ශ්‍රී ලංකා මහ බැංකුවේ නවතම දෛනික විනිමය අනුපාතික වාර්තාවලට අනුව, මෙරට මූල්‍ය වෙළෙඳපොළ තුළ ප්‍රධාන විදේශීය මුදල් වර්ග කිහිපයකම මිල ගණන් අද (21) දිනයේදී කැපී පෙනෙන ලෙස ඉහළ ගොස් තිබේ.

වාහන ආනයනය මත 50%ක අධිභාරයක් පැනවීමට පෙර 15 වෙනි දින වාහන 4000ක් සඳහා ණයවර ලිපි නිකුත් කර ඇති බවට විපක්ෂය ගෙන යන ප්‍රචාරය සම්පූර්ණයෙන් අසත්‍ය බව අමාත්‍ය අනිල් ජයන්ත ප්‍රනාන්දු පවසයි.

ශ්‍රී ලංකා රුපියල මෙම මාසය තුළ ආසියාවේ නරකම ක්‍රියාකාරී මුදල් ඒකකය බව 'බ්ලූම්බර්ග් වෙබ් අඩවිය වාර්තා කර තිබේ.

පසුගිය වසරේ මහා පරිමාණ සමාගම් හතරකට බදු සහන ලබා දී ඇති බවත් 2023 දී පමණක් ගෙවිය යුතු මුළු බදු හිඟ මුදල් රුපියල් ට්‍රිලියන 1.6ක් දක්වා ඉහළගොස් ඇති බවත් විපක්ෂ මන්ත්‍රී කබීර් හෂීම් ඊයේ පාර්ලිමේන්තුවට පැවසීය.

වර්තමාන ආණ්ඩුව දෙමළ ඩයස්පෝරාවට ලබාදුන් පොරොන්දුවක් අනුව ඔවුන්ගේ නීතිවිරෝධී 'කළු සල්ලි' භාවිත කර රටේ දේපල මිලදී ගැනීම සඳහා පහසුකම් සැලසීම මුල්කරගෙන පවතින නීති 3ක් සංශෝධනය කිරීමට ආණ්ඩුව සරසෙන බවට තතුදත් ආරංචි මාර්ග චෝදනා කරයි.

රාජ්‍ය සේවයේ ඉහළම මට්ටමේ ලේකම් ධුරයක් දරන පරිපාලන නිලධාරියකුට එම තනතුරෙන් වහාම ඉල්ලා අස්වන ලෙස රජය විසින් දැනුම් දී ඇති බවට ප්‍රබල රාවයක් දේශපාලන කරලියේ මෙන්ම සමාජ මාධ්‍ය හරහාද පැතිරයමින් තිබේ.

රණවිරුවන් සැමරිය යුතු නැති බව ටික කලකට පෙර සමහරුන් ප්‍රකාශ කළ බවත්, දැන් ඔවුන් එසේ නොකියා කියන්නේ 'එහෙත් සමරන්න ඕනේ, මෙහෙත් සමරන්න ඕනේ' යන කතාව බවත් මහාචාර්ය පූජ්‍ය ඉඳුරාගාරේ ධම්මරතන හිමියෝ පවසති.

මියගිය රණවිරුවන් මීට 17 වසරකට පෙර තමන් උපන් මාතෘ භූමිය වැළඳගෙන අවසන් ගමන් ගොස් ඔවුන්ගේ යුතුකම ඉටුකළ බවත්, එම රණවිරුවන්ගේ ආදරණීය මව්පියන්, බිරින්දෑවරුන් තමන්ගේ දරුවා, ස්වාමියා මේ රට වෙනුවෙන් ජීවිතය පූජාකර තිබියදී ඔවුන් වෙනුවෙන් මෙරට පාලකයන් යුතුකම් ඉටුනොකිරීම පිළිබඳව දැඩි වේදනාවකින් පසුවන බවත් මහාචාර්ය පූජ්‍ය මැදගොඩ අභයතිස්ස හිමියෝ පවසති.

මහාචාර්ය පූජ්‍ය ඉඳුරාගාරේ ධම්මරතන හිමියන්ගේ සහ මහාචාර්ය පූජ්‍ය මැදගොඩ අභයතිස්ස හිමියන්ගේ මූලිකත්වයෙන්, යුද විජයග්‍රණය වෙනුවෙන් සුවිශාල මෙහෙවරක් සිදුකළ විශ්‍රාමික මේජර් ජනරාල් ජගත් ඩයස්, විශ්‍රාමික රියර් අද්මිරාල් ඩී.කේ.පී. දසනායක ඇතුළු විරුවන්ගේ සහ ජාතික සංවිධාන නියෝජිතයන්ගේ සහභාගීත්වයෙන් 'රණවිරු උපහාර සතර මහා උත්තම පූජාව' ඊයේ (19) සවස 3.00 ට පැපිලියාන සුනේත්‍රාදේවි මහා පිරිවෙනේ දී පැවැත්විණි.