අගෝස්තු 1 වැනිදා සිට මෙරටින් ආනයනය කෙරෙන පොල් ආශ්‍රිත නිෂ්පාදන සඳහා සියයට 30ක ආනයන තීරුබදු පැනවීමට ඇමරිකාව ගත් තීරණයට සම්බන්ධයෙන් ලංකා පොල් කර්මාන්ත මණ්ඩලය රජයෙන් හදිසි ඉල්ලීමක් කර තිබේ.

අමාත්‍යවරුන් හා නියෝජ්‍ය අමාත්‍යවරුන් 19 දෙනෙකු සිය අමාත්‍යාංශ වලින් මෙන්ම පාර්ලිමේන්තුවෙන්ද ඉන්ධන දීමනා ගන්නා බව පාර්ලිමේන්තු ආරංචි මාර්ග සඳහන් කරයි.

අද දිනයේ අග්‍රාමාත්‍ය හරිනි අමරසූරිය මෙනෙවිය ප්‍රකාශයක් සිදුකරමින් ඉතිහාසය විෂය සහ සෞන්දර්ය විෂය ඉවත් කර නැති බවත්, එවා අනිවාර්ය වශයෙන් තෝරාගත යුතු බවට සිදුකළ ප්‍රකාශය සම්බන්ධයෙන් ගලගම කුසලධම්ම හිමියෝ කරුණු පැහැදිලි කරමින් අන්තර්ජාලයට වීඩියෝවක් නිකුත් කර තිබේ.

රජයේ සේවයේ නියුතු හෙද ශ්‍රේණි හතරක හෙද නිලධාරීන් හා නිලධාරිනියන් වයස අවුරුදු හැටේදී (60) දී අනිවාර්ය විශ්‍රාම ගැන්වීමට ඉකුත් රජය සමයේ අමාත්‍ය මණ්ඩලය විසින් ගෙන තිබූ තීරණය ක්‍රියාත්මක කිරීම වළකාලමින් අභියාචනාධිකරණය විසින් මීට පෙර නිකුත් කර තිබූ අතුරු තහනම් නියෝගය බල රහිත කරමින් ශ්‍රේෂ්ඨාධිකරණය අද නියෝගයක් නිකුත් කර තිබේ.

ශ්‍රී ලංකාවේ උපන්නෙකු වන කැනඩාවේ මහජන ආරක්ෂාව පිළිබඳ අමාත්‍ය ගැරී ආනන්දසංගරීට, එල්ටීටීඊ සංවිධානයේ හිටපු සාමාජිකයකුට කැනේඩියානු පුරවැසිභාවය ලබාගැනීම සඳහා සහාය ලබාදුන් බවට චෝදනා එල්ල වී තිබේ.

ඉතිහාස විෂය අත්‍යවශ්‍ය කාණ්ඩයෙන් ඉවත්කර ඇති බවත්, සෞන්දර්ය විෂය ද එසේ ඉවත්කර ඇති බව පාර්ලිමේන්තු මන්ත්‍රී දයාසිරි ජයසේකර මහතා චෝදනා නගයි.

වර්තමාන ආණ්ඩුව විසින් යෝජනා කරන තිබෙන අධ්‍යාපන ප්‍රතිසංස්කරණ ඒ ආකාරයෙන්ම ක්‍රියාත්මක කළහොත් ආණ්ඩුවට හෙන ගසනු ඇති බව කොළඹ විශ්ව විද්‍යාලයේ ඉතිහාස අධ්‍යයන අංශය මහාචාර්ය නිර්මාල් දේවසිරි මහතා සඳහන් කරයි.

අනුර දිසානායකගේ ඉන්දියානු ගැති රූකඩ පාලනය විසින් ඉන්දියාව මැදිහත් කරගෙන මෙරට ජනතාවට ලබා දෙන්නට සැරැසෙන ඉලෙක්ට්‍රොනික් හැඳුනුම්පත මෙරට සියලු ජනතාව වර්ජනය කළ යුතු බව ජාතික නිදහස් පෙරමුණේ නායක විමල් වීරවංශ පවසයි.

අයථා ලෙස වත්කම් උපයා ගැනීමේ චෝදනාව සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල, ඔහුගේ බිරිඳ, දියණියන් තුන් දෙනා සහ බෑණාට එරෙහිව කොළඹ මහාධිකරණය හමුවේ අද (17) අධිචෝදනා භාරදුන්නේය.