බුද්ධ චරිතය හා සම්බුද්ධ දේශනාවන් විකෘති කරමින් කටයුතු කරන මීවනපලානේ සිරි ධම්මාලංකාර නම් භික්ෂු ප්‍රතිරූපකයාගේ සාවද්‍ය හා විකෘති දේශනාවන් ප්‍රවර්ධනය කිරීම හා මහා විහාර ධර්ම සම්ප්‍රදායන්ට හා ක්‍රිපිටක දේශනාවන්ට පටහැනිව බුදුන් වහන්සේ ලංකාවේ ඉපදීම යන සාවද්‍ය මතවාදය ප්‍රචාරණය කිරීම ඇතුළු කරුණු ගණනාවක් සම්බන්ධයෙන් එල්ලවී ඇති චෝදනා හේතුවෙන් බදුල්ලගම්මන සුමනසාර හිමියන් වෙල්ලස්ස බින්තැන්න තෙපළාතේ ප්‍රධාන සංඝ නායක පදවියෙන් ඉවත් කළ බව මල්වතු මහා විහාරයෙන් දැනුම් දී තිබේ.

පනත් පිට පනත් ගෙනෙමින් රටේ සාරය දෙස් විදෙස් ජාවාරම්කරුවන් අතට පත්කිරීම සඳහා ජනාධිපති රනිල් වික්‍රමසිංහ ප්‍රමුඛ පොහොට්ටු ආණ්ඩුව කටයුතු කරමින් සිටින බවත්, එම කාර්ය පරිසමාප්ත කිරීම සඳහා තවත් පනත් ත්‍රිත්වයක් පාර්ලිමේන්තුවට ගෙනවිත් ඇති බවත් පාර්ලිමේන්තු මන්ත්‍රී ජයන්ත සමරවීර මහතා පවසයි.

තාක්ෂණ රාජ්‍ය අමාත්‍ය කනක හේරත් මහතා පවසන්නේ ශ්‍රී ලංකාව තුළ චන්ද්‍රිකා තාක්ෂණය පදනම් කරගත් අන්තර්ජාල සේවා සැපයීම සඳහා “Starlink” වෙත ශ්‍රී ලංකා විදුලි සංදේශ නියාමන කොමිෂන් සභාවේ මූලික අනුමැතිය ලබාදී ඇති බවයි.

යෝජිත විදුලි පනතට එරෙහිව විරෝධතා පුවරුවක් රැගෙන පාර්ලිමේන්තුව අසල උපවාසයක නිරතවෙමින් සිටියදී පූජ්‍ය බලංගොඩ කස්සප හිමියන් අද (06) දහවල් තලංගම පොලීසිය විසින් අත්අඩංගුවට ගෙන ඇති බව වාර්තා වේ.

"යෝජිත විදුලි පනත ඇතුළු රටට එරෙහි පනත් වහා හකුලා ගනු" යන මැයෙන් වෘත්තීය සමිති, සිවිල් සංවිධාන, ජාතික සංවිධාන සහ බහුජන සංවිධාන එක්ව 2024/06/03 දින සිට පාර්ලිමේන්තු වටරවුම අසලදී පවත්වන අඛණ්ඩ සත්‍යග්‍රහය අද(6) දිනයේ ද පැවැත්වේ.

ජූලි මාසයේ 1 වනදා සිට විදුලි බිල අඩු කිරීමට යෝජනා කර ඇති බව විදුලිබල හා බලශක්ති අමාත්‍ය කංචන විජේසේකර මහතා අද (06) පාර්ලිමේන්තුවේ දී පැවසීය.

මහත් ආන්දෝලනයකට තුඩු දුන් රාජගිරිය, රෝයල් පාක් මිනීමැරුම් සිද්ධිය සම්බන්ධයෙන් මරණීය දණ්ඩනය නියම වී සිටි ජූඩ් ශමන්ත ජයමහ නැමැති විත්තිකරුට සමාව ප්‍රදානය කර නිදහස් කිරීමට හිටපු ජනාධිපති මෛත්‍රිපාල සිරිසේන මහතා ගත් තීරණය ආණ්ඩුක්‍රම ව්‍යවස්ථාවට පටහැනි බව ශ්‍රේෂ්ඨාධිකරණය තීන්දු කළේය.

හතලිස් දෙදාහක සිංහල ජනතාවක් සිටින උතුරු පළාතේ පාසල් සිසුන් එකොළොස් දහසකට ආසන්න පිරිසක් සිටින බවත්, උතුරු පළාතටම ඇත්තේ සිංහල මාධ්‍ය පාසල් 26ක් පමණක් බවත් මුළු උතුරු පලාතටම විද්‍යා අධ්‍යාපනය ලබන්නට හැකි පාසල් ඇත්තේ දෙකක් පමණක් බවත්, උතුරු පළාතේ සිංහල මාධ්‍යයෙන් අධ්‍යාපනය ලබා ගැනීම සඳහා ප්‍රමාණවත් ගුරුවරුන් පිරිසක් නොමැති බවත් පාර්ලිමේන්තු මන්ත්‍රී, මහාචාර්ය චන්න ජයසුමන මහතා පාර්ලිමේන්තුවේ දී පැවසීය.

කොපමණ බාධා කුමන ආකාරයකින් උද්ගත වුව ද නිදහස් හා සාධාරණ මැතිවරණ පැවැත්වීම මැතිවරණ කොමිසමේ වගකීම බව අගවිනිසුරු ජයන්ත ජයසූරිය මහතා ශ්‍රේෂ්ඨාධිකරණය හමුවේ ඊයේ පැවසීය.