ඇමරිකන් යෝජනාව සහ රජයේ ප්රතිචාරය
මාර්තු 27 වැනිදා ජිනීවා සමුළුවේදී සාකච්ඡුාවට සහ ඡුන්ද විමසීමට ලක්වන ඇමෙරිකානු යෝජනාවේ කෙටුම්පත මේ වන විට මාධ්යයට නිකුත් වී ඇත. ඊට ප්රතිචාර දක්වන දෙමළ ඩයස්පෝරාව කියා සිටින්නේ ඇමෙරිකාව විසින් දෙමළ ජනතාවගේ අපේක්ෂා නොසලකා හැර ඇති බවයි. ඊට අමතරව සමහර රජයේ පාර්ශවද එම යෝජනාව ඔවුන් බලාපොරොත්තු වූ තරම් බරපතල නැතැයි මත පළකරමින් ඇත. නමුත් ජිනීවාහිදී රජය කටයුතු කළයුතු ආකාරය පිළිබඳව පසුගිය දිනවල රජයට උපදෙස් දුන් බෙදුම්වාදී න්යායචාර්්යවරුන් ඒ පිළිබඳව අනාවැකි පළකරන්නේ නැත. ඒ වෙනුවට ඔවුන් ජිනීවාහිදී ශ්රී ලංකා රජය නියෝජනය කරමින් තම මතය ඉදිරිපත් කළ ජී.එල්. පීරිස් අමාත්යතුමාට ඉතා තදින් දෝෂාරෝපනය කරති.
ඔවුන් චෝදනා කරන්නේ ජී.එල්. පීරිස් අමාත්යතුමා වෙනත් කෙනෙකු විසින් ලියාදුන් කථා පිටපතක් ජිනීවාහිදී පුනරුච්චාරණය කළ බව කියමිනි. එහෙත් එසේ එතුමාට කථාව ලියාදුනනේ් කවුරුන්ද යන වග ඔවුන් එළිදරව් කරන්නේ නැත. ඔවුන් එසේ එතුමාට චෝදනා කිරීමට හේතු රාශියක් තිබිය හැකි මුත් ප්රධාන හේතුව ලෙස පෙනෙන්නේ එතුමා ඔවුන් බලාපොරොත්තු වූවාට වඩා ඉදුරාම වෙනස් මතයක් නියෝජනය කිරීමය. එසේ වූවත් ජී.එල්. පීරිස් අමාත්යතුමාගේ අතීත මතවාද සහ භූමිකාව සමඟ සන්සන්දනය කිරීමේදී මෙවර ජිනීවාහිදී එතුමා ඉදිරිපත්කළ මතය එතුමාගේ නොවන බවට ඔවුන් එල්ලකරන චෝදනාව අපට පිළිගැනීමට සිදුවේ. කෙසේවෙතත් එතුමාට කථාව ලියාදුන්නේ හෝ කථාවේ අඩංගු විය යුතු දේ පිළිබඳව උපදෙස් දුන්නේ එතුමාට වඩා දේශපාලන වශයෙන් බලවත් අයෙකු බවට සැකයක් නැත.
ගරු අමාත්යතුමාට අද චෝදනාකරන බෙදුම්වාදී න්යායචාර්්යවරුන්ගේ උපදෙස් අනුව එතුමා තම සමුළු කථාව ඉදිරිපත්කලා නම් රජය පැත්තෙන් ඉදිරිපත් විය යුතුව තිබුනේ එක්තරා යෝජනා දෙකකින් එකකි. පළමුවැන්න ඇමෙරිකානු යෝජනාවට එරෙහිව ප්රති යෝජනාවක් ගෙනඑන බව ප්රකාශ කිරීමය. ඒ මඟින් උතුරු පළාත් සභාවට බෙදුම්වාදී බලතල ලබාදීමේ ක්රියාවලිය ඉදිරියට ගෙනයන බවට සහතිකයක් දෙන අතර දේශීයව යුධ අපරාධ යාන්ත්රණයක් සකස් කිරීම සඳහා තවදුරටත් කාලය අවශ්ය බවට යෝජනා කිරීමට ඉඩ සැලසේ. ඇත්තවශයෙන්ම එදා 2009 දී ඉහත කී න්යායචාර්යවරුන් විසින් ජිනීවා වලදී බලය බෙදීමට අදාලව පොරොන්දුවක් ලබාදී තිබුන හෙයින් තම කථාවේදී ජී.එල්. අමාත්යතුමාට ඉතිරි වී තිබුණේ එය තවදුරටත් තහවුරු කිරීමටය. ඊට අමතරව යුද්ධයේ අවසාන භාගයේදී යුද අපරාධ සිදුවූ බව පිළිගනිමින් ඇමෙරිකාව කියන දේ කිරීමට සහ ඒ සඳහා ඔවුන්ගේ සහය ලබාගන්නා බවට පොරොන්දු වීමට ඒ මඟින් ඉඩ සැලසේ.
