ආචාර්ය ගුණදාස අමරසේකරයානන් මෙලොව එළිය දුටුවේ වර්ෂ 1929 නොවැම්බර් මස 12 වෙනිදාය. 2025 නොවැම්බර් මස 12 වන දින එතුමා සිය දිවි මගේ 96 වන විය සපුරණු ලබන්නේය.

දේශීය ගොවි හඬ සංවිධානය දීපව්‍යාප්ත ගොවි වර්ජනයක් අද ආරම්භ කිරීමට නියමිතය.

බෙරලපනාතර සමූපකාර සමිතියට නිලධාරීන් තෝරා පත් කර ගැනීම සඳහා වන නිලවරණය ඊයේ දිනයේ පැවැත්විණ.

2025 අධ්‍යයන පොදු සහතික පත්‍ර උසස් පෙළ විභාගය අදින් (10) ආරම්භ වන අතර එය දෙසැම්බර් මස 05 වනදා දක්වා දිවයින පුරා විභාග මධ්‍යස්ථාන 2,362කදී පැවැත්විමට නියමිතය.

ජනාධිපති අනුර කුමාර දිසානායක මහතා ජනාධිපතිවරණයට ඉදිරිපත් වීමේ දී ඉදිරිපත් කළ මැතිවරණ ප්‍රකාශනයේ ලබාදී තිබූ පොරොන්දු 1359න් එකක්වත් ජනාධිපති වී වසරක් සම්පූර්ණ වන විට ඉටුකර නොතිබූ බවත්, පාර්ලිමේන්තු මැතිවරණය පවත්වා ආණ්ඩුව පත්වී වසරක් ගතවී ඇතත් ආණ්ඩුව විසින් ඉටුකර ඇත්තේ ජනතාවට ප්‍රයෝජනයක් නොමැති පොරොන්දු කිහිපයක් පමණක් බව පිවිතුරු හෙළ උරුමයේ නායක උදය ගම්මන්පිල මහතා පවසයි.

ශ්‍රී ලාංකීය ආර්ථික දුෂ්කරතා ඇති ජනතාවට බෙදාදීමට ඉන්දීය ව්‍යාපාරිකයෙක් නොමිලයේ යොමු කළ සහල් මෙටි රක්ටොන් 130 ක් හෙවත් කිලෝග්‍රෑම් 130,000 ක කන්ටේනර් 5 ක් මාස තුනකට අධික කාලයක් කොළඹ වරායේ රඳවා ගෙන සිටින බව එක්සත් ජාතීන්ගේ මානව හිමිකම් සංවිධානයේ සභාපති රුවන් අසුරමුණි මහතා පැවසීය.

ලිංගික අපචාර සහ පීඩනවලින් වැළකී සිටීම සඳහා වයසට සුදුසු පරිදි ලිංගික අධ්‍යාපන ක්‍රමවේදයක් දරුවන් වෙත ඉදිරිපත් කළ යුතු බව අග්‍රාමාත්‍ය ආචාර්ය හරිනි අමරසූරිය පවසයි.

රටේ වෘතීයවේදීන්ට ලබාදුන් වාහන පර්මිට් එකත් ආණ්ඩුව විසින් අහෝසිකර ඇති බවත්, ඒ වෙනුවට පක්ෂය ගොඩනැගීම සඳහා පක්ෂයේ කාඩර්වරුන්ට ලබාදීමට ඩබල් කැබ් 1700ක් ගෙනවිත් ඇති බවත් හිටපු පාර්ලිමේන්තු මන්ත්‍රී පාඨලී චම්පික රණවක මහතා පවසයි.

නුවරඑළියේ එළවලු අස්වැන්න අලෙවි කිරිමෙන් සහ ප්‍රවාහනය කිරිමෙන් වැළකී සිටින බවත්, ඒ අනුව රජයට විරෝධය දැක්වීමක් වශයෙන් නුවරඑලියේ එළවලු ගොවීන් සහ එළවලු ගොවිතැනේ නියැලී සිටින සියලුම පාර්ෂවයන් (10) දින තම දෛනික කටයුතු වලින් ඉවත් වන බව නුවරඑලිය දිස්ත්‍රික් ගොවි සංවිධානයේ සභාපති තරිදු රත්නායක මහතා පැවසීය.