එක්සත් ජනපද රාජ්‍ය දෙපාර්තමේන්තුව විසින් නිකුත් කරන ලද 2025 ශ්‍රී ලංකාවේ ආයෝජන දේශගුණික ප්‍රකාශනයට අනුව 2022 ආර්ථික අර්බුදයෙන් ශ්‍රී ලංකාව යථා තත්ත්වයට පත්වෙමින් පැවතුණද, රටේ ආයෝජන පරිසරය තවදුරටත් අභියෝග රැසකින් පිරී ඇති බව පෙන්වා දෙයි.

පසුගියදා අගරදගුරු මැල්කම් රංජිත් කාදිනල් හිමිපාණන් වහන්සේ දිව්‍ය පූජාවකට සහභාගි වෙමින්,මෙරට සංස්කෘතියට හා ආගමික ඉගැන්වීම්වලට හානිකර රජයේ ඇතැම් ක්‍රියාමාර්ග සහ යෝජනා දැඩි ලෙස විවේචනයට ලක් කරනු ලැබූහ.

ලබන වසරේදී රුපියල් ට්‍රිලියන 3ක ණය ගැනීමට අපේක්ෂා කරන බවත් මේ වන විටත් බිලියන 3000ක් ණය ගැනීමට විසර්ජන පනත ඉදිරිපත් කර ඇති බවත් ජනාධිපති අනුර කුමාර දිසානායක මහතා පවසයි.

හිටපු සෞඛ්‍ය අමාත්‍ය මහචාර්ය චන්න ජයසුමන මහතා ජනාධිපති අනුර කුමාර දිසානායක මහතාට ලිපියක් යවමින් LGBTIQ සංචාරක ව්‍යාපාරය ප්‍රවර්ධනය කරන ශ්‍රී ලංකා සංචාරක වැඩසටහනක් වහාම අත්හිටුවන ලෙස ඉල්ලා සිටී.

භූගෝලීය වශයෙන් ශ්‍රී ලංකාව පිහිටා ඇත්තේ මරමස්ථානයක බවත්, ඉන්දියුනු සාගරයේ පෙර අපරදිග යාකරන ප්‍රධාන නෞකා මාර්ගය ශ්‍රී ලංකාවට ආසන්නයෙන් පිහිටා තිබීම හේතුවෙන් අනාගතයේ ලෝකයේ බල තුලනය ඇති කිරීම සඳහා ඕනෑම අයෙකුට ශ්‍රී ලංකාවේ පාලනය සහ සහාය අතිශයෙන් වැදගත් බවත් හිටපු නාවික හමුදා මාධ්‍ය ප්‍රකාශක, විශ්‍රාමික රියර් අද්මිරාල් ඩී.කේ.පී දසනායක මහතා පවසයි.

ලිබියානු නායක මුවම්මර් ගඩාෆිගෙන් මැතිවරණ ප්‍රචාරක කටයුතු සඳහා අරමුදල් ලබා ගැනීමේ චෝදනවා විභාග කළ පැරිස් අධිකරණයක් විසින් අපරාධ කුමන්ත්‍රණයක් සම්බන්ධයෙන් වරදකරු බව තීරණය කිරීමෙන් පසු හිටපු ප්‍රංශ ජනාධිපති නිකොලස් සාකෝසිට වසර පහක සිර දඬුවමක් නියම කර තිබේ. නූතන ප්‍රංශ ඉතිහාසයේ හිටපු රාජ්‍ය නායකයෙකු සිරගත කරන ලද පළමු අවස්ථාව මෙය බව දේශපාලන විචාරකයෝ පවසති.

“එයා කැමැත්තෙන් ඉල්ලුවා. මම කැමැත්තෙන් දුන්නා” යන “පාන් න්‍යාය” (BREAD THEORY) අල්ලසක් හෝ දූෂණයක් නොවේ යැයි කිසිවෙකුට කිව නොහැකි බව අල්ලස් හෝ දූෂණ චෝදනා විමර්ශන කොමිෂන් සභාවේ සභාපති නීල් ඉද්දවල පවසයි.

පොහොර ආනයනය සහ සැපයුම් ජාලය පෞද්ගලීකරණය කිරීමේ රහසිගත සැලැස්මක් සූක්ෂම ලෙස ක්‍රියාත්මක කිරීමට ආණ්ඩුව පිඹුරුපත් සකස්කර ඇතැයි ජාතික ගොවිජන එකමුතුවේ සභාපති අනුරාධ තෙන්නකෝන් මහතා හෙළි කරයි.

ළමා ආරක්ෂණය සඳහා ගෙන ආ නව පනත අනුව ගුරුවරයෙකු යම් සිසුවෙකුට යම් අවවාදයක් කළහොත් ඔහුට මාස හයක් සිරබත් කෑමට සිදුවනු ඇතැයි කළුතර එකමුතු ගුරු සංගමය පවසයි.