කුරුණෑගල බෞද්ධාලෝක විහාරස්ථානයේ, හිටපු ජනාධිපති මහින්ද රාජපක්ෂ මහතාට කාමරයක් සාදා ඇති බවට පළවන පුවත් සම්බන්ධයෙන් අදහස් දක්වමින් සුමිත් උඩුකුඹුර මහතා පවසන්නේ එය අසත්‍යයක් බවය.

අධ්‍යාපන ප්‍රතිසංස්කරණ මගින් ආණ්ඩුව ලබාදෙන ඉඟිය තේරුම්ගත හැකි බවත්, මේ රාජ්‍යය වෙනස් කළ යුතු බවට ලාල් කාන්ත ඇමතිවරයා පැවසූ කතාවෙන් එය වඩා හොඳින් වටහා ගනීමට හැකි බවත් හිටපු පාර්ලිමේන්තු මන්ත්‍රී, මහාචාර්ය චන්න ජයසුමන මහතා පවසයි.

උතුරු සහ නැගෙනහිර පළාත්වල බෞද්ධ උරුමය විනාශවී ඇති ආකාරය පිළිබඳව මහානායක හිමිවරුන් මුණගැසී කරුණු පැහැදිලි කිරීමට තීරණය කර ඇති බවත්, මෙම බෞද්ධ ජාතික උරුමයන් විනාශවීමට හේතුවන අත්පත්කර ගැනීම් රාශියක් දැකගත හැකි බවත් මහාචාර්ය පූජ්‍ය මැදගොඩ අභයතිස්ස හිමියෝ පවසති.

අද (23) උදෑසන 8 සිට පැය 48ක කාලයක් දිවයින පුරා රෝහල්වල සංකේත වැඩවර්ජනයක නිරතවන බව රජයේ වෛද්‍ය නිලධාරින්ගේ සංගමය පවසයි.

උපරිම මට්ටමෙන් උදව්කළ අයගෙන් උපරිම මට්ටමෙන් මේ ආණ්ඩුව පළිගන්නා බව මහාචාර්ය අර්ජුන පරාක්‍රම මහතා පවසයි.

වෙරළ සංරක්‍ෂණ දෙපාර්තමේන්තුවේ අධ්‍යක්‍ෂ ජනරාල්වරයාගේ නිසි අවසරයකින් තොරව ත්‍රිකුණාමලය සම්බුද්ධත්ව ජයන්ති බෝධිරාජ විහාරයට යාබදව බුද්ධ ප්‍රතිමා වහන්සේ නමක් තැන්පත් කළැයි කියන සිද්ධිය සම්බන්ධයෙන් ත්‍රිකුණාමලය පොලිසිය විසින් බලංගොඩ කස්සප හිමිපාණන් ඇතුළු භික්‍ෂූන් වහන්සේ සිව් නමකට හා ප්‍රදේශවාසීන් පිරිසකට එරෙහිව ත්‍රිකුණාමලය පොලිසිය මගින් ගොනුකර ඇති පැමිණිලි ඉදිරියට පවත්වාගෙන යෑම වළක්වමින් නියෝගයක් නිකුත් කරන්නේ ද නැති ද යන නියෝගය ලබන 30 වැනිදා නිකුත් කිරීමට අභියාචනාධිකරණය ඊයේ (22දා) පස්වරුවේ දින නියම කළේය.

2013 වසරෙන් පසු විධිමත් ලෙස ක්‍රියාත්මක නොවූ වෛද්‍යවරුන්ගේ වාර්ෂික ස්ථානමාරු ක්‍රියාවලිය, එළඹෙන 2026 පෙබරවාරි මුල් සතියේ සිට යළි ක්‍රියාත්මක කරන බව සෞඛ්‍ය අමාත්‍ය වෛද්‍ය නලින්ද ජයතිස්ස මහතා පාර්ලිමේන්තුවේදී ප්‍රකාශ කළේය.

අතුරුදහන් වු තැනැත්තන් පිළිබඳ කාර්යාලයේ මුලික විමර්ශන මණ්ඩල ප්‍රධානීන් සහ විමර්ශන මණ්ඩල පළමු කණ්ඩායම් සාමාජිකයින් දැනුවත් කිරීමේ ප්‍රථම පුහුණු වැඩසටහන සහ ඔවුන් මුහුණ දී ඇති ගැටළු පිළිබඳව සාකච්ඡාවක් අධිකරණ සහ ජාතික ඒකාබද්ධතා අමාත්‍ය, නීතිඥ, හර්ෂණ නානායක්කාර මහතාගේ සහභාගිත්වයෙන් වව්නියාව දිස්ත්‍රික් ලේකම් කාර්යාලයේ (22) පැවැත් වුණු අතර, එහිදී නීතිපතිවරයා සම්බන්ධයෙන් සමාජ මාධ්‍ය තුළ පැතිර යන කතා පිළිබඳව මාධ්‍යවේදින් ප්‍රශ්න කර සිටියේය.

මෙරටට ගෙන්වන ලද තෙවන ගල්අඟුරු තොගය ප්‍රමිතියෙන් තොර වීම හේතුවෙන් ජාතික විදුලි පද්ධතියට සැපයිය හැකි විදුලි ධාරිතාව බරපතල ලෙස පහත වැටී ඇති බව බලශක්ති විශේෂඥ ආචාර්ය විදුර රලපනාව මහතා පවසයි.