආරම්භ කිරීමට සූදානම් වන ලිංගික අධ්‍යාපන විෂය නිර්දේශය රටට නුසුදුසු බවත්, එය ජාත්‍යන්තර සංවිධානවල බලපෑම මත සිදු කෙරෙන්නක් බවත් අගරදගුරු මැල්කම් රංජිත් කාදිනල්තුමන් පවසති.

ජනාධිපති ඩොනල්ඩ් ට්‍රම්ප් වෙනිසියුලාවට එරෙහිව හමුදා ක්‍රියාමාර්ග ගැනීමට පෙර කොංග්‍රස් අනුමැතිය අවශ්‍ය බවට ඉදිරිපත් වූ පනතක් එක්සත් ජනපද සෙනෙට් සභාව විසින් ඡන්ද දෙකකින් ප්‍රතික්ෂේප කර ඇත.