විගණකාධිපති තනතුර සඳහා ජනාධිපතිවරයා විසින් යෝජනා කර තිබූ ඛනිජතෙල් නීතිගත සංස්ථාවේ අධ්‍යක්ෂ මණ්ඩල සාමාජිකයෙකු වන එච්.ටී.පී. චන්දන මහතාගේ නම ඊයේ දිනයේ දෙවැනි වතාවටත් ව්‍යවස්ථා සභාවේදී ප‍්‍රතික්‍ෂෙප කර ඇත.

කැනඩාවේ බ්‍රැම්ප්ටන් ඊළාම් ස්මාරකයක් ස්ථාපිත කිරීම සම්බන්ධයෙන් බ්‍රැම්ප්ටන් නගරාධිපති පැට්‍රික් බ්‍රවුන්ට ස්තුතිය පළ කරමින් මුලතිව් මුල්ලිවයික්කාල් ප්‍රදේශයේ බැනරයක් ප්‍රදර්ශනය කර තිබී ඇත.

නැගෙනහිර පළාතේ එරාවුර් හි පසුගිය සිකුරාදා ජුම්මා දේශනාවට සහභාගී වූ බැතිමතුන් අතර තර්ජනාත්මක පත්‍රිකා විශාල ප්‍රමාණයක් බෙදා හැර ඇති බවට බොදු බල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමි චෝදනා කරති.

සේවකයන්ගේ බැනවැදීම් හමුවේ ශ්‍රී ලංකා රූපවාහිනී සංස්ථාවේ අධ්‍යක්ෂ ජනරාල් මනෝජ් නදීෂණ අමරසිංහ සහ නියෝජ්‍ය අධ්‍යක්ෂ ජනරාල් (පරිපාලන) තනුජා ආරියරත්න යන අය අද (21) දින කාර්යාල පරිශ්‍රයෙන් පිටව ගොස් ඇති බව වාර්තා වේ.

අල්ලස් කොමිසම මගින් අත්අඩංගුවට ගෙන අධිකරණයට ඉදිරිපත් කළ හිටපු අමාත්‍ය කෙහෙලිය රඹුක්වැල්ල මහතාගේ පුත් රමිත් රඹුක්වැල්ල ජූනි 3වනදා දක්වා රක්ෂිත බන්ධනාගාර ගත කරන ලෙස කොළඹ ප්‍රධාන මහෙස්ත්‍රාත් තනුජා ලක්මාලී මහත්මිය නියෝග කළේය.

හිටපු අමාත්‍ය කෙහෙළිය රඹුක්වැල්ලගේ පුත් රමිත් රඹුක්වැල්ල අල්ලස් කොමිසම විසින් අත්අඩංගුවට ගෙන තිබේ.

පුරප්පාඩුව තිබෙන විගණකාධිපති ධුරය සඳහා ජනාධිපති අනුර කුමාර දිසානායක මහතා කැලණිය විශ්වවිද්‍යාලයේ ඉගනුම ලැබූ සමයේ ඔහුට පහළ වසරක ඉගනුම ලැබූ අයෙක් පත් කිරීමට සූදානමක් ඇතැයි සමගි ජන බලවේග පාර්ලිමේන්තු මන්ත්‍රී මුජිබර් රහුමාන් පවසයි.

පොසොන් උත්සවය නිමිත්තෙන් කන්කසන්තුරය ඓතිහාසික තිස්ස රජමහා විහාරය වැඳපුදා ගැනීමට දකුණෙන් ලක්ෂයක ජනතාවක් එක් කර ගැනීමේ වැඩසටහනක් පැවැත්වේ.

මැතිවරණයට පෙර ජනාධිපති අනුර කුමාර දිසානායක මහතා විසින් යුද්ධයේ දී දිවිපිදූ රණවිරුවන්, ආබාධිත වූ රණවිරුවන්, අතුරුදන් වූ රණවිරුවන් ලෙසින් රණවිරුවන්ට ගෞරවය ලබාදෙමින් සිදුකළ කතාවක් මේ වන විට සමාජ මාධ්‍යයේ සංසරණය වේ.