වාර විභාග ප්‍රශ්න පත්‍ර පිටවීම පිළිබඳ වාර්තා හේතුවෙන්, පෞද්ගලික උපකාරක පන්ති සදහා යම් යම් සීමාවන් පැනවීමට අධ්‍යාපන අමාත්‍යාංශය කටයුතු කරමින් සිටින බව එහි නිලධාරියෙක් පැවසීය. ඊට ප්‍රධාන හේතුව ලෙස ඔහු පෙන්වා දෙන්නේ ප්‍රශ්න පත්‍ර පිටවීම බොහෝ විට සිදුවන්නේ උපකාරක පන්ති හරහා බවයි. පසුගිය දිනක උතුරු මැද පළාතේ පෞද්ගලික උපකාරක පන්ති පවත්වන ඇතැම් ගුරුවරුන් විසින් සිංහල භාෂාව පිළිබඳ වසර අවසාන වාර විභාග ප්‍රශ්න පත්‍රය පිට කර තිබුණි.

රිජ්වේ ආර්යා ළමා රෝහලේ වෛද්‍ය මහින්ද වික්‍රමාරච්චි මහතා විසින් රචිත ''සෙනෙවියකු පාමුල" කෘතිය ජන ගත කිරීම 2025 ජනවාරි 11 වැනිදා, රිජ්වේ ආර්යා ළමා රෝහලේ ශ්‍රවණාගාරයේදී සිදුවිය.

හාල් ප්‍රශ්නයට කෙටි කාලීන විසඳුම ආණ්ඩුව නොදන්නා කමට හෝ තක්කඩිකමට මඟ හැර ඇති බව උදය ගම්මන්පිල මහතා පවසයි. රූපවාහිනී වැඩසටහනකට එක් වෙමින් ඔහු මේ බව පැවසීය.

සියඹලාවල මිල ශීඝ්‍රයෙන් ඉහළ යමින් පවතී. ඒ් දේශීය වෙළෙදපොළේ පවතින හිඟයක් හේතුවෙනි.

ලංකාව ඉදිරියේදී මුහුණ දීමට නියමිත ප්‍රධානතම දේශපාලන අභියෝගය ඉන්දියානු යටත්විජිතකරණය බව දුමින්ද නාගමුව මහතා පවසයි. ඒ් මහතා මේ බව පැවසුවේ පෙරටුගාමී සමාජවාදී පක්ෂය විසින් සංවිධානය කරන ලද 'ඉන්දියාව ලොකු අයියද?" සම්මන්ත්‍රණයට එක් වෙමිනි.

ඉන්ධන සඳහා මෙතෙක් අය කළ බදු සංශෝධනය පැවැති මට්ටමේම පවත්වාගෙන යන බව ජනාධිපති අනුර කුමාර දිසානායක මහතා ගැසට් නිවේදනයක් නිකුත් කරමින් පවසයි.

දුරුතු පුර පසළොස්වක පොහොය දිනය අදට (13) යෙදී තිබේ. වසරේ පළමු පොහොය මෙය වන අතර අදවන් දුරුතු පුර පසළොස්වක පොහොය දිනක බුදුරජාණන් වහන්සේගේ ප්‍රථම ලංකාගමනය සිදුවූ බව බෞද්ධ ඉතිහාසයේ සඳහන් වේ.

විශාල ඒකාබද්ධ බලාගාර දෙකකට බලය සැපයීම සඳහා සහ ඊට වැයවන පිරිවැය අඩු කර ගැනීමේ අරමුණින් ද්‍රව ස්වාභාවික වායු පර්යන්තයක් වෙනුවෙන් දැනට අත්හිටුවා ඇති ටෙන්ඩරයක් නැවත සක්‍රිය කිරීමට කටයුතු කරන බව බලශක්ති ඇමැති කුමාර ජයකොඩි පවසයි.

අද(12) උදෑසන දක්ෂිණ අධිවේගී මාර්ගයේ අගුණුකොළපැලැස්ස සහ බරවකුඹුක අතර ධාවනය වෙමින් පැවැති මෝටර් රථයක්, බස් රථයක් සහ ලොරි රථයක් මී හරක් තිදෙනෙකු සමඟ ගැටීමෙන් හානි සිදුවී ඇති බව අගුණුකොළපැලැස්ස පොලිසිය පැවසීය.