මැදපෙරදිග අධිරාජ්‍යවාදි යුද්ධය සහ එහි දේශපාලනය පිළිබඳව පෙරටුගාමී සමාජවාදී පක්ෂයේ ප්‍රධාන ලේකම් කුමාර් ගුණරත්නම් විසින් පවත්වනු ලැබූ විශේෂ මාධ්‍ය සාකච්ඡාවක් 2025 ජුනි 26 දින පස්වරු 1.00ට නුගේගොඩ දී පැවැත්වූ බව වාර්තා වේ.

අමෙරිකාව විසින් තමන්ට ප්‍රහාරයක් එල්ල කළත් ඉන් තම රටට බරපතළ හානියක් සිදු නොවූ බවත් තමන් කිසිවෙකුට හෝ යටත් නොවන ජාතියක් බව හා ඊශ්‍රායලයට එරෙහි යුද්ධය ඉරානය ජයගත් බවත් ඉරාන උත්තරීතර නායක අයතුල්ලා අල් කමේනි පවසයි.

ඔක්ස්ෆර්ඩ් ඉංග්‍රීසි ශබ්දකෝෂයේ (OED) 2025 ජූනි යාවත්කාලීන කිරීම ශ්‍රී ලාංකික ඉංග්‍රීසි භාෂාවට සුවිශේෂී සන්ධිස්ථානයක් සනිටුහන් කළේය.

අද වන විට නැවත වරක් වරායේ බහාලුම් තදබදයක් ඇතිවෙමින් පවතින බවට කරුණු වාර්තා වන බවත්, මීට පෙර බහාලුම් රථ තදබදයක් ඇතිවී තමන්ගේ විෂය පථයට අයත් නොවූවද ඇමැති මැදිහත් වී, කන්ටේනර් තුන්සිය ගණනක් කිසිඳු පරීක්ෂාවකින් නිදහස් කළ බව හා එහි කන්ටේනර් දෙසිය ගණනක් රතු ලැයිස්තුවේ තිබූ බවත් ජාතික නිදහස් පෙරමුණේ නායක, හිටපු පාර්ලිමේන්තු මන්ත්‍රී විමල් වීරවංශ මහතා පවසයි.

ප්‍රමිතියෙන් තොර ප්‍රතිදේහ එන්නත් මිලදී ගැනීමේ සිදුවීම සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල ඇතුළු විත්තිකරුවන් 12 දෙනෙකුට එරෙහිව නීතිපතිවරයා අද (26) කොළඹ ස්ථිර ත්‍රිපුද්ගල මහාධිකරණය හමුවේ අධිචෝදනා ගොනුකළේය.

තම න්‍යෂ්ටික පහසුකම් නැවත පණගැන්වීමට දරන ඕනෑම උත්සාහයකට එක්සත් ජනපදය විසින් තවත් හමුදා ප්‍රහාරයක් එල්ල කරනු ඇති බව ඇමරිකානු ජනාධිපති ඩොනල්ඩ් ට්‍රම්ප් ඉරානයට දැඩි අනතුරු ඇඟවීමක් කරමින් ප්‍රකාශ කර ඇත.

ආණ්ඩුව විසින් පුනර්ජනනීය බලශක්ති ක්ෂේත්‍රයේ මළගම ඩීසල්, ගල්අඟුරු මාෆියාව සමග එකතුවී නිර්මාණය කර ඇති බවත්, පසුගිය දා විදුලිබල පනත සංශෝධන කිරීමට ආණ්ඩුව විසින් දූෂිත ක්‍රියාමාර්ගයකට එළඹුනු බවත් පුනර්ජනනීය බලශක්ති සුරැකීමේ පෙරමුණේ සම කැඳවුම්කරු සංඛ චන්දිම අබේවර්ධන මහතා පවසයි.

ශ්‍රී ලංකා රජය විදුලි පනතට සිදු කර ඇති සංශෝධන සම්බන්ධයෙන් ජාත්‍යන්තර ප‍්‍රධාන ආධාරකරුවන් තිදෙනා ඔවුන්ගේ දැඩි ස්ථාවරය ප්‍රකාශ කරමින්, සුභපාලනය, තරඟකාරී ප්‍රසම්පාදනය, නියාමන ස්වාධීනත්වය සහ මූල්‍ය ස්ථාවරත්වය සහතික කිරීම සඳහා මෙම පියවර නැවත සලකා බලන ලෙස ඉල්ලා තිබේ.

2025 වසරට අදාළ අධ්‍යයන පොදු සහතික පත්‍ර උසස් පෙළ විභාගය නොවැම්බර් මස 10 වනදා සිට දෙසැම්බර් 5වන දින දක්වා පැවැත්වෙන බව විභාග දෙපාර්තමේන්තුව පවසයි.