ට්‍රම්ප්ගේ දින පහේ සටන් විරාමය සමච්චලයට ගනිමින් ඉස්ලාමීය විප්ලවවාදී ආරක්ෂක බලකායෙන් එක්සත් ජනපද සහ ඊශ්‍රායල ඉලක්ක වෙත දැඩි මිසයිල ප්‍රහාරයක්

Mar 23, 2026 at 09:17 PM

|

Lanka Leader

ඉරානයට එරෙහිව අමෙරිකා එක්සත් ජනපදය සහ ඊශ්‍රායලය එක්ව එල්ල කළ අසාධාරණ මිලිටරි මෙහෙයුමට පළිගැනීමක් ලෙස ඉස්ලාමීය විප්ලවවාදී ආරක්ෂක බලකාය අද (23) එක්සත් ජනපද සහ ඊශ්‍රායල හමුදා මර්මස්ථාන වෙත බැලස්ටික් මිසයිල ප්‍රහාරයක් එල්ල කළේය.

අමෙරිකානු සහ සියොන්වාදී සතුරන්ට එරෙහිව "Operation True Promise 4 " මෙහෙයුම අතරතුර 76 වන පළිගැනීමේ ප්‍රහාර රැල්ල සිදු කළ බව ඉස්ලාමීය විප්ලවවාදී ආරක්ෂක බලකාය අද (23) නිවේදනය කළේය.

සතුරන්ගේ හමුදා මර්මස්ථාන අඛණ්ඩව විනාශ කිරීමේ කොටසක් ලෙස, ඇමරිකානු හමුදා කඳවුරු වන අල් ධෆ්‍රා, වික්ටෝරියා, එක්සත් ජනපද පස්වන බලඇණිය සහ ප්‍රින්ස් සුල්තාන් ගුවන් හමුදාකඳවුර කියෑම් ද්‍රව ඉන්ධන සහ සොල්ෆකාර් ඝන ඉන්ධන මිසයිල මෙන්ම ඩ්‍රෝන යානා මගින් ඵලදායී ලෙස ප්‍රහාර එල්ල කරන ලද බව ඉස්ලාමීය විප්ලවවාදී ආරක්ෂක බලකාය වැඩිදුරටත් පැවසීය.

අෂ්කෙලොන්, ටෙල් අවිව්, හයිෆා, ගුෂ් ඩෑන් ජනාවාස සහ පලස්තීනයේ දකුණු ප්‍රදේශයේ කඳවුරු ලා  සිටින ප්‍රදේශවල ඊශ්‍රායල හමුදාවේ මර්මස්ථාන වෙත කයිබාර්-ෂෙකාන් (කයිබාර්-බස්ටර්) සහ ද්‍රව ඉන්ධන සහිත කියෑම් මිසයිල ඇතුළුව දැඩි ඝන ඉන්ධන සහ නිරවද්‍ය මඟ පෙන්වන මිසයිල මගින් නිෂ්චිත ලෙස ඉලක්ක කර ඇති බව ද නිවේදනයේ සඳහන් විය.

ඉරාන මිසයිල සහ ඩ්‍රෝන යානා අඛණ්ඩව දියත් කිරීම මගින් සතුරාගේ දියුණු යැයි වර නැංවූ ගුවන් ආරක්ෂක පද්ධති විනිවිද ගොස් ඇති අතර, උපායමාර්ගික ඉලක්ක වලට ඵලදායී හා දැඩි ලෙස පහර දී ඇති බවද එම නිවේදනය මගින් අවධාරණය කෙරේ. මෙම ප්‍රහාර මගින්, ඉරානයේ මිසයිල සහ නාවික හැකියාවන් විනාශ කිරීම සම්බන්ධයෙන් ඇමරිකානු සහ සියොන්වාදී නිලධාරීන්ගේ යුදවාදී ප්‍රකාශ සහ මායාවන් නිෂ්ප්‍රභ කර ඇති බවද  ඉස්ලාමීය විප්ලවවාදී ආරක්ෂක බලකාය නිකුත් කළ නිවේදනය මගින් වැඩිදුරටත් පැවසීය.

එසේම නිවේදනය මගින් අවධාරණය කළේ පළිගැනීමේ මිලිටරි මෙහෙයුම් බලගතු ලෙස අඛණ්ඩව සිදුවන බවත්, ඉස්ලාමීය විප්ලවවාදී ආරක්ෂක බලකායේ ජයග්‍රහණ ඉක්මනින් ප්‍රසිද්ධියට පත් කරන බවත්ය.