ශ්‍රී ලාංකීය සංගීත ක්ෂේත්‍රයට විශාල මෙහෙවරක් ඉටු කළ ප්‍රවීණ ගායන ශිල්පිනී නන්දා මාලනී මහත්මිය අභාවප්‍රාප්ත වී තිබේ.

අමෙරිකා එක්සත් ජනපදයේ සමස්ත ජාතික ණය ප්‍රමාණය ඇමෙරිකානු ඩොලර් ට්‍රිලියන 40 සීමාව ඉක්මවා ඇති බව වාර්තා වේ.

එක්සත් ජනපදය විසින් ඉරානයට එරෙහිව නැවතත් දැඩි ආර්ථික සම්බාධක පැනවීමේ සූදානම සහ ඒ හරහා මැදපෙරදිග දේශපාලනික හා ආර්ථික ක්ෂේත්‍රයට එල්ල විය හැකි බලපෑම පිළිබඳව විශේෂ සාකච්ඡාවක් ජාත්‍යන්තර දේශපාලන විශ්ලේෂක ආචාර්ය ජගත් චන්ද්‍රවංශ මහතාගේ සහභාගීත්වයෙන් අන්තර්ජාල නාලිකාවක් ඔස්සේ පවත්වා තිබේ.

වත්මන් රජය යටතේ මෙරට ඉන්ධන පාරිභෝගික ජනතාව දැඩි අසාධාරණයකට, අයුක්තියකට සහ සූරාකෑමකට ලක්ව ඇති බව ජාතික නිදහස් පෙරමුණේ ජාතික සංවිධායක ජයන්ත සමරවීර මහතා අද උදේ (20) බත්තරමුල්ල පක්ෂ කාර්යාලයේ පැවති මාධ්‍ය හමුවකදී අනාවරණය කළේය.

විනිසුරුවරුන්ගේ විශ්‍රාම වයස ඉහළ දැමීම සම්බන්ධ ඕනෑම ව්‍යවස්ථා සංශෝධනයක් සිදුකිරීමට පෙර ප්‍රමාණවත් මහජන සහ පාර්ශ්වකරුවන්ගේ සාකච්ඡාවක් පැවැත්විය යුතු බව ශ්‍රී ලංකා කතෝලික රදගුරු සමුළුව සඳහන් කරයි.

යම් නීතියක් සකස් කිරීමේදී එයට අදාළ සියලු පාර්ශ්වයන් සමඟ සාකච්ඡා කර ප්‍රශස්ත අන්දමින් කටයුතු කිරීමේ ව්‍යවහාරයක් පැවතිය යුතු බවත් නමුත් නීති සම්පාදනයේදී ශ්‍රී ලංකාවේ ක්‍රියාත්මක වන සියලුම ව්‍යවහාරයන් පැත්තකට දමා තනිකරම ඒකාධිපති උද්ධච්ච නීති සම්පාදන ව්‍යවහාරයක් බවට පත්වෙමින් පවතින බවත් ෆ්‍රී ලෝයර්ස් සංවිධානයේ රජිත් කීර්ති තෙන්නකෝන් පවසයි.

ශ්‍රී ලංකාවේ නැගෙනහිර පළාතේ