මීගමුව බන්ධනාගාරය තුළ හට ගත් ගැටුම් සම්බන්ධයෙන් පාර්ලිමේන්තුවේ අවධානය යොමු කිරීම සඳහා විපක්ෂයේ මන්ත්‍රීවරු පිරිසක් හදිසි කල්තැබීමේ විවාදයක් ඉල්ලමින් කථානායකවරයා වෙත ලිපියක් යොමුකර තිබේ.

මීගමුව බන්ධනාගාරයේ දරුණු ලෙස ව්‍යාප්ත වූ ගැටුම සම්බන්ධයෙන් ජාත්‍යන්තර ප්‍රවෘත්ති ආයතන රැසක දැඩි අවධානය යොමුව ඇති අතර, Al Jazeera සහ Reuters වැනි ප්‍රමුඛ පෙළේ මාධ්‍ය ජාල මෙම සිදුවීම වාර්තා කර ඇත්තේ ශ්‍රී ලංකාවේ මෑත ඉතිහාසයේ වාර්තා වූ දරුණුතම බන්ධනාගාර ප්‍රචණ්ඩ ක්‍රියාවක් ලෙසිනි.

මීගමුව බන්ධනාගාරයේ අද (06) උදෑසන ඇති වූ ගැටුමෙන් බන්ධනාගාර නිලධාරීන් ඇතුළු 25දෙනෙකු ජීවිතක්ෂයට පත්ව ඇතැයි පොලීසිය පවසයි.

පසුගිය වසරේ සිදු වූ ලූවර් කෞතුකාගාරයේ සිදු වූ මංකොල්ලයෙන් පසු කෞතුකාගාරය "විශේෂ අවධානයට" ලක්ව ඇති බව වාර්තා වුවද, ඊසානදිග ප්‍රංශයේ පිහිටි ලාලික් කෞතුකාගාරයෙන් යුරෝ මිලියන 4 ක් පමණ වටිනා ආභරණ සොරුන් විසින් සොරකම් කර ඇතැයි වාර්තාවේ.

ඉතිහාසයේ ප්‍රථම වතාවට හිටපු ජනාධිපතිවරයෙකු දින අනූවක කාලයක් රඳවා තබා ප්‍රශ්න කිරීම සඳහා අපරාධ පරීක්ෂණ දෙපාර්තමේන්තු හතරවැනි තට්ටුව වෙත කැඳවීමට නියමිත බවට වන පුවතක් සමාජ මාධ්‍ය ජාල ඔස්සේ වේගයෙන් සංසරණය වෙමින් පවතී.

2022 පොහොර අර්බුදයක් පැන නැගුණු අවස්ථාවේදී ගෝඨාභය රාජපක්ෂ හිටපු ජනාධිපතිවරයා කාබනික පොහොර ව්‍යාපෘතියක් ගෙන ආ බවත්, එම කාබනික පොහොර ව්‍යාපෘතිය මුළුමනින්ම විනාශ කර දැමුවේ අශෝක රංවල විසින් බවත් පාර්ලිමේන්තු මන්ත්‍රී ප්‍රසාද් සිරිවර්ධන මහතා පවසයි.

රජය සතු ව්‍යවසායයන් වෙනුවෙන් රජය විසින් ඇප වී ඇති, මෙතෙක් පියවා නොමැති ණය ප්‍රමාණය 2025 වසර අවසන් වනවිට රුපියල් බිලියන 1,080.18ක් දක්වා ඉහළ යනු ඇතැයි මුදල් අමාත්‍යාංශය පුරෝකථනය කරයි. 2027 වර්ෂය සඳහා අදාළව ඉදිරිපත් කර ඇති මූල්‍ය ක්‍රමෝපාය ප්‍රකාශය මගින් මෙම තොරතුරු අනාවරණය කර ඇත.

මීගමුව බන්ධනාගාරය තුළ රැඳවියන් දෙපිරිසක් අතර ඊයේ (05) දහවල් ඇති වූ දරුණු ගැටුමකින් රැඳවියන් දෙදෙනෙකු ජීවිතක්ෂයට පත්වූ අතර, එම ගැටුමට මත්ද්‍රව්‍ය ජාවාරමකට අදාළ තොරතුරු පාවා දීමේ සිද්ධියක් මුල් වී ඇති බවට තොරතුරු අනාවරණය වී ඇතැයි පොලිසිය පවසයි.

මීගමුව බන්ධනාගාරය තුළ අද (05) දිනයේ දැඩි උණුසුම් සහ නොසන්සුන්කාරී තත්ත්වයක් හට ගැනුනු අතර, බන්ධනාගාරයේ රැඳවියන් දෙපිරිසක් අතර හටගත් ගැටුමෙන් දෙදෙනෙකු මරණයට පත්ව ඇති බව රෝහල් ආරංචි මාර්ග සඳහන් කරයි.