දිවයින පුරා වෙසෙන සංඝයා වහන්සේලාගේ වැඩම කිරීමෙන් සිදුවන මහා සඟ සමුළුව සමස්ත ලංකා බෞද්ධ මහා සම්මේලන පරිශ්‍රයේ අද (20 වැනිදා) පස්වරු 2.00ට පැවැත්වේ.

හිටපු ජනාධිපති රනිල් වික්‍රමසිංහ මහතාගේ බිරිඳ වන මෛත්‍රී වික්‍රමසිංහ මහත්මියට අද (20) මූල්‍ය අපරාධ විමර්ශන කොට්ඨාසය වෙත පැමිණීමට නියමිතව තිබේ.

නොරෙච්චෝලේ බලාගාරයට බාල ගල් අඟුරු ආනයනය ඔස්සේ මහ බැංකු වංචාවට වඩා විශාල වංචාවක් සිදුව ඇතැයි විදුලිය පාවිච්චි කරන්නන්ගේ සංගමයේ සභාපති එච්.ඩී.ආර්. අතුල මහතා පවසයි.

බන්ධනාගාර තදබදය අවම කිරීම සඳහා සැකකරුවන් රක්ෂිත බන්ධනාගාර ගත කිරීම වෙනුවට නිවාස අඩස්සියේ තැබීමට හැකි වන පරිදි නව පනතක් ගෙන එන බව අධිකරණ හා ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා පැවසීය. ඉලෙක්ට්‍රොනික අධීක්ෂණය හරහා එම දඬුවම ක්‍රියාත්මක කරන බවද අමාත්‍යවරයා කීය.

ඉදිරියේ දී පළාත් සභා මැතිවරණය පැවැත්වුවහොත් එම පළාත් සභා මැතිවරණය පවත්වන දවසින් පසු උතුර සහ නැගෙනහිර පළාත්වල අනිවාර්යෙන්ම ඉන්දියාවේ සහ අමෙරිකාවේ මැදිහත්වීම මත මෙරට බෙදුම්වාදයට නතුවීමේ ක්‍රියාවලිය සිදුවනු ඇති බව මහාචාර්ය පූජ්‍ය මැදගොඩ අභයතිස්ස හිමියෝ පවසති.

පළාත් සභා මැතිවරණය පැවැත්වීමෙන් පසුව දෙමළ ඊළාම් බෙදුම්වාදීන්ගේ මාර්ග සිතියම අභියස ආණ්ඩුව සහ මහජනයා මුහුණ දෙන අභියෝග පිළිබඳව මහජන පෙත්සමක් අත්සන් කිරීම අද(19) දින සුනේත්‍රාදේවි මහ පිරිවෙනේ දී සිදුවිය.

රාජ්‍ය නිලධාරීන් සතු ව්‍යවස්ථාපිත ඉඩම් රාජකාරි ඉටු කිරීමේදී සිදුවන අහිතකර දේශපාලන මැදිහත්වීම් සම්බන්ධයෙන් ශ්‍රී ලංකා ප්‍රාදේශීය ලේකම්වරුන්ගේ හා සහකාර ප්‍රාදේශීය ලේකම්වරුන්ගේ සංගමය (SLADA) රජය වෙත සිය දැඩි විරෝධය පළ කර සිටියි.

අවසාන යුද සමයේ ප්‍රභාකරන් ඇතුළු කොටි නායකයන් බේරා ගැනීමට යුද වීරයා යැයි කියන මහින්ද රාජපක්ෂ ඇතුළු පිරිස කුමන්ත්‍රණය කළ බව එවක හමුදාපති, ෆීල්ඩ් මාර්ෂල් සරත් ෆොන්සේකා පවසයි.

සෞඛ්‍ය ක්ෂේත්‍රයේ ගැටලු ජනතාවට ඍජුව බලපාන බැවින් ඒවා කෙරෙහි විශේෂ අවධානයක් යොමු කර විසඳුම් ලබාදීම රජයේ වගකීම බව මල්වතු අස්ගිරි උභය මහා විහාරීය මහ නාහිමිවරුන් පවසති.