දෙවැන්න හෙවත් විකල්ප යෝජනාව වන්නේ ඇමෙරිකානු යෝජනාවේ සඳහන් ප්රධාන කරුණු හෙවත් යෝජනා වලට අදාලව වෙන් වශයෙන් ඡුන්දය ඉල්ලා සිටීමය. එක්සත් ජාතීන්ගේ සංවිධාන පටිපාටි තුළ ඒ ආකාරයට යෝජනා කිහිපයක් ඉදිරිපත් වූ විට ඒවා පිළිබඳව වෙන් වශයෙන් ඡුන්ද විමසීමකට ඉඩ කඩක් ඇත. ඒ මඟින් යම් යෝජනා ප්රමාණයක් පිළිගනිමින් යම් ප්රමාණයක් ප්රතික්ක්ෂ්ප කිරීමට ඉඩ සැලසේ. ඒ තුලින්ද අවසානයේ ඉටුවන්නේ පළමු විකල්පයට අදාල අරමුණු බව තේරුම් ගැනීම අපහසු නැත. එනම් ජාත්යාන්තර විමර්ශණයකට විරුද්ධවන අතර ඊට වඩා භයානක වන ජාත්යන්තර බලපෑමට යටත් දේශීය යාන්ත්රණයකට හෙවත් ඒකාබද්ධ විමර්ශණයකට ඒ මඟින් ඉඩ සැලසේ.
නමුත් දෙස්-විදෙස් බෙදුම්වාදීන්ගේ බලාපොරොත්තු සුන් කරමින් ජී.එල්. අමාත්යතුමා විසින් ඇමෙරිකානු යෝජනාව පමණක් නොව නවනීදන් පිල්ලේගේ නිර්දේ්ශද සම්පූර්ණයෙන්ම ප්රතික්ක්ෂ්ප කොට ඇත. ඒ මඟින් ශ්රී ලංකා රජය ඇමෙරිකානු යෝජනාවලට බාගෙට යටත්වීමට හෝ යම් අතරමැදි සමාදානයකට එළඹීමට සූදානම් නොමැති බව ස්ථීරසාරව සහ සෘජුව ප්රකාශකොට ඇත. ඊට අමතරව ශ්රී ලංකා රජය විසින් සැලසුම් සහගතව යුද අපරාධ සිදුනොකළ බවත් යම් විශේෂ චෝදනා පිළිබඳව දැනටමත් දේශීයව පරීක්ෂණ කරගෙන යන බවත් ප්රකාශයට පත්වී ඇත. ඒ අනුව මානව හිමිකම් සමුළුවේ උදව් ඇතිව හෝ නැතිව ඊනියා දේශීය විමර්ශන යාන්ත්රණයක් පිළිගැනීමට තමා සූදානම් නොමැති බව රජය විසින් සෘජුව ප්රකාශකොට ඇත. දැන් ජොන් කෙරීලාට සහ නවනීදන් පිල්ලේලාට ඉතිරි වී ඇත්තේ එකම විකල්පයකි. ඒ දැනට ඉදිරිපත් වී ඇති ඇමෙරිකානු යෝජනාවට උපරිම වශයෙන් සහය ලබා ගැනීමය. ඇමෙරිකාව තම යෝජනා සකස්කිරීමේදී එසේ සමාජික රටවල සහය උපරිම වශයෙන් ලබාගැනීම සඳහා ඔවුන්ගේ දුෂ්ඨ අරමුණු සාධාරණීකරනය කිරීමට යම් වචන හරඹවල යෙදී ඇති බව පැහැදිලිව පෙනේ. දෙමළ ඩයස්පෝරාව ඇමෙරිකාවට චෝදනා කරන්නේ එම වචන හරඹ වලට අදාලවය. ඔවුන් තම පහළ සාමාජිකත්වය ‘‘චූන් කිරීම’’ කිරීම සඳහා එම යෝජනා තවදුරටත් බරපතල කරන ලෙසට ඇමෙරිකාවට සහ ඉන්දියාවට බලපෑම් එල්ල කළද ඇත්ත තත්වය ඔවුන්ගේ ඉහළ නායකත්වය ඉතා හොදින් දන්වා බවට සැකයක් නැත. ඇමෙරිකානු රාජ්යය දෙපාර්තමේන්තුව සහ ඔත්තුසේවා දෙමළ ඩයස්පෝරාවේ ඉහළ නායකයින් සමඟ ඉතා සමීපව ගනුදෙනු පවත්වාගෙන යන බව රහසක් නොවේ.
වචන හරඹ වලින් ඇමෙරිකානු යෝජනාවේ සැර බාලකොට ඇති බව පෙනුනත් එහි සමස්ත හරය දෙස බලන විට ඒවා 2012 සහ 2013 යෝජනාවල සංවර්ධනයක් හෙවත් ඉදිරි පියවරක් බව පැහැදිලිව වටහාගත හැක. විග්නේෂ්වරන් මහ ඇමැතිවරයා සහ ටී.එන්.ඒ. නායක ආර්. සම්බන්ධන් මහතා එම යෝජනා ඉහලින්ම අඟය කරන්නේ ඒ නිසාය. එම යෝජනා මඟින් යුද අපරාධ විමර්ෂණය සඳහා මානව හිමිකම් කොමසාරිස් විසින් යාන්ත්රණයක් සකස්කළ යුතු බවට පැහැදිලිව ඉල්ලා සිටියි. එම යාන්ත්රණය ජාත්යාන්තර විමර්ශණයක් ලෙස මිස වෙනත් නමකින් හැදින්විය නොහැක.
එක්සත් ජාතීන්ගේ ක්රමවේද තුළ එවැනි ජාත්යන්තර යාන්ත්රණ 3 ක් හඳුනාගත හැක. ඉන් පළමුවැන්න යුද අපරාධ විෂය සඳහා විශේෂ බලයලත් නිළධාරීන් එක් අයෙක් හෝ කිහිපදෙනෙකු පත්කිරීමය. සූඩාන ජනාධිපති අල් බෂීර් මහතාට එල්ලවූ යුද අපරාධ චෝදනා විමර්ශණය සඳහා පත්කෙරුණේ එවැනි විශේෂ බලයලත් නිළධාරියෙකි. හැනී මෙගාලි නම් වූ එම විශේෂඥයා පසුගිය දිනවල ශ්රී ලංකාවටද පැමිණ යම් මූලික අධ්යනයක හෝ පරීක්ෂණයක යෙදුනි. ක්ෂෙත්රයේ ප්රවීනයකු වන ඔහු ශ්රී ලංකාවට එරෙහිව විමර්ශණයක් සඳහා යොදාගැනීමට බොහෝ දුරට ඉඩ ඇත.
ජාත්යන්තර යුද අපරාධ විමර්ශන ක්රියාවලියක් ස්ථාපිත කළ හැකි දෙවන ක්රමය විමර්ශන කොමිසමක් පත් කිරීමය. රුවන්ඩාවට එරෙහි විමර්ශන කටයුතු ස`දහා එවැනි ව්යුහයක් යොදා ගැනුණි. ඊට අදාල තුන්වන ක්රමය දරුස්මාන් කමිටුව වැනි විද්වත් කමිටුවක් පත් කිරිමය. මේ වන විට ඉදිරිපත් වී ඇති ඇමෙරිකානු යෝජනාව අනුව එම ක්රමවේද ත්රිත්වයෙන් වඩාත් සුදුසු ක්රමවේදය තේරීමේ බලය මානව හිමිකම් කොමසාරිස්ට හිමිවනු ඇත. ඒ කුමන ක්රමවේදයක් අනුගමනය කලද ශ්රී ලංකාව තුළ මානව හිමිකම් කොමසාරිස්ගේ උප කාර්යාලයක් පිහිටුවා නොමැති බැවින් අදාල විමර්ශන ශ්රී ලංකාවේ භූමිය තුළ සිදු කිරීමට ඉඩක් නැත.
කෙසේවෙතත් ඇමෙරිකානු යෝජනාවලිය තුළ ශ්රී ලංකාව විශේෂයෙන් අපේක්ෂා නොකළ තවත් අතුරු යෝජනා 03 ක් ඇත. පළමු අතුරු යෝජනාව මගින් ශ්රී ලංකාව විසින් අභ්යන්තරිකව කරනු ලබන කුමන හෝ විමර්ශන ක්රියාවලියක් හෝ ප්රතිසන්ධාන ක්රියාවලියක් අධීක්ෂණය කිරීමට මානව හිමිකම් කොමසාරිස් කාර්යාලයට බලය ලැබේ. ඒ මගින් ශ්රී ලංකාවට සහය දීමේ මුවාවෙන් දීර්ඝකාලීනව ශ්රී ලංකාවට නිරන්තරයෙන් බලපෑම් කිරීමේ අවස්ථාව ඔවුනට ලැබේ. ඇමෙරිකාව ඇතුළු බටහිර රටවල් සහ ඉන්දියාව ආරම්භයේ පටන්ම උත්සාහ කළේ ජාත්යන්තර සහය ඇතිව ශ්රී ලංකාව ලවා විමර්ශනයක් සිදු කරවීමටය. වෙනත් වචන වලින් කියනවා නම් ඊනියා ඒකාබද්ධ විමර්ශන ක්රියාවලියක් ආරම්භ කිරිමටය.
මානව හිමිකම් කාර්යාලය මගින් ඉදිරිපත් කරන ඒක පාර්ශවීයව විමර්ශන වාර්තාවකට වඩා ඒකාබද්ධ විමර්ශන වාර්තාවකටආරක්ෂක මණ්ඩලයේදී වැඩි සුජාතභාවයක් ලැබේ. ඒ සුජාතභාවය හෙවත් සාධාරණීකරණය වැදගත් වන්නේ අනාගතයේදී අදාල වාර්තාව ආරක්ෂක මණ්ඩලයට ඉදිරිපත් වන අවස්ථාවේදි චීනය සහ රුසියාව ශ්රී ලංකාවට පක්ෂව කොන්දේසි විරහිතව සහය දීම වැලැක්වීම ස`දහාය. ඇත්තවශයෙන්ම යුද අපරාධ විමර්ශන යාන්ත්රණයක් පිහිටුවා ගැනිම ස`දහා ඇමෙරිකාව වසර 04 ක් තිස්සේ හිස වටේ අත කරකවා නාසය අල්ලන්නේ ආරක්ෂක මණ්ඩලයේදී චීනය සහ රුසියාව ශ්රී ලංකාවේ පැත්ත ගැනීම නිසාය. එසේ නොවුනා නම් සුඩානයට එරෙහිව කටයුතු කළ ආකාරයට 2009 දීම විමර්ශනයක් ආරම්භ කිරීමට ඉඩ තිබුණි. එසේ ආරක්ෂක මණ්ඩලය හරහා යුද අපරාධ චෝදනා ඍජුව ගෙන ඒම පමා කිරීමට හේතු වන අනෙක් හේතුව වන්නේ ඒ සියල්ලේ අවසාන අරමුණයි. එනම් ජාත්යන්තර බෙදුම්වාදී න්යාය පත්රයට ආණ්ඩුව කොටු කර ගැනීම ස`දහා කාලය සහ අවස්ථාව ලබා ගැනිමයි. එක්වරම යුද අපරාද චෝදනා ඉදිරිපත් කොට ද`ඩුවම් කළහොත් බලය බෙදීම ස`දහා කේවල් කිරිමට ඉඩක් හෝ අවස්ථාවක් ලැබෙන්නේ නැත. රජයේ යම් අමාත්යවරුන් පිරිසක් විසින් බලය බෙදීම කඩිනම් කිරීම මගින් යුද අපරාධ චෝදනා ලිහිල් කර ගත හැකි බවට ජනාධිපතිතුමාට යෝ්ජනා ඉදිරිපත් කරන්නේ ඊනියා යුධ අපරාධ චෝදනා සහ බෙදුම්වාදී න්යාය පත්රය අතර පවතින දැඩි සම්බන්ධය නිසාය.
එම තත්වය තුළ ඇමෙරිකානු යෝජනාවලියේ යුද අපරාධ විමර්ශනයට අමතරව ඉදිරිපත් වි ඇති යෝජනා තුනෙන් දෙවැන්න වන්නේ ඉන්දු-ලංකා ගිවිසුම ප්රකාර බලය බෙදීමේ ක්රියාවලිය කඩිනම් කිරීමය. ඒ අනුව ඊනියා බලය බෙදීමේ ආණ්ඩුවේ සැලසුම අධීක්ෂණය කිරීමටද මානව හිමිකම් කාර්යාලයට අවස්ථාව සැලසේ. ඉන්දියාවට අමතරව බහු පාර්ශවීය ආයතනයක් විසින් එවැනි බලයක් ලබා ගැනීමට ගන්නා පළමු උත්සාහය එය ලෙස හැ`දින්විය හැක. යුද්ධය පැවති කාලයේදී බෙදුම්වාදී න්යාය පත්රය අධීක්ෂණය ස`දහා සම සභාපතිවරු 04 ක් පත් කෙරුනද එය සිදුවුයේ ශ්රී ලංකා රජයේ කැමැත්ත මතය. කෙසේවෙතත් එම යෝජනාව මගින් ඇමරිකාව විසින් ඉන්දියාව වෙනුවෙන් තමිල්නාඩුව ආමන්ත්රණය කරන බව පැහැදිලිව පෙනේ.
අමතර යෝජනාවලින් තුන්වැන්න සුළු ජාතික ආගම් ඇදහීමට පවතින බාධා ඉවත් කිරිම ස`දහා කටයුතු කිරීමය. ශ්රී ලංකාව තුළ සුළු ජාතිකත්ව විසින් තම ආගම ඇදහීමට විරුද්ධව බාධා එල්ල කිරීමේ පොදු ප්රවණතාවයක් නැත. ඔවුන් එම යෝජනාව ගෙන එන්නේ විවිධ අන්තවාදී කොටස් එකිනෙකා සම`ග නිහ`ඩ සම්මුතියකින් සිදු කළ හුදකලා සිද්ධියක් දෙකක් පදනම් කරගෙනය. පසුගිය දිනවල එක්තරා සුළු ජාතික අමාත්යවරයකුට එරෙහි චොදනා එල්ල වුයේ එම ඇමෙරිකානු යෝජනාවට අදාල පසුබිම සකස් කිරීම පිළිබ`දවය. ඒ අනුව මෙවර ඇමෙරිකාව විසින් යුද අපරාධ විමර්ශන යෝ්ජනාවට අමතරව තවත් යෝජනා 03 ක් ශ්රී ලංකාවට එරෙහිව ඉදිරිපත් කොට ඇත. එසේම රජය ඒවාට වෙන් වෙන්ව පිළිතුරු දීමට නොගාස් සියල්ල එකවර සහ දැඩි ලෙස ප්රතික්ෂේප කිරීමද සුවිශේෂී තත්වයකි. එය ජාතික බලවේග විසින් ඉල්ලා සිටි සහ අපේක්ෂාකල තත්වයකි. නමුත් ඉදිරි දින කිහිපය තුළ ආණ්ඩුවේ ස්ථාවරය දියාරු කොට රජය බෙදුම්වාදී උගුල දෙසට තල්ලූ කිරීමට දෙස් විදෙස් බොහෝ බලවේග උත්සාහ කරනු ඇත.
එදා ප්රභාකරන්ගේ ආයුධ බලය පෙන්වා ශ්රී ලංකා රජය බිය වැද්දීමට කටයුතු කළ පිරිස් අද ඇමෙරිකාවේ මානව හිමිකම් ආයුධ සහ ඊනියා ආර්ථික සම්බාධක ආයුධ පෙන්වා තම අරමුණු ඉටු කර ගැනීමට උත්සාහ කිරිම අලූත් තත්වයක් නොවේ. එම නිසා එදා බලපෑම් වලට යටත් නොවු රජයක් මෙදා බලපෑම් වලට යටත්වීමට විශේෂ හේතුවක් තිබිය නොහැක. එසේ යටත්වීම මගින් ඇමෙරිකානු න්යාය පත්රය කිසිසේත්ම වෙනස් නොවන බව තේරුම් ගැනීමට ලෝකයේ ඔිනෑ තරම් සක්ෂි ඇත. රජය බාගෙට හෝ සම්පුර්ණයෙන්ම සහ කුමන ආකාරයට යටත් වුවත් යුද අපරාධ න්යාය පත්රය පමණක් නොව ආණ්ඩු වෙනස් කිරීමේ න්යාය පත්රයද ඔවුන් අකුලා ගන්නේ නැත. එසේ වන්නේ ඉහත ස`දහන් කළ ආකාරයට ඒ න්යාය පත්ර දෙකම රට බෙදීමේ න්යාය පත්රය සම`ග ගැටගැසී ඇති බැවිනි. නමුත් රජය ජාත්යන්තර බෙදුම්වාදී න්යාය පත්රයට යටත් වනවා නම් අනෙක් න්යාය පත්ර දෙකම අහෝසි වන බවට කිසිදු සැකයක් නැත. කෙසේවෙතත් එසේවුවහොත් මේ රටේ ජාතික බලවේග විසින් ඒ තුන්වන න්යායපත්රය හෙවත් ආණ්ඩු වෙනස් කිරීමේ න්යාය පත්රය ඡුන්ද බලයෙන් ක්රියත්මක කරන බවටද කිසිදු සැකයක් නැත.
ඇමෙරිකාව ප්රමුඛ බටහිර රටවල් ආර්ථික සම්බාධක සහ වෙනත් කුමන බාධක දැමුවත් රජය ඊට එරෙහිව ජනතා බලය ඒකරාශී කරන්නේ නම් ශ්රී ලංකාව තුළ අරාබි වසන්තයක් උදාකිරිමට කිසිදු අවස්ථාවක් ලැබෙන්නේ නැත. බටහිරයන් විසින් ’’ වසන්තය’’ උදා කළ සෑම රටකම එසේ කළ හැකි වුයේ අභ්යන්තර මහජන නැගිටීම් මුල් කර ගෙනය. නමුත් අද මේ මොහොතේ අප පසුකරමින් සිටින්නේ ලෝක දේශපාලනය තුළ ඇමෙරිකානු බලහත්කාරයට යටත්වීමේ ප්රවනතාවය ආපසු හරවන යුගයකි. යුකරේනය සහ සිරියාව ආශ්රිතව පමණත් නොව වැනිසියුලාව ආශ්රිතවද සිදුවෙමින් පවතින්නේ එයයි. ප්රශ්නය ඇත්තේ ජනතාව පෙළ ගැස්වීම ස`දහා අවශ්යය විශ්වාසය අවංකව දිනා ගැනීම ස`දහා රජයට උපාය මාර්ගික වැඩපිලිවෙලක් නොමැතිවීම තුළය.
වෙද්ය කේ.එම්. වසන්ත බණ්ඩාර
සම්බන්ධිත පුවත් | Related News
ප්රධාන පුවත්
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..
පළාත් සභා ඡන්දය ඉක්මනින් පවත්වන්නැයි ඉන්දියාවෙන් දන්වයි..
ඇමරිකානු - ඉරාන යුද්ධය අවසන් ද? - ආචාර්ය ජගත් චන්ද්රවංශගෙන් අනාවරණයක්
'පාස්කු ප්රහාරය ගැන විමර්ශකයින් පත්කරලා තියෙන්නේ කතෝලික පල්ලියෙන්' - අතරමැදි පෙත්සම්කරුවෝ අධිකරණයට කියති..
ගම්මන්පිල, විමල්, දිලිත් ඇතුළු හය දෙනෙක් අධිකරණයට අපහාස කිරීමේ ප්රකාශ ගැන අභියාචනාධිකරණයට දැනුම් දීමට තීරණ කළා.. - කොටුව මහේස්ත්රාත්