කොටි යුදමය වශයෙන් පරාජය කිරීමට යුද්ධය ආරම්භ කරන අවස්ථාව හෝ යුද්ධය නිමා කරන අවස්ථාව හෝ එවක යුද හමුදාපති සරත් ෆොන්සේකා දැන නොසිටි බවත් ඔහු රටේවත් නොසිටි බවත් හිටපු අමාත්‍ය උදය ගම්මන්පිල මහතා පවසයි.

මීට මාස 6කට පෙර බලශක්ති අමාත්‍ය වරයා පොහොර සංස්ථාවේ සේවය කරද්දී දූෂිත ටෙන්ඩර් ගණුදෙනු සිදුවීම පිළිබඳ ලිපිගොනුවක් අල්ලස් කොමිසමට බාර දුන් බවත්, ඉන් පසු බලශක්ති අමාත්‍ය කුමාර ජයකොඩිට එරෙහිව ගැනුණු ක්‍රියාමාර්ගයක් පෙනෙන්නට තිබුනේ නැති බවත් සංඛ චන්දම අභයවර්ධන මහතා පවසයි.

භික්ෂුත්වය, භික්ෂු ප්‍රතිරූපය බිඳවැට්ට වීම සඳහා ආණ්ඩුවේ පූර්ණ අනුග්‍රහය ඇතුව මෙහෙයුමක් දියත්කර ඇති බවත්, සුද්දාගේ කාලෙවත් භික්ෂූන් වහන්සේලාට මෙසේ ගැරහීම නොකළ බවත් ජානිපෙ නායක, හිටපු අමාත්‍ය විමල් වීරවංශ මහතා පවසයි.

මෙරටට ආනයනය කරන ලද බාල ගල්අඟුරු භාවිතයෙන් විදුලිය උත්පාදනය කිරීම හේතුවෙන් ලංකා විදුලිබල මණ්ඩලයට රුපියල් මිලියන 7,500 කට අධික සෘජු මූල්‍ය අලාභයක් සිදුව ඇති බව අනාවරණය වේ.

අමෙරිකා එක්සත් ජනපදය වෙත ආනයනය කරනු ලබන සියලුම භාණ්ඩ සඳහා පනවා ඇති තාවකාලික බදු අනුපාතය සියයට පහකින් ඉහළ දැමීමට එරට ජනාධිපති ඩොනල්ඩ් ට්‍රම්ප් තීරණය කර තිබේ.

බාල ගල් අඟුරුවලින් පාඩුවක් සිදුවී නැති බව පවසමින් සමාජ මාධ්‍යයේ යුද්ධ කළාට වැඩක් නැති බවත්, නැව් 8ක ගල් අඟුරු ප්‍රමිතියෙන් තොරවීම නිසා සිදුව ඇති අලාභය රුපියල් මිලියන 7,672.1ක් බව හෙළිවී ඇති බවත් පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා තම සමාජ මාධ්‍ය ගිනුමේ සටහනක් තබමින් පවසයි.

දකුණු කොරියාවේ ප්‍රධානතම අන්තර්ජාල වෙළෙඳ සමාගම වන coupang සමාගමේ නියෝජිතයකු සහ පාර්ලිමේන්තු මන්ත්‍රීවරයකු අතර උණුසුම් වචන හුවමාරුවක් සිදුවන අයුරු දැක්වෙන වීඩියෝවක් සමාජමාධ්‍ය තුළ සංසරණය වේ.

ඇමරිකානු තීරු බදු ඉහළ නැංවීම නිසා මාස් හෝලිඩිං ආයතනය සතු තුල්හිරිය මෙත්ලිය ඇඟළුම් කම්හල වසා දැමීමට තීරණය කර තිබේ.

දිවයිනේ ප්‍රදේශ කිහිපයක පවතින ලිට්‍රෝ සහ ලාෆ්ස් ගෑස් හිඟය හේතුවෙන් පාරිභෝගිකයෝ තවමත් දැඩි අපහසුතාවයකට පත්ව සිටිති.