ඊයේ දින මෙරට 77 වැනි නිදහස් දිනය නිමිත්තෙන් දෙවන පරපුර විසින් නිකුත් කළ නිවේදනය නිකුත් කර ඇති ඒහි සදහන්ව ඇත්තේ ජාතික අර්බුදයට තාවකාලික පැලැස්තර විසදුම් සොයනවා වෙනුවට දිර්ඝකාලීන ජාතික සැළැස්මක් සකර කර එය ක්‍රියාවට නැංවීමට පක්ස පාට කුලල්කා ගැනීමකින් තොරව කටයුතු කරන ලෙසයි.

මෛත්‍රීපාල සිරිසේන මහතාට ඔහුර රජය මගින් දුන් නිවස සම්බන්ධයෙන් දුන්නායැයි කියන නඩු තීන්දුව සම්බන්ධ කරගනිමින් අමාත්‍ය බිමල් රත්නායක මහතා මහතා මහින්ද රාජපක්ෂ මහතාගේ නිවස සම්බන්ධයෙන්ද ජනතාව නොමග යවමින් සිටින බව නීතිඥ මනෝජ් ගමගේ මහතා පවසයි. ඔහු මේ අදහස් පළකලේ පසුගියදා පැවති මාධ්‍ය හමුවක් අමතමිනි.

ශ්‍රී ලංකාව සිය 77 වන නිදහස් දිනය සමරන මේ මොහොතේදී, සෑම පුරවැසියෙකුම ජාතිය මුහුණ දෙන තර්ජන සහ අවදානම් පිළිබඳව දැනුවත් විය යුතුය. ශ්‍රී ලංකාව තම ඉහළම ප්‍රමුඛතාවය ලෙස, එහි අතීත සහ මෑත කාලීන අත්දැකීම් වලින් ඉගෙන ගෙන සමෘද්ධිමත් ආර්ථිකයක් ගොඩනැගීමට කටයුතු කළ යුතුය.

කිසිම දාක මෙරට නිදහස් උත්සවය සදහා සහභාගී නොවූ අනුර කුමාර දිසානායක මහතා සහ ජනතා විමුක්ති පෙරමුණ අද නිදහස් දිනය සමරනවා යැයි ඊයේ මාධ්‍ය හමුවකට එක්වෙමින් තිස්ස අත්තනායක මහතා සදහන් කරයි. ඔහු වැඩිදුරටත් පැවසුවේ ඒ සම්බන්ධ‍යෙන් තමන් සතුටට පත්වන බවයි.

සියයට 10ත් 30ත් අතර ප්‍රමාණයකින් ජල ගාස්තුව අඩුකිරීමට පියවර ගන්නා බව ජාතික ජල සම්පාදන හා ජලාපවහන මණ්ඩලය පවසයි.

මියන්මාරයේ සිට රොහින්ග්‍යාවරුන් ලෙස හඳුන්වන පිරිසෙහි අඛණ්ඩව සිදු විය හැකි බවට පුරෝකථනය කෙරෙන නීතිවිරෝධී සමුද්‍රීය පැමිණීම් පිළිබඳව දැඩි කනස්සල්ල පළ කරමින් සහ මිනිස් ජාවාරමට සම්බන්ධ දේශීය නියෝජිතයන් පිළිබඳව විමර්ශනය කරන ලෙස ඉල්ලමින් ජාතික සංවිධාන 36ක අත්සනින් යුතුව ආරක්ෂක විදේශ කටයුතු විදේශ රැකියා සහ ංසචාරක අමාත්‍ය විජිත හේරත් මහතාට සහ මහජන ආරක්ෂක අමාත්‍ය ආනන්ද විජේපාල මහතා වෙත ලිපියක් යොමුකිරීමට කටයුතු කර ඇත.

හමුදා ඔත්තුසේවා ප්‍රමුඛ සන්නද්ධ හමුදා යොදාගනිමින් පොලීසියේ හා රාජ්‍ය නීති අංශයේ ද ආවරණය ඇතිව ශ්‍රී ලංකා රාජ්‍යය විසින් පසුගිය කාලයේ සිදුකරන ලද රාජ්‍ය අපරාධ කිසිදා හෙළිදරව් නොවනු ඇතිදැ'යි යන සැකය ත්‍රීවෘ කරමින්, ලසන්ත ඝාතනය සම්බන්ධයෙන් දැනට සැකකරුවන් ලෙස නම්කර සිටින තිදෙනකුට එරෙහිව තවදුරටත් නීතිමඟින් කටයුතු කරන්නට අදහස් නොකරන බැවින් ඔවුන් නිදහස්කර යැවිය හැකි බව ගල්කිස්ස මහේස්ත්‍රාත්වරයා වෙත දැන්විය යුතුය යි නීතිපති පාරින්ද රණසිංහ පසුගිය ජනවාරි 27 වැනිදා අපරාධ පරීක්ෂණ දෙපාර්තමේන්තුවේ අධ්‍යක්ෂවරයාට දැනුම්දී තිබේ.

ශ්‍රී ලංකාවේ රාජ්‍ය නොවන සංවිධාන විදේශ ආධාර හසුරවා ඇති ආකාරය සම්බන්ධව පරීක්ෂණයක් කළ යුතු බව පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පවසයි.

මෙරට රාජ්‍ය නොවන සංවිධාන පිළිබඳ ජාතික ලේකම් කාර්යාලය, අන්තර්ජාතික සංවර්ධනය සඳහා වූ එක්සත් ජනපද නියෝජිතායතනය (USAID) සමඟ සාකච්ඡාවකට සූදානම් වන බව වාර්තා වේ.