අද කළු සුද්දන් පාලකයන් බවට පත්වී බෞද්ධයන්ට එරෙහිව සිංහලයන්ට එරෙහිව ක්‍රියාකරමින් සිටින බවත්, එනිසා අද උපන්බිමේ අසරණයන් බවට මෙම ජාතිය පත්ව ඇති බවත් පූජ්‍ය දයාරතන හිමියෝ පවසති.

ඊයේ පැවැති 78 වැනි ජාතික නිදහස් දින සැමරුම් උත්සවය “බෞද්ධ ධජය ඉවත් කිරීම” ඇතුළු ඇතැම් ක්‍රියාකලාප හරහා බෞද්ධ සංස්කෘතියට සහ ආරක්ෂක හමුදාවට අවමන් කිරීමේ ව්‍යාපෘතියක් බව ජාතික නිදහස් පෙරමුණේ (ජානිපෙ) නායක විමල් වීරවංශ මහතා චෝදනා කරයි. ඔහු රජයට දින තුනක කාලයක් ලබා දෙමින් “නිදහස් චතුරශ්‍රයෙන්” ඉවත් කළ “බෞද්ධ ධජය” නැවත තිබූ තැනම ස්ථාපිත කරන ලෙස ඉල්ලා රජයට බලකර සිටියේය. එසේ නොවන්නේ නම්, මේ රටට දැයට දහමට ආදරය කරන ජනතාව සමඟ එක්ව තමන් එය ස්ථාපිත කරන බව අවධාරණය ක‍රමින් ජනිපේ නායකයා රජයට දැඩි ප්‍රතිරොධයක් එල්ල කළේය.

මුළු ලෝකයම කැළඹූ එප්ස්ටයින් ලිපිගොනු මගින් හෙළිවන ලෝක මට්ටමේ උපාය මාර්ග පිළිබඳ අඳුරු තොරතුරු රැසක් අතරින් නවතම අනාවරණය වන්නේ කොරෝනා වසංගතයට වසර 3කට පෙර සැලසුම් කරන ලද වසංගත වික්‍රියාවක් පිළිබඳ සැලසුමක් පිළිබඳවයි.

රට බෙදීමට කිසිසේත්ම ඉඩ නොතබන බවත්, විවිධ ක්‍රම මගින් මෙරට දරුවන්ගේ හැදුනුකම, සිරිත් විරිත්, චාරිත්‍ර, ධර්මතා ඉවත්කර ඔවුන් හිපියන් බවට පත්කිරීමට සැලසුම් ක්‍රියාත්මක වන බවත් පූජ්‍ය ඇල්ලේ ගුණවංශ හිමියෝ පවසති.

රටේ බෙදීම ආරම්භ වූයේ මෙරට අධ්‍යාපනය තුළින් බවත්, රටේ එකට සිටිය යුතු අනාගත පරපුර එකිනෙකට වෙනස් අධ්‍යාපන ක්‍රම හැදැරීම තුලින් අනාගතයේ ඔවුන් රටේ පුරවැසියන් ලෙස කටයුතු කිරීමේදී බෙදීම් ඇතිවීම වැලක්විය නොහැකි බවත් මහජන යුතුකම් කේන්ද්‍රය පවසයි.

ශ්‍රී ලංකාව නිදහස ලබා වසර 78ක් ගතවී ඇතත්, එදා අප දුටු සැබෑ නිදහස පිළිබඳ සිහිනය සම්පූර්ණ කර ගැනීමට මෙතෙක් අප අසමත්ව සිටින බව අගරදගුරු මැල්කම් රංජිත් කාදිනල් හිමිපාණෝ පවසති. නිදහස් දින සැමරුම් දේවමෙහෙයකට එක්වෙමින් උන්වහන්සේ මේ බව අවධාරණය කළහ.

යුද්ධයේදී රණවිරුවන් 29000ක් දිවිපිදූ බවත්, 14000ක් අබාධිත තත්ත්වයට පත්වූ බවත්, මෙවර නිදහස් උළෙලේදී එම විජයග්‍රහණයට දායක වූ සන්නද්ධ රථ, මල්ටිබැරල්, රොකට් ලෝන්චස් කිසිවක් ප්‍රදර්ශනය නොකළ බවත් හිටපු පාර්ලිමේන්තු මන්ත්‍රී සරත් වීරසේකර මහතා පවසයි.

ශ්‍රී ලංකාවේ 78 වන නිදහස් දිනයට සමගාමීව, එය තමන්ට 'කළු දිනයක්' බව පවසමින් දෙමළ ජනතාවගේ ස්වයං නිර්ණ අයිතිය සහ අතුරුදහන් වූවන්ට යුක්තිය ඉල්ලා කිලිනොච්චිය නගරයේදී අද (04) විරෝධතා පාගමනක් සහ උද්ඝෝෂණයක් පැවැත්විණි.

සර්වජන බලය පක්ෂයේ යාපනය දිස්ත්‍රික් සංවිධායක සහ ප්‍රමුඛ සමාජ ක්‍රියාකාරිකයෙකු වන අරුන් සිද්ධාර්ථ් මහතා ප්‍රකාශ කළේ, 2026 පෙබරවාරි 04 වන දිනට යෙදෙන ශ්‍රී ලංකාවේ 78 වන නිදහස් දිනය “කළු දිනයක්” ලෙස ප්‍රකාශයට පත් කිරීමට උත්සාහ කරමින් විශ්වවිද්‍යාල සිසුන් ලෙස පෙනී සිටින ඇතැම් පුද්ගලයින් විසින් සිදු කරනු ලබන ක්‍රියාවන් තමන් දැඩි ලෙස හෙළා දකින බවයි.