ලොවම අවධානයෙන් පසුවන අමෙරිකානු ජනාධිපති ඩොනල්ඩ් ට්‍රම්ප් සහ චීන ජනාධිපති ෂී ජින්පින් අතර ද්විපාර්ශ්වික සාකච්ඡා චීනයේ 'ග්‍රේට් හෝල් ඔෆ් ද පීපල්' (Great Hall of the People) මන්දිරයේදී ආරම්භ වී ඇති බව විදෙස් මාධ්‍ය පවසයි.

2027 වසරට අදාලව ගල්අඟුරු ටෙන්ඩරය ලබදීමට සූදානමක් පවතින බවත්, මෙම ගල්අඟුරු ටෙන්ඩරයට ද සිදුවන්නේ ගිය අවුරුද්දේ සහ මේ අවුරුද්දේ හදිසි මිලදී ගැනීම් යටතේ සිදුකළ ටෙන්ඩරයට වූ දේම බවත් සංඛ චන්දිම අභයවර්ධන මහතා පවසයි.

වසර 30ක කුරිරු ත්‍රස්තවාදී යුද්ධයක් අවසන්කර වීරෝධාර රණවිරුවන් විසින් ශ්‍රී ලංකීය ජනතාවට දෙවන නිදහස ලබාදුන් දිනය 2009 මැයි 19 වැනි දින බවත්, එතැන් සිට වසර 17 ක් ගෙවී මේ මස 19 වැනිදාට එම රණවිරුවන්ට කෘතඥතාව දැක්වීම සිදුකෙරෙන බවත් විශ්‍රාමික රියාද් අද්මිරාල් ඩී.කේ.පී දසනායක මහතා පවසයි.

මෙරටට ඩොලර් සෙවීමට මේතරම් අවශ්‍ය වී ඇත්තේ ආනයන සඳහා ඩොලර් වියදම් කිරීමට සිදුවීම මත බවත්, රටේ නිෂ්පාදනය කිරීමට හැකි දේවල් ද පිටරටින් ආනයනය කිරීම නිසා මෙම අර්බුදය මතුවී ඇති බවත් මහාචාර්ය ලලිතසිරි ගුණරුවන් මහතා පවසයි.

ඉන්ධන පරිභෝජනය අඩුකිරීම රජයේ ඉලක්කය වන බවත් ඒ අනුව ඉන්ධන මිල ඉහළ දැමීම ආදී තීන්දු තීරණවලට එළැඹුණු බවත් ජනාධිපති අනුර කුමාර දිසානායක මහතා පවසයි.

තාක්ෂණය භාවිත කරමින් ඩිජිටල් අධිරාජ්‍යයක් නිර්මාණය වෙමින් පවතින බවත්, එම අධිරාජ්‍යය පවත්වාගෙන යාමට මානසික වහලා නිර්මාණය කරන්නෙත් එම තාක්ෂණයෙන්ම බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

දෙමළ ජාතික මහජන පෙරමුණේ නායක ගජේන්ද්‍රකුමාර් පොන්නම්බලම් විසින් ශ්‍රී ලංකාවේ යුද්ධය නිමා වූ මැයි 18 වැනිදා ‘මුල්ලිවයික්කාල් ජනසංහාර අනුස්මරණ දිනය’ ලෙස නම් කරමින් තමිල්නාඩු ප්‍රාන්ත සභාවේ නිල යෝජනාවක් සම්මත කරන ලෙස තමිල්නාඩුවේ අභිනව මහ ඇමති ලෙස පත්වූ ජෝසප් විජේගෙන් ඉල්ලා තිබේ.

ශ්‍රී ලංකා බලධාරීන් විසින් දැනට රඳවාගෙන සිටින ඉන්දීය ධීවරයින් 54 දෙනෙකු සහ ධීවර බෝට්ටු 264ක් නිදහස් කර ගැනීම සඳහා වහාම රාජ්‍ය තාන්ත්‍රික පියවර ගන්නා ලෙස තමිල්නාඩු නව මහ ඇමැති සී. ජෝසප් විජේ ඉන්දීය විදේශ කටයුතු අමාත්‍ය ආචාර්ය එස්. ජයිශංකර්ගෙන් ඉල්ලා තිබේ.

අමෙරිකානු ජනාධිපති ඩොනල්ඩ් ට්‍රම්ප් අද (13) චීනයේ දෙදින නිල සංචාරයක නිරත වීමට නියමිතව තිබේ.