ග්‍රීන්ලන්තය පවරා ගැනීමේ සිය සැලසුම්වලට විරුද්ධ වූ යුරෝපානු රටවලට තීරුබදු පැනවීමේ ක්‍රියාවලිය අමෙරිකානු ජනාධිපති ඩොනල්ඩ් ට්‍රම්ප් විසින් හකුලාගෙන තිබේ.

ජාත්‍යන්තර මූල්‍ය අරමුදලේ නියෝජිතයින් පිරිසක් අද (22) දිවයිනට පැමිණීමට නියමිතව තිබේ.

ජාතික ජන බලවේගයට බලය හිමි හබරාදුව ප්‍රාදේශීය සභාවේ සභාපති වශයෙන් කටයුතු කරන හර්ෂ මනෝජ් ගාර්ධිය පුංචිහේවා සභාපති ධුරයෙන් ඉල්ලා අස්වී තිබේ.

විපක්ෂයේ සිටීමට වඩා ආණ්ඩු කිරීම තමන්ට ඉතා සහනදායී බවත්, දේශපාලන සතුරන් එල්ල කරන ප්‍රහාර හමුවේ නිහඬව නොසිට සුදුසු මොහොතක පෙරළා ප්‍රහාර එල්ල කරන බවත් කෘෂිකර්ම අමාත්‍ය කේ.ඩී. ලාල්කාන්ත මහතා ප්‍රකාශ කරයි. අමාත්‍යවරයා මේ බව පැවසුවේ උත්සවයක් අමතමිනි.

තමන් නීතියට ඉහළින් සිටින පුද්ගලයෙකු නොවන බවත්, තමන් ගන්නා ඕනෑම තීරණයක් වැරදි සහගත නම් එය අධිකරණය හමුවේ අභියෝගයට ලක් කිරීමේ පූර්ණ අයිතිය ඕනෑම අයෙකුට පවතින බවත් නීතිපති ජනාධිපති නීතිඥ පරින්ද රණසිංහ මහතා අවධාරණය කරයි.

අභාවප‍්‍රාප්ත හිටපු අමාත්‍ය නන්දන ගුණතිලක මහතාගේ දේහය පිළිබඳ අවසන් කටයුතු සිදු කෙරෙන අවස්ථාවේදී අනුශාසනාවක් පවත්වමින් පූජ්‍ය මහාචාර්ය කොටපිටියේ රාහුල හිමියන් පවසා සිටියේ ඉන්දීය අග්‍රාමාත්‍ය නරේන්ද්‍ර මෝදි මහතා තම රටට සහ සංස්කෘතියට දක්වන ලැදියාව ශ්‍රී ලංකාවේ පාලකයන්ට කදිම ආදර්ශයක් බවයි.

ගෝකන්න විහාරස්ථානය ලෙස අතීතයේ හැඳින්වූ ස්ථානයේ ශ්‍රී සම්බුද්ධත්ව ජයන්ති විහාරස්ථානය මෙරට අතීත උරුමයක් බවත්, අද ඒ පිළිබඳව අදහස් දක්වන විවිධ පිරිස් අපට උරුමයක් නැති අගක් මුලක් නැති පිරිසක් යැයි තමන්ම හුවාදැක්වීමට කටයුතු කිරීම ඛේදවාචකයක් බවත් පූජ්‍ය අහුංගල්ලේ විමලධම්ම තිස්ස හිමි පවසති.

ශ්‍රී ලංකාවේ ජාතික විදුලිබල ප්‍රතිපත්තිය සහ ප්‍රතිපත්තිය සෑදීමට ගත් ක්‍රියාමාර්ග සම්පූර්ණයෙන්ම නීති විරෝධී බව බලශක්ති විශේෂඥ ආචාර්ය විදුර රළපනාව පවසයි.

වර්තමාන නීතිපතිවරයාට ධුරයෙන් වහා ඉවත් වන ලෙස බලකරමින් සිවිල් සංවිධාන හා සිවිල් ක්‍රියාකාරීන් පිරිසක් අද (21) පෙරවරුවේ කොළඹ අලුත්කඩේ අධිකරණය ආසන්නයේදී නිහඬ විරෝධතාවයක නිරත වුණි.