වත්මන් රජය හඳුන්වා දීමට උත්සාහ කරන අධ්‍යාපන ප්‍රතිසංස්කරණ පිටුපස සිටින්නේ දශක ගණනාවක් තිස්සේ මෙරට නිදහස් අධ්‍යාපනය විනාශ කිරීමට උත්සාහ කළ "නව ලිබරල් කේවට්ටයන්" පිරිසක් බව පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා පවසයි.

පාසල් බුද්ධ ධර්මය පොතට ඇතුළුකර ඇති ධර්ම චක්‍රය ව්‍යවස්ථා විරෝධී බවත්, 1978 ව්‍යවස්ථාවට රාජ්‍ය ලාංඡනය ඇතුළත් කරන අවස්ථාවේදී එහි ඉහළින්ම දක්වා ඇති ධර්ම චක්‍රය ප්‍රමිතිගත ධර්ම චක්‍රය බවත් ගුරු විදුහල්පති වෘත්තීය සමිති එකමුතුවේ කැඳවුම්කරු පූජ්‍ය උලපනේ සුමංගල හිමි පවසති.

පසුගිය වසර කිහිපය තුළ මෙරට මව්වරුන් 877,000ක් පමණ වඳභාවයට පත් කර ඇති බවත්, මෙය විදේශීය උවමනාවලට අනුව ක්‍රියාත්මක වන සංවිධානාත්මක වැඩපිළිවෙළක් බවත් බොදු බල සේනා සංවිධානයේ මහලේකම් පූජ්‍ය ගලගොඩඅත්තේ ඥාණසාර හිමියන් පවසති.

අධ්‍යාපන ප්‍රතිසංස්කරණවලදී යොදාගෙන ඇත්තේ ධර්ම චක්‍රයද අසෝක චක්‍රයද යන කාරණය සහ රාජ්‍ය ලාංඡනයේ සිංහයා විකෘති වීම සම්බන්ධයෙන් බරපතළ කතාබහක් නිර්මාණය වී ඇති පසුබිමක ගොතටුවේ ඉන්ද්‍රකීර්ති හිමියන් පෙන්වා දෙන්නේ ලංකාවේ රාජ්‍ය ලාංඡනයට යොදා ඇති ධර්ම චක්‍රය මෙරටට අවේනික වූ දර්ම චක්‍රය බවයි.

ත්‍රිකුණාමලය ශ්‍රී සම්බුද්ධ ජයන්ති බෝධිරාජ විහාරස්ථානයේ පසුගිය නොවැම්බර් 16 වැනිදා බුදු පිළිමයක් තැන්පත් කිරීමට වහලයක් සහ ආවරණයක් සකස් කිරීමේදී වෙරළ සංරක්ෂණ පනත උල්ලංඝනය කළ බව කියන චෝදනාවකට බලංගොඩ කස්සප හිමියන් ඇතුළු හිමිවරුන් සිව් නමක ඇතුළු සිවිල් සංවිධාන ක්‍රියාකාරීන් නව දෙනකු ලබන 19 වැනිදා දක්වා රක්ෂිත බන්ධනාගාරගත කර තබන ලෙසට ත්‍රිකුණාමලය මහෙස්ත්‍රාත් අධිකරණය ඊයේ (14) දින නියෝග කළේය.

කොළඹ මහ නගර සභාවේ මුදල් කමිටුව සඳහා සාමාජිකයන් පත්කර ගැනීමට ඊයේ (14දා) පැවැති ඡන්ද විමසීමේදී සමගි ජන බලවේගය ප්‍රමුඛ විපක්ෂය ඉදිරිපත් කළ සාමාජිකයින් පස්දෙනාම ඡන්දයෙන් තේරී පත්වී ඇත. පාලන බලය හිමි ජාතික ජන බලවේගය ඉදිරිපත් කළ සියලු අපේක්ෂකයන් පරාජයට පත් වී තිබේ.

අධ්‍යාපන ප්‍රතිසංස්කරණ ක්‍රියාත්මක වීම සිදුවන්නේ අධිරාජ්‍යවාදී ව්‍යාපෘතියක් ලෙසින් බවත් මෙය තනිපුද්ගල ව්‍යාපෘතියක් නොවන බවත් පෙරදිග දේශපාලන විද්‍යායතනයේ විදුහල්පති ආචාර්ය වරුණ චන්ද්‍රකීර්ති මහතා පවසයි.

මහජන විරෝධය හමුවේ නව අධ්‍යාපන ප්‍රතිසංස්කරණ හකුලා ගැනීමට රජය ගත් තීරණය, රටේ දරු පරපුරේ යහපත උදෙසා ගත් වැදගත් පියවරක් වුවද එය ආණ්ඩුවේ “අදූරදර්ශී ක්‍රියාකලාපය හා උද්දච්චකම” මනාව පිළිඹිබු කරන ප්‍රබලම සාක්ෂියක් බව ජාතික නිදහස් පෙරමුණේ නායක විමල් වීරවංශ මහතා පවසයි. අද (14) කොළඹදී පැවති මාධ්‍ය හමුවකට එක්වෙමින් ඒ මහතා මේ බව සඳහන් කළේය.

ත්‍රිකුණාමලය ප්‍රදේශයේ බුදු පිළිමයක් සම්බන්ධ සිද්ධියකට අදාළව පූජ්‍ය බලංගොඩ කස්සප හිමියන් ඇතුළු ස්වාමීන්වහන්සේ සිව් නමක් සහ සිවිල් සංවිධාන ක්‍රියාකාරිකයින් 5 දෙනෙකු රක්ෂිත බන්ධනාගාරගත කර තිබේ.