විදුලි නිෂ්පාදනය පහත වැටුනේ බාල ගල් අඟුරු නිසා බවත්, ලෝකයේ වැඩිම මිලක් ඉන්ධනවලට ගෙවුවේ ශ්‍රී ලංකාව බවත්, භාණ්ඩාගාරය වෙනුවට පැලවත්ත මෙම බර දරාගන්නා බවට ජනාධිපතිවරයා ප්‍රකාශයක් සිදුකරන්නේ නම් හොඳ බවත් පිවිතුරු හෙළ උරුමයේ නායක උදය ගම්මන්පිල මහතා පවසයි.

රුපියල දිගින් දිගටම අවප්‍රමාණය වීම සිදුවුවහොත් ඉන්ධන මිල, විදුලිය සහ ජල බිල්පත් ගාස්තු මෙන්ම භාණ්ඩ මිලද ඉදිරියේදී ඉහළ යා හැකි බව ආර්ථික විශ්ලේෂකයින් පවසයි.

මේ මාසය බෞද්ධයන්ට පූජනීය මාසයක් මෙන්ම, අනෙක් පැත්තෙන් වීරත්වයේ මාසයක් බවත්, 2009 මැයි මස 19 වැනිදා රට බෙදා වෙන්කිරීමේ මිලේච්ඡ කොටි ත්‍රස්තවාදය මුලිනුපුටා දැමීමේ මහා ජයග්‍රහණය ජාතියට අත්පත්කර දුන් මාසය බවත් හිටපු පාර්ලිමේන්තු මන්ත්‍රී ජයන්ත සමරවීර මහතා පවසයි.

ආණ්ඩුවේ ප්‍රතිපත්ති ප්‍රකාශයේම පොහොසත් රටක් ලස්සන ජීවිතයක් ගැන කියා තිබුනද ගොවියා අමතක කර ලස්සන ජීවිතයක් හදන්න හැකිදැයි ප්‍රශ්නයක් ඇති බවත්, කෘෂිකර්ම අමැතිවරයා සහ නියෝජ්‍ය ඇමතිවරයා කෘෂිකර්මය සම්බන්ධයෙන් නිවැරදි වැටහීමක් අනුව කටයුතු කරන බවක්පෙනෙන්නට නැති බවත් ජාතික ගොවිජන එකමුතුවේ සභාපති අනුරාධ තෙන්නකෝන් මහතා පවසයි.

උපරිමාධිකරණවලට විනිසුරුවරුන් පත් කිරීම අඛණ්ඩව ප්‍රමාද වීම පිළිබඳව නීති ක්ෂේත්‍රය තුළ කනස්සල්ල මතු වී ඇති අතර, දැනට ශ්‍රේෂ්ඨාධිකරණයේ සහ අභියාචනාධිකරණයේ මාස කිහිපයක් තිස්සේ පුරවා නොමැති පුරප්පාඩු අටක් පවතින බව වාර්තාවේ.

චීනය සහ ඇමරිකාව හොඳ හවුල්කරුවන් ලෙස එකිනෙකාගේ සාර්ථකත්වයට උදව් කළ හැකි බව චීන ජනාධිපති ෂී ජින්පින්ග් මහතා පැවසීය.

ගෝඨාභය රාජපක්ෂ පාලන සමයේදී මෙරට නිපදවිය හැකි භාණ්ඩවර්ග 1482ක ආනයන සීමාකළ බවත්, මෙරට සුළු හා මධ්‍ය පරිමාණ කර්මාන්තකරුවාට, ගොවීන්ට පණදීමේ උපායමාර්ගික තීන්දුව ඔහු විසින් ගත් බවත් හිටපු පාර්ලිමේන්තු මන්ත්‍රී ජයන්ත සමරවීර මහතා පවසයි.

අරගලයේදී ගාලු මුවදොර ප්‍රකාශය නමින් ප්‍රකාශයක් එලිදැක්වූ බවත්, එය අරගලයේ පීතෘවරුන්ගේ ප්‍රධානතම සැලසුම නොහොත් ප්ලෑන් A එක බවත්, ආණ්ඩුක්‍රම ව්‍යවස්ථාවට පිටින් ජනාධිපතිවරයකු පත්කිරීම එම සැලසුම වූ බවත් හිටපු පාර්ලිමේන්තු මන්ත්‍රී ජයන්ත සමරවීර මහතා පවසයි.

චීනය සහ අමෙරිකාව සතුරන් නොව හවුල්කරුවන් විය යුතු බව චීන ජනාධිපති ෂී ජින්පිං අවධාරණය ‍කරයි.