කොතෙක් ‘‘නෑ’’ කීවත් නව පනතින් රණවිරුවන් දඩයම් කරන්නේ මෙහෙමයි
අතුරුදහන්වූවන්ගේ කාර්යාල පනතින් රණවිරුවන් දඩයම් කිරීමක් සිදුවන්නේ නැතැයි අතිගරු ජනාධිපතිතුමා විසින් විශේෂ ප‍්‍රකාශයක් සිදුකොට ඇත. බොහෝ විට එතුමා එවැනි ප‍්‍රකාශයක් විශේෂිතව සිදුකරන්නේ පනත සම්මතකර ගැනීමේදී ආණ්ඩුව විසින් තම යහපාලන සළුපිළි සියල්ල උනාදැමීම නිසා ඇතිවූ ලැජ්ජාව නිසා විය හැක. ඒ ආකාරයට විවාදයට ඉඩක් ලබානොදී බලහත්කාරයෙන් පනතක් සම්මත කළ අවස්ථාවක් ජේ.ආර්. ජයවර්ධන පාලන සමයේදීවත් සිදුවූයේ නැත. එදා 1987දී පළාත් සභා පනත සහ 13 වැනි ව්‍යවස්ථා සංශෝධනය ජනතා විරෝධය මැද පාර්ලිමේන්තුව සහ අධිකරණය පවා නෙම`ග යවමින් සම්මත කළ බව සත්‍යයකි. එහෙත් එදා විපක්‍ෂයට විවාද කිරීමට සාධාරණ ඉඩක් ලබාදුන් අතර විධිමත්ව ඡුන්ද විමසීමක් ද සිදු කෙරිනි. ඒ අනුව මහජන විරෝධය පමණක් නොව පාර්ලිමේන්තුව තුළ පවා ප‍්‍රභල විරෝධයක් තිබියදී පැය කිහිපයක් තුළ මෙම පනත බලහත්කාරයෙන් සම්මත කිරිමෙන් පෙනී යන්නේ සැ`ගවීමට දෙයක් තිබෙන බවය.
පාර්ලිමේන්තුවට ඉදිරිපත් වූ පනත් කෙටුම්පත ව්‍යවස්ථාවෙන් නිර්දේශිත ක‍්‍රියාපටිපාටිය උල්ලංඝණය කරමින් ඉදිරිපත් වූවක් බවට පැහැදිලි සාක්ෂි ඇත. ඒ අනුව එය පනතක් ලෙස සම්මත වුවත් අදාල කොටුම්පත නීතිය අනුව ඉදිරිපත් වූවක් නොවනා නිසා පනත බල රහිත වේ යැයි නව නීතිමය තර්කයක්ද මතුවේ. පනත් කෙටුම්පත අමාත්‍ය මණ්ඩලයෙන් විධිමත්ව අනුමත වී නොමැති අතර ඊට අමතරව ඉදිරිපත් කිරිමේදී අග‍්‍රාමාත්‍යවරයා විසින් පනත් කෙටුම්පත අමාත්‍යමණ්ඩයෙන් අනුමත වූ බවට පාර්ලිමේන්තුවට ප‍්‍රකාශයක් සිදු නොකිරීම නිසා එහි නීත්‍යානුකූල භාවය අභියෝගයට ලක්වේ. එසේම පනත සම්මත කිරිමේ ක‍්‍රියාවලිය තුළ අදාල සංශෝධන ආංශික කමිටු වලට ඉදිරිපත් නොකිරීම නිසා සහ සභාවේ මන්ත‍්‍රීවරුන් බහුතරයක් ඝෝෂාකරමින් නැගී සිටින තත්වයක් තුළ සීනව නාද කිරීමෙන් තොරව ඡුන්ද විමසීම මගින්ද පාර්ලිමේන්තුවේ ස්ථාවර නියෝග උල්ලංඝණය කොට ඇත.
එමෙන්ම අතුරුහන් වූවන් පිළිබඳ ජාත්‍යන්තර ගිවිසුම පනතට සම්බන්ධ කොට ඇතත්එම ගිවිසුමේ පිටපත් මන්ත‍්‍රීවරුන්ට ලබාදුන්නේ නැත. එහි සිංහල පිටපතක් විදේශ අමාත්‍යාංශය සතුව නැත. එම ජාත්‍යන්තර ගිවිසුම රටේ නීතියට සම්බන්ධ කිරීමට පෙර එය ව්‍යවස්ථාවේ අඩුතරමේ එහි පිටපතක් පනත් කෙටුම්පත සමග මන්ත‍්‍රීවරුන්ට ලබා දුන්නේ නැත . එය බරපතල වරදකි. පාර්ලිමේන්තුවේ අනුමැතියට ඉදිරිපත් කොට නැත. එහෙත් කතානායකවරයා පනතට අත්සන් තැබීම අත්හිටවිය යුතුය. එහෙත් එවැන්නක් සිදුවේයැයි විශ්වාස කළ නොහැක. ඊට හේතුව විවිධ විද්වතුන් විසින් අදාල පනත් කෙටුම්පත ජනාධිපති බලතල යටතේ ශ්‍රේෂ්ඨාධිකරණයට ඉදිරිපත් කොට නිර්දේශ ලබාගන්නා ලෙස ජනාධිපතිතුමාගෙන් කරන ලද ඉල්ලීම් එතුමා විසින් ප‍්‍රතික්‍ෂේප කිරීමය. දැන් එතුමා විසින් කථනායකතුමා උපුටා දක්වමින් පාර්ලිමේන්තුවේ සභාගැබ වැසිකිලියක් කරගත් බවට විපක්‍ෂයට චෝදනා කිරීම පළක් නැති ක‍්‍රියාවකි. ඇත්ත වශයෙන්ම මහජනයාට පෙනෙන්නේ ආණ්ඩුව සහ විේෂයෙන්ම කථානයකවරයා විසින් සමස්ථ පාර්ලිමේන්තුව වැසිකිලියක් බවට පරිවර්ථනය කළ බවය. කෙසේ වෙතත් පනත් කෙටුම්පත් ඉදිරිපත් කිරිමේ සහ එය සම්මත කිරිමේ ක‍්‍රියාවලිය තුළ සිදුවූ අශෝබන සිදුවීම් වලට වඩා පනතේ අන්තර්ගතය සත්‍ය වශයෙන්ම ඉතා භයානක බව එය ක්රියාත්මක වන විට රණවිරුවන්ට අවබෝධ වනු ඇත. එවිට ජනාධිපතිතුමා විසින් මෙම පනතේ භයානක කිසිවක් නැතැයි මේ අවස්ථාවේදී ලබාදෙන සහතිකද අවලංගු වී යනු ඇත. එය කාලය පිළිබඳ ප‍්‍රශ්නයක් පමණි.
නමුත් මේ අවස්ථාවේදී පනතේ භයානකකම සහ එහි සැගවී ඇති කූඨ අරමුණු පිළිබඳ සංවාදය පවත්වාගෙන යාම යනු රණවිරුවන් වෙනුවෙන් ඉටුකළ හැකි අවම යුතුකමකි. පළමුවෙන්ම අතුරුදහන්වූවන් ගැන සොයා බැලීම සඳහා මෙවැනි විශේෂ පනතක් අවශ්‍ය බවට ඉදිරිපත් කරන තර්කය ඉතා දුප්පත් එකක් බව කිය යුතුය. අතුරුදහන්වූවන්ට මරණ සහතික හෝ ජීවක් නොවන බවට සහතික ලබාදීම සඳහා අදාල පනත සංශෝධනය කරනු ලැබුවේ 2010දීය ඒ අනුව සාමාන්‍ය නීතිය යටතේ අතුරුදහන්වූවන්ව පුද්ගලිකව සහතික ලබාදීමේ හෝ අවශ්‍ය නම් වන්දි ලබාදීමේ නීතිමය බාධාවක් නැත. නමුත් පෙලීසියට පැමිණිලි කිරීම මගින් ආරම්භ වන එම ක‍්‍රියාවලිය කාර්යක්‍ෂම නොවන බවට විවාදයක් නැත. නමුත් කුප‍්‍රසිද්ධ’ එෆ්.සී.අයි.ඞී. පොලිස් ඒකකය වැනි විශේෂ ඒකකයක් ඊට වඩා විධිමත්ව පිහිටුවීම මගින් එම අභියෝගය ජයගත හැක.
ඊට අමතරව එක් එක් පුද්ගලයාට හෝ පවුලේ ඥාතීන්ට සාධාරණය ඉටුකිරීම සහ පොදුවේ අතුරුදහන්වීම වැළැක්වීමට අදාල පියවර ගැනීම යන අරමුණු දෙකම යටතේ පිහිටවූ ‘‘පරණගම කොමිසමද මේ වන විටත් බරපතල වැඩකොටසක් ඉටුකර ඇත. අතුරාදහන්වූවන් පිළිබඳ සොය බැලීමේ ජනාධිපති කොමිසම හෙවත් ‘‘පරණගම කොමිසම’’ අත්හිටුවීම සඳහා ජනාධිපතිවරයා විසින් නියෝගයක් නිකුත් කරන විට ඊට පැමිණිලි 20,000කට ආසන්න ප‍්‍රමාණයක් ලැබී තිබිණි. එම පැමිණිලි පුද්ගලිකව පැමිණිලිකරුවන් විසින්ම ඉදිරිපත්කළ පැමිණිලි නිසා ඔවුන්ට කොමිසම පිළිබඳ විශ්වාසයක් තිබු බවද පැහැදිලි වේ. එම කොමිසම විසින් පැමිණිලි 5000කට අදාලව පරික්‍ෂා කිරිම් ආරම්භ කොට තිබූ බවද වාර්තා විය. අවශ්‍යනම් එහි බලඅධිකාරිය පුළුල් කිරීම මගින් සහ නිර්ලෝභීව අවශ්‍ය සම්පත් ලබාදීම මගින් එහි කාර්්‍යක්‍ෂමතාවය වැඩිකළ හැක. ඊට අමතරව එම කොමිසමේ නිර්දේශ මත මරණ සහතික වලට අමතරව වන්දි ලබාදීම සඳහාද පුනරුත්ථාපන අමාත්‍යාංශය හෝ වෙනත් සුදුසු අමාත්‍යාංශයක් යටතේ යාන්ත‍්‍රණයක් සකස් කිරීමට අවශ්‍ය වන්නේ අමාතා්‍ය මණ්ඩල පත‍්‍රිකාවක් ඉදිරිපත් කිීම පමණි. ඒ සඳහා නව පනතක් අවශ්‍ය වන්නේ නැත. එසේ නම් මානව හිමිකම් කොමසාරිස්වරයාගේ වාර්තාව මගින් නිර්දේශකොට ඉන්පසුව වගවීමේ යාන්ත‍්‍රණයක් ලෙස ඇමෙරිකානු යෝජනාවටද ඇතුල්කොට සුවිශේෂි පනතක් මගින් කොමිසමක් පිහිටුවීමට ආණ්ඩුවට බලකෙරෙන්නේ කුමක් නිසාද?
විවිධ ජාත්‍යන්තර බලවේග විසින් ආණ්ඩුවට කරනු ලබන බලපෑමේ තරම ජනාධිපතිවරයාගේ මන්දගාමී ක‍්‍රියාපිළිවෙත සහ අගමැතිවරයාගේ සීග‍්‍රගාමී ක‍්‍රියාපිළිවෙත තුලින්් පැහැදිලි වේ. විශේෂයෙන්ම ජාත්‍යන්තර අරමුදල් සහ ජාත්‍යන්තර සංවිධාන යොදාගනිමින් පිහිටුවනු ලබන යාන්ත‍්‍රණ හරහා කළමනාකරණය කරනු ලබන ක‍්‍රමවේදයක් පනත මගින් හදුන්වා දෙන්නේ කුමක් නිසාද? ඒ මගින් සමස්ථ ක‍්‍රියාවලිය බාහිර පාර්ශ්ව විසින් හැසිරවීමේ ඉඩකඩ විවෘත වේ. මානව හිමිකම් කවුන්සිලයේද ශ්රී ලංකාවේ අධිකරණය පිළිබඳ විශ්වාසය හීන වී ඇති බැවින් ජාත්‍යන්තර විනිසුරන් අවශ්‍ය බවට එදා තර්ක මතු විය. ඊට සමාන ආකාරයට මානව හිමිකම් කොමසාරිස් වරයා විසින් පරණගම කොමිසම පිළිබඳ විශ්වාසයක් නැති බවට මතයක් ඉදිරිපත් කෙළ් මෙම පනත යටතේ එවැනි ජාතා්‍යන්තර මැදිහ්වීමක් සාධාරණිකරණය කිරීමට බව ඉතා පැහැදිලිව පෙනේ. මෙම පනත මගින් ජාත්‍යන්තර අරමුදල් උපාංගයක් ලෙස යොදාගන්නවාට අමතරව රාජ්‍යන්තර රාජ්‍ය නොවන සංවිධාන සම`ග ඇතිකරගන්නා ගිවිසුම් හරහාද එම මැදිහත්වීමට ඉඩ සැලසේ.
ඊට අමතරව එම සංවිධාන හරහා තොග වශයෙන් පැමිණිලි ඉදිරිපත් කිරීමටද ඉඩක් ඇත. එසේම සාක්ෂි ආඥාපනත තොරතු දැනගැනීමේ අයිතිය පනත නොසලකා ඉතා පහසුවෙන් ඕනෑම ආකාරයකට බොරු පැමිණිලි සහ සාක්ෂි ගොනු කිරිමේ ඉඩක් ඇත. පරීක්‍ෂණ පැවැත්වීම සඳහාද විදේශිකයන් යොදාගත හැකි අතර ඔවුන්ට හමුදා කඳවුරුවලට කඩා පැනීමට පොලිස් බලය ද ලැබේ. එම ක‍්‍රියාදාමයට එරෙහිව නීතිය ඉදිරියේ අභියෝග කිරීමටද ඉඩක් නැත. ඒ අනුව ජනාධිපතිතුමා පනතේ භයානකකම ආවරණය කිරීම සඳහා වචනවලින් කොතෙක් සුදුහුනු ගෑවත් සිදුවන්නේ කුමක්දැයි සිතින් මවා ගැනීම කුඩා ළමයකුට වුවද කළ හැක. එක්තරා උප ඇමතිවරයෙකු රූපවාහිනී විවාදයකදී අභියෝග ඛරන්නේ පනත මගින් සිවිල් හෝ අපරාධ නඩු පැවරීමක් සිදු නොවන බව කියමිනි.ඔහුගේ දුප්පත් තර්කයට පිළිතුරු ලෙස දීර්ඝ උත්තරයක් දියහැකි වුවත් කෙටියෙන් යමක් පැවසීම වඩා සුදුසු වේ . මෙම පනතේ මූලික අරමුණ සිවිල් හෝ අපරාධ නඩු පැවරීම නොවේ. අදාළ අර්ධ අධිකරණ කොමිසම මගින් සෘජුව වඩු පැවරීමක් සිදු නොකරන බවට ප‍්‍රතිපාදනයක් ඇතුල් කිරීම මගින් පාවා දෙන්නන්ට පාපොච්චාරණය කිරීම සදහා පෙළඹීමක් ඇති කරන අතර සාක්ෂි ආඥා පනත නොසලකා බොරු සාක්ෂි ගොණු කිරීමට ඉඩ ලැබේ’ එසේ වුවත් එම කොමිසම විසින් අපරාධ නඩු නිමිති ඇති විටකදී නීතිපති මගින් නඩු දැමීම සදහා නීතිපතිට යොමු කරන අතර වින්දිතයන්ගේ ඥාතීන්ද ඒ සදහා යොමු කෙරේ.පනතේ සැබෑ අරමුණ වන්නේ ජිනීවා 8 වැනි වගන්තිය මගින් රණවිරුවන්ට පරිපාලන වශයෙන් දඩුවම් කිරීම සදහා බොරු සාක්ෂි මත ඔවුන් වරදකරුවන් බවට තීන්දු කිරීමය. ඊට අමතරව ඒ මගින් එම චෝදනාවන් වෙනත් රටකදී නඩු පැවරීමද දිරිමත් කෙරේ.
ජනාධිපතිතුමාගේ සිතතුල මෙම පනත මගින් රණවිරුවන් දඩයම් කිරීමට උවමනාවක් නැති බවට විවාදයක් නැත. එහෙත් එම ක‍්‍රියාවලිය ආරම්භ වූ පසුව එතුමාට එය කිසිසේත්ම නැවැත්විය නොහැක. ජාත්‍යන්තර බලවේග මෙම පනත මගින් තොග වශයෙන් රණවිරුවන් දඩයම් කිරීමට උත්සාහ කරන්නේ නැත. එසේ කිරීමට ඔවුන් තුළ ආශාවක් තිබිය හැකි වුවත් ප‍්‍රායෝගිකව එය ඉටුකරගැනීම පහසුවන්නේ නැත. එම බලවේග වලට මූලික වශයෙන් අවශ්‍යවන්නේ අරමුණු 04ක් ඉටුකර ගැනීම පමණි. පළමුවැන්න අතුරුදහන්වීම්වලට අදාලව ප‍්‍රමාණාත්මකව සහ ගුණාත්මවකව බරපතල ජාත්‍යන්තර මතයක් ඇති කිරීමය. දැනටමත් පරණගම කොමිසමට පැමිණිලි 20,000ක් පමණක් ලැබී තිබියදී කිසිදු තර්කානුකූල සාක්‍ෂියතින් තොරව අප රටේ විදේශ අමාතශාංශය කියන්නේ එම ප‍්‍රමාණය 65,000ක් බවය. ඊට අමතරව අතුරුදහන්වීම් සිදුවූ ආකාරයේ ‘‘කෘර බව’’ පෙන්වීම මගින්ද බෙදුම්වාදීන්ට විශාල වාසියක් ලැබේ. ‘‘චැනල් 4’’ ආයතනය මෙම කොමිසමට ඉදිරිපත්වන ඊනියා සාක්ෂි මත පදනම්ව තව චිත‍්‍රපට දෙක තුනක් නිෂ්පාදනය කරනු ඇත. විෂ එන්නත් මගින් පුනරුත්ථාපනය කළ ත‍්‍රස්තවාදී සැකකරුවන් මරාදැමූ බවට කරන ප්රකාශ මගින්ද ඒ අරමුණ ඉටුවේ.
දෙවනුව ජාත්‍යන්තර බලවේගවලට අවශ්‍ය වන්නේ සමූල ඝාතන චෝදනාව ඔප්පු කිරීම සඳහා එම බරපතල පින්තූරය යොදැගැනීමය. තුන්වනුව ජාත්‍යන්තර අධිකරණ බලය යටතේ විදේශීය රටවල් කිහිපයකදී රණවිරුවන්ට එරෙහිව නඩු පැවරීම මගින් විශාල ඝෝෂාවක් ඇති කිරීමද ඔවුන්ගේ ප්රධාන අරමුණකි. නව පනත මගින් චෝදනා එල්ලවන රණවිරුවන්ට එරෙහිව විදේශීය අධිකරණ වලදී නඩු පැවරිය හැක. එසේ නඩු පවරණ ලෙස මානව හිමිකම් කොමසාරිස්වරයා විසින් තම වාර්තාව මගින් ජාත්‍යන්තර ප‍්‍රජාවට එවැනි ඉල්ලීමක්ද ඉදිරිපත්කොට ඇත. ඔවුන්ගේ හතරවැනි එහෙත් ප‍්‍රධානම අරමුණ වන්නේ තෝරාගත් නම් වශයෙන් ලැයිස්තු ගතකළ රණවිරුවන් පිරිසකට එරෙහිව ව්‍යාජ චෝදනා සහ සාක්ෂි ගොනුකොට ඔවුන් වරදකරුවන් බවට නම් කිරීමය. ඉහත සදහන් කළ ආකාරයට එවිට ඇමෙරිකානු යෝජනාවේ 8වැනි වගන්තිය අනුව සේවයේ යොදී සිටින සහ විශ‍්‍රාමගත් රණවිරුවන්ට විරුද්ධව පරිපාලන වශයෙන් දඩුවම් කිරීමට ඉඩ ලැබේ. එම ලැයිස්තුවට අදාළ රණවිරුවන්ට දඩුවම් කළ පසුව ඔවුන්ගේ දොළදුක සංසිදෙන බවට කිසිදු සැකයක් නැත. එම ලයිස්තුවට අයත් වන්නේ යුද්ධයේදී දැවැන්ත කැප කිරීම් කළ දේශපේ‍්‍රමී රණවිරුවන් බවට කිසිදු සැකයක් නැත.
ඉන් පසුව එසේ තෝරාගත් රණවිරුවන් පිරිසට අපරාධ නීතිය යටතේ දඩුවම් කිරීම යුද අපරාධ අධිකරණය මගින් ඉටුකර ගැනීමට ඔවුන් බලාපොරොත්තු වේ. ඊට අවශ්‍ය බොරු සාක්ෂි ගොණු කිරීම මෙම පනතමගින් දිරිමත් කෙරේ.ඒ ආකාරයට හමුදාව ‘‘සුද්ද කිරීම’’ අවශ්‍ය වන්නේ රට දෙකඩ කිරිමේ අවසාන ක‍්‍රියාමාර්ග කිහිපය සාර්ථක කරගැනීම සඳහා සහ ඉන්දියානු සහ ඇමෙරිකානු හමුදා වලට ශ්රී ලංකාව තුළ පය ගබාගැනීමේ පූර්ව කොන්දේසියක් වශයෙනි. එනම් ශ්රී ලංකාවේ ආරක්ෂක හමුදා දුර්වල කොට දුර්මුඛ කිරීම සහ ඒ තුළ පවතින දේශපේ‍්‍රමී ප‍්‍රවනතාවය මකා දැමීම සඳහාය. ඔවුන්ට අවශ්‍යවන්නේ ශ්රී ලංකාවේ හමුදාව පිලිපීනයේ හමුදාව මෙන් භෞතිකව සහ අධ්‍යාත්මයෙන් ඇමෙරිකානු හමුදාවේ කුලී හමුදාවක් බවට පත් කිරීමය. පිලිපිනයේ හමුදාවේ උසස් නිලධාරීන්ගේ දුවා දරුවන් අධ්‍යාපනය ලබන්නේ ඇමෙරිකාවේය. ඔවුන්ගේ දෙවන නිවස පමණක් නොව සමහරුන්ගේ දෙවන භාර්යාවන්ද ඇමෙරිකාවට අයත් වේ. ඔවුන් නිවාඩු ගත කරන්නේ සහ වැඩි දුර අධ්‍යාපනය ලබන්නේද විවිධ ඇමෙරිකානු ව්‍යාපෘතිවලින් ලැබෙන අරමුදල් මගිනි. ශ්රී ලංකා හමුදාව ඒ මට්ටමට වෙනස්කර ගැනීම එතරම් අමාරුකාර්යක් නොවන බව මෑත කාලීනව ඔප්පු විය. දැනටමත් යුද්ධයට සම්බන්ධ වූ දේශපේ‍්‍රමී නිලධාරීන් රාශියක් විශ‍්‍රාම ගන්වා ඇත. විශ‍්‍රාම වයසට පෙර ඉවත්වන නිලධාරීන් දිරිගැන්වීම සඳහා උසස්වීම් ලබාදීමේ ක‍්‍රමයක්ද හඳුන්වා දී ඇත. එසේම ඉන්ධන කපා හැීම සහ වෙනත් දිරිගැන්වීම් කපා හැරමී හරහාද සේවය හැරයාද දිරිගැන්වේ.
මෑතකාලීනව අභ්‍යන්තර හමුදා අධිකරණ මගින් විවිධ චෝදනා මත 5000කට අධික රණවිරුවන් පිරිසකට දඩුවම් කර ඇත. ඔවුන් අතරින් බහුතරයක් යුද්ධ කාලයේදී විවිධ තීරණාත්මක භූමිකාවන් ඉටුකළ අය බවද වාර්තාවේ. ඒ අතර ගිරිතලේ බුද්ධි අංශ රණවිරුවන් දැන් වසරක් තිස්සේ සිරගතකොට තබා ගැනීම මගින්ද දේශපේ‍්‍රමී රණවිරුවන්ට නිශේධනාත්මක පණිවිඩයක් ලබාදේ. මෑතකාලිනව හමුදාවේ උසස්වීම් ලබාදීමේදීද යුද්ධයේදී දක්‍ෂකම් පෙන්වීම නුසුදුසුකමක් බවට පත්වී ඇති බවද විවිධ පිරිස් චෝදනා එල්ල කරති. මේ සියල්ල අනුව සිදුවෙමින් පවතින්නේ කුමක්දැයි තේරුම් ගැනීම එතරම් අමාරු නැත. එහෙත් පොදු මහජනයා මෙවැනි ලිපි කියවන්නේ නැති අතර විපක්‍ෂයේ දේශපාලන පක්‍ෂද එම සංවාදයට එළබෙන්නේ නැත. එම නිසා කලයුතු දේට ප‍්‍රතිවිරුද්ධ දේ කිරීමේ ප‍්‍රවනතාවයක්ද විපක්‍ෂයේ බලවේග තුළ දක්නට ඇත. රණවිරුවන් දඩයම් කිරීම සහ ව්‍යවස්ථා සම්පාදක සභාව හරහා රාජ්‍ය ව්‍යුහය වෙනස් කිරිමේ ව්‍යවස්ථාවක් නිර්මාණය කිරීම යනු එකම අසිපතේ තළ දෙකක් බව ඔවුන් තේරුම් ගන්නා බවක් පෙනෙන්නේ නැත. සකස්වෙමි් පවතින බෙදුම්වාදී ව්‍යවස්ථා කෙටුම්පත ‘‘රනිල්ගේ පැකේජය’’ ලෙස නම් කිරීම වෙනුවට ‘‘ සමස්ථ පාර්ලිමේන්තුවේ පැකේජය ලෙස නම් කිරීමට ඉඩ දෙන්නේ කුමක් නිසාද? ආණ්ඩුව විසින් ඔවුන්ගේ මූණට කෙල ගසා පිටුපසට පා පහර දෙන විට ව්‍යවස්ථා සම්පාදන සභාවේ සිට ඔවුන් විසින් එම පාදවල පැළදි සපත්තු පොලිෂ් කිරීම දේශපාලන වශයෙන් පැහැදිලි කරන්නේ කෙසේද?
වෛi කේ.එම්. වසන්ත බණ්ඩාර
සම්බන්ධිත පුවත් | Related News
ප්රධාන පුවත්
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?