මේ වන විට විවිධ පුද්ගලයන් විශේෂයෙන්ම චීවරධාරීන් යොදාගනිමින් සමාජය බිඳවැට්ටවීම සඳහා සිදුකරන මහා ප්‍රහාරයේ පසුබිම සහ ඊට අදාළ න්‍යායාත්මක විග්‍රහය පිළිබඳව මහජනයා දැනුම්වත් කිරීම සඳහා ජාතික සංවිධාන එකමුතුව විසින් පත්‍රිකා ව්‍යාපාරයක් ආරම්භකර තිබේ.

ශ්‍රීලන්කන් ගුවන් සේවය මිල දී ගැනීම සඳහා අභිලාෂ ප්‍රකාශයට පත් කළ සමාගම් හයක් අතරින් තුනක් අමාත්‍ය මණ්ඩලය විසින් මේ වනවිට කෙටි ලැයිස්තුගත කරනු ලැබ තිබේ.

රටේ ජනතාවගේ ඉඩම් අයිතිය තහවුරු කර ඉදිරියට යාමේ අවස්ථාව උදාකර දෙන බව ජනාධිපති රනිල් වික්‍රමසිංහ මහතා පැවසීය.

ශ්‍රී ලංකාව නව යටත් විජිතකරණයේ ගොදුරක් බවට පත්ව ඇති බව බොහෝ දෙනෙකුට නොපෙනෙනවා සේම බොහෝ දෙනෙකුට එය දකින්නට අවශ්‍ය නැති බවත්, එය පිටුපස විදේශ මුදල්, විදේශ චාරිකා මෙන්ම ඉතා ඉහළ මට්ටමේ රාත්‍රී භෝජන සංග්‍රහයන් හා තානාපති කාර්යාලවල කොක්ටේල් ඇති බවත් ජ්‍යෙෂ්ඨ මාධ්‍යවේදී හා ප්‍රවීන දේශපාලන විචාරක මොහාන් සමරනායක මහතා පවසයි.

පාර්ලිමේන්තුවට ඉදිරිපත් කර ඇති රාජ්‍ය මූල්‍ය කළමාණාකරණ පනත හා ආර්ථික පරිවර්තන පනත යන පනත් දෙක සම්මත වුවහොත් එයින් සිදුවන විනාශකාරී බලපෑම නැවත ගොඩගත නොහැකි විනාශකාරී බලපෑමක් බව ජ්‍යෙෂ්ඨ නීතිඥ කල්‍යානන්ද තිරාණගම මහතා පවසයි.

ශ්‍රී ලංකාවේ මිනිරන් පතල් අත්පත් කර ගැනීම සඳහා ඉන්දියාව ශ්‍රී ලංකාව සමඟ සාකච්ඡා කරමින් සිටින බව ප්‍රෙස් ට්‍රස්ට් ඔෆ් ඉන්දියා(Press Trust of India) වාර්තා කර තිබේ.

ඩයනා ගමගේ මන්ත්‍රීවරිය පත් කරන්න අත්සන් කලේත්, මේ පාර්ලිමේන්තුවට එව්වේත්, මැතිවරණ කොමසාරිස්ට නිර්දේශ කලේත් සමගි ජනබලවේගයමයි. ඊට පස්සේ සමගි ජනබලවේගය ඇතිකරගත්තු දේශපාලන පලහිලව්වක් ප්‍රතිඵලයක් විදියට එතුමියට මන්ත්‍රී කම නැතිවෙන්න ඇති හැබැයි ඒ පලහිලව්ව නොවෙන්න ඇය සහ සමගි ජනබලවේගය අතර මේ වගේ ප්‍රශ්නයක් ඇති වෙන්නේ නැති බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා පවසයි.

ඉන්දියාවේදී අත්අඩංගුවට පත්වූ ලංකාවෙන් ගිය ISIS සාමාජිකයන් සිව්දෙනා සමග සමීප සබඳතා පැවැත් වූ ශ්‍රී ලාංකිකයෙකු මාලිගාවත්තේදී ත්‍රස්ත විමර්ශන කොට්ඨාසය මගින් අත්අඩංගුවට ගෙන තිබේ.

ආන්දෝලනයට ලක් වූ කුරුණෑගල රෝහලේ මොහොමඩ් සාෆි වෛද්‍යවරයාට එල්ල වූ වඳ සැත්කම් සිදුකිරීමේ චෝදනාව දිවයින පුවත්පතේ හේමන්ත රණ්දුණු නිර්මාණය කළ කතාවක් නොවන බව මේ සම්බන්ධයෙන් එවකට පරීක්ෂණ පැවැත්වූ අපරාධ පරීක්ෂණ දෙපාර්තමේන්තුවේ පොලිස් අධිකාරී ශානි අබේසේකර මහතා පළමු වරට හෙළි කර ඇති බව වාර්තා වේ.