ජනතා විමුක්ති පෙරමුණේ මහ ලේකම් ටිල්වින් සිල්වා බ්‍රිතාන්‍යයේ සිදු කරන සංචාරයක් අතරතුරදී ලන්ඩනයේදී එල්.ටී.ටී.ඊ. (LTTE) හිතවාදීන් පිරිසකගේ විරෝධයට ලක්වීම ප්‍රතිපත්තිමය වශයෙන් ඇති වූ විරෝධයක් නොව ජනාධිපතිවරණයට පෙර ඔවුන්ට දුන් පොරොන්දු ඉටු නොකිරීම නිසා ඇති වූ විරෝධයක් බවත්, එසේත් නැතිනම් ඔවුන්ට උතුරු සහ නැගෙනහිර අවශ්‍ය දේ සිදුකිරීමට ආණ්ඩුව ඉඩදීම මත එය වසා ගැනීමට සිදුකළ ව්‍යාජ විරෝධයක් ද විය හැකි බවත් ජානිපෙ නායක විමල් වීරවංශ මහතා පවසයි.

හිටපු සෞඛ්‍ය අමාත්‍ය කෙහෙළිය රඹුක්වැල්ල සෞඛ්‍ය අමාත්‍යවරයා ලෙස සිටියදී මෙරටට ගෙන්නන ලද Prednisolone eye drops භාවිතා කිරීම නිසා දිවියන පුරා රෝගීන් එකසිය පනහකට ආසන්න ප්‍රමාණයකට සදාකාලික හා තාවකාලික ආබාධිත තත්ත්වයට පත් වූ අතර විටින් විට එම රෝගීන් තමන්ට සිදුවූ අසාධාරණය සම්බන්ධයෙන් විවිධ පැමිණිලි සහ උද්ඝෝෂණ පවා පවත්වන ලදී.

මහ කන්නයේ වී වගාව ආරම්භ කර ඇතත් රජය ලබාදෙන පොහොර සහනාධාරය මේ වනවිට ගිණුම්ගත කර ඇත්තේ ගොවීන්ගෙන් 30% කට පමණක් බවට ගොවිජන එකමුතුව චෝදනා කරයි.

වරායේ තිබූ භාණ්ඩ තොගයක් නිදහස් කිරීමකට අමාත්‍යවරයකු මැදිහත් වෙමින් දුරකථන ඇමතුම් ලබාදෙන හඬ පටයක් සමාජ ජාල වල හුවමාරුවෙමින් ඇත.

පොලිස් වාර්තා ලබා ගැනීම සඳහා මහජන ආරක්ෂක කමිටුවෙන් ලිපියක් ලබාගෙන එන ලෙසට ඇතිවූ කතාබහ ඉන්පසු පොලිසි වල එම සටහන දැක්වෙන පුවරු මකා දමා තිබේ.

මඩකලපුව දිස්ත්‍රික්කයේ ප්‍රාදේශීය සභා කිහිපයක සේවකයින් විසින් පුරාවිද්‍යා ස්ථාන හඳුනාගැනීම සඳහා සවිකර තිබූ නාමපුවරු ගලවා දැමීම ඉතා බරපතළ අවසානයක ආරම්භය බවත්,ආණ්ඩුවේ නිවට ප්‍රතිපත්තිය වෙනස්කර වහාම මේ සම්බන්ධයෙන් පියවරගත යුතු බවත් දේශහිතෛෂී ජාතික ව්‍යාපාරය මාධ්‍ය නිවේදනයක් නිකුත් කරමින් පවසයි.

රජයේ නව අධ්‍යාපන ප්‍රතිසංස්කරණ සම්බන්ධයෙන් මහාචාර්ය පූජ්‍ය පාතේගම ඥාණීසර හිමියන් විසින් දැඩි විවේචනයක් එල්ල කර තිබේ.

රජයේ වෛද්‍ය නිලධාරින්ගේ සංගමය විසින් නිකුත් කරන ලද මාධ්‍ය නිවේදනයක් මෙහි දැක්වෙයි.

ජාතික නිදහස් පෙරමුණේ නායක, හිටපු අමාත්‍ය විමල් වීරවංශ මහතා ජන හමුවක් අමතමින්, පුරාවිද්‍යා රක්ෂිත භූමි සලකුණු ඉවත් කිරීම පිළිබඳව රජයට දැඩි චෝදනා එල්ල කළේය.