පසුගිය ආණ්ඩු සමයන්හි පාස්පෝට් පෝලිම් තිබියදී ආණ්ඩුව ගැන විශ්වාසයක් නැතිව එම පෝලිම් සැදී ඇති බවට ජාතික ජන බලවේගය පැවසූ බවත් අද පාස්පෝට් ගැනීමට මෙතරම් පෝලිම් සැදී සිටින්නේ වත්මන් ජනාධිපතිවරය හා ආණ්ඩුව සම්බන්ධයෙන් තරුණ පරපුරට විශ්වාසයක් නැති වීම නිසාද යි ශ්‍රී ලංකා පොදු ජන පෙරමුණේ පාර්ලිමේන්තු අපේක්ෂක නාමල් රාජපක්ෂ මහතා ප‍්‍රශ්න කරයි.

වත්මන් පාලනය යටතේ ඉදිරි වසර තුන ඇතුළත සමස්ත රට ඩිජිටල්කරණයට කටයුතු කරන බව ජනාධිපති අනුර කුමාර දිසානායක මහතා ප්‍රකාශ කළේය.

අලුතින් මුදල් මුද්‍රණය කළ බවට පළවී ඇති වාර්තා සම්බන්ධයෙන් පැහැදිලි කරමින් ශ්‍රී ලංකා මහ බැංකුව නිවේදනයක් නිකුත් කර තිබේ.

අලුත් යෝජනා නිසා රටේ ආදායම රුපියල් බිලියන 3,000 ක් දක්වා පහත වැටීම නිසා අය වැය හිඟය රුපියල් බිලියන 1000 සිට 2,500 ක් දක්වා වැඩිවන බවත්, මෙම පරතරය පියවන්නේ කෙසේදැයි ජනාධිපතිවරයා වහාම රටට පැවැසිය යුතු බව හිටපු ජනාධිපති රනිල් වික්‍රමසිංහ පැවැසීය.

දේශබන්දු තෙන්නකෝන් මහතා පොලිස්පතිවරයා ලෙස පත්කිරීම අභියෝගයට ලක්කරමින් ගොනුකර ඇති පෙත්සමක වගඋත්තරකරුවෙකු ලෙස හිටපු ජනාධිපති රනිල් වික්‍රමසිංහ මහතා නම් කිරීමට ශ්‍රේෂ්ඨාධිකරණය අවසර ලබාදී තිබේ.

රජයේ සේවකයන්ට, පෞද්ගලික අංශයේ සේවකයන්ට දීමනා ලබාදීමට කැමැති වුවත්, භාණ්ඩාගාරයේ ඇති මුදල් අනුව එය තීරණය වන බවත්, ජනවාරියේ සිට රාජ්‍ය සේවකයන්ගේ වැටුප් වැඩි කිරීමට හිටපු ජනාධිපතිවරයා මුදල් වෙන් කිරීමක් කර නොමැති බවත් අමාත්‍ය විජිත හේරත් මහතා පවසයි.

ඇල්පිටිය ප්‍රාදේශීය සභාවේ බලය පිහිටු වීමට ජාතික ජන බලවේගය පක්ෂයට අවස්ථාව ලබාදීම සඳහා විදුලි බල්බය යටතේ තරග කර ජයග්‍රහණය ලැබූ ජාතික ජනතා පක්ෂයේ මන්ත්‍රීවරයාගේ සහාය ලබාදිය හැකි යැයි එම පක්ෂයේ නායක මංජු නිශ්ශංක මහතා පවසයි.

රජය විසින් කිසිදු ආකාරයකින් මුදල් අච්චුගැසීමක් සිදුකර නොමැති බවත්, ඒ සම්බන්ධයෙන් පළවන ජනමාධ්‍ය වර්තා ප්‍රතික්ෂේප කරන බවත් කැබිනට් ප්‍රකාශක ඇමැති විජිත් හේරත් සඳහන් කළේය.

කන්තලේ සීනි කර්මාන්ත ශාලාවට අයත් ඉඩම් ජනතාවට වගා කිරීමට ලබාදීමට රජය ගෙන තිබූ තීරණය මැතිවරණ කොමිසම විසින් අත්හිටුවා ඇති බව වාර්තා වේ.