2010 දී සරත් ෆොන්සේකා ජනාධිපතිවරණයට ඉදිරිපත් කිරීමට මූලික වන්නේ අමෙරිකාව බවත්, නමුත් මෙරට මාධ්‍ය හෝ පාර්ලිමේන්තුව මේ සම්බන්ධයෙන් ලොකුවට කතා නොකළ බවත් ප්‍රවීන මාධ්‍යවේදී ශමීන්ද්‍ර ෆර්ඩිනැන්ඩෝ මහතා පවසයි.

ශ්‍රී ලංකාවේ රුසියානු තානාපති ලෙවාන් එස් දගාරියන් මහතා සහ ශ්‍රී ලංකාවේ රුසියානු තානාපති කාර්යාලයේ මාධ්‍ය ලේකම් ජර්මන් ෆියදෝර් මහතා ඊයේ(18) රුසියානු සංස්කෘතික මධ්‍යස්ථානයේදී මාධ්‍ය සාකච්ඡාවක් පැවැත්වීය.

පසුගිය 17,18 දින දෙකේ දී ලංකා විදුලි බල මණ්ඩලය ඉදිරිපිටට ලංකාවේ සියලු ප්‍රදේශවලින් විදුලි සේවකයන් පැමිණ දැවැන්ත උද්ඝෝෂණයක් සිදුකළ බවත්, සේවකයන්ගේ උද්ඝෝෂණය අවසන් වන්නත් කළින් රටේ ජනාධිපතිවරයා මාධ්‍ය ඉදිරියේ ලස්සන සංදර්ශනයක් පැවැත් වූ බවත් ඒකාබද්ධ ජාතික නිදහස් විදුලි සේවක සංගමයේ කැඳවුම්කරු සමින්ද ගමගේ මහතා පවසයි.

ජීනීවා යෝජනා සම්බන්ධයෙන් විජිත හේරත් විදේශ ඇමතිවරයා පවසා තිබුනේ මෙවර මෘදු යෝජනාවක් පැමිණෙන බව යැයි ද, සත්‍ය සෙවීමේ පනත දැනටමත් ගැසට්කර ඇති පසුබිමක යුද්ධයේ අවසාන කාලයේ සිදුවුනා යැයි කියන යුද අපරාධ සම්බන්ධයෙන් පරීක්ෂණ කිරීමට මෙම යෝජනාව ගෙන එන බවට පැහැදිලි බවද දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

වාමාංශික පක්ෂයක සමාජිකයකුට, මන්ත්‍රීවරයකුට දේපළ හිමියකු වීමේ බාධාවක් නොමැති වුවත් එම දේපළ උපයා ගත්තේ කෙසේදැයි සාධාරණ ලෙස නීතිය මගිනුත් පැහැදිලි කළ යුතුව ඇති බව දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

ජනාධිපතිවරයාගේ හෝ ඇමැතිවරයාගේ තර්ජන හමුවේ සිය වෘත්තීය ක්‍රියාමාර්ග හකුළා නොගන්නා බව විදුලි වෘත්තීය සමිති පවසයි.

2026 මුදල් වර්ෂය සඳහා වන විසර්ජන පනත් කෙටුම්පත ගැසට් මගින් ප්‍රකාශයට පත්කර තිබේ.

ඊයේ යළි වැඩ ආරම්භ කළ කඩවත – මීරිගම කිලෝමීටර 37ක අධිවේගී මාර්ග කොටස සෑදීමට බොරු කතා ගොතා එදා ප්‍රමාද කළ අයට අද එදාට වඩා හත් අට ගුණයක් වැඩියෙන් මහජන මුදල් වැය කර මිලියන ගණනක වන්දියක් ද සමගින් එම මාර්ගයේ වැඩ කටයුතු පටන් ගන්නට සිදුව ඇති බව ජාතික නිදහස් පෙරමුණේ නායක විමල් වීරවංශ මහතා පැවසීය.

ඉන්ධන ගෑස් නොමැතිව පෝලිම්වල ජනතාවට මිය යාමට සිදු වූ ආකාරයේ අර්බුදයක් නැවත ශ්‍රී ලංකාව තුළ ඇති වීමට ඉඩ නොතබන බව ජනාධිපති අනුර කුමාර දිසානායක මහතා අවධාරණය කළේය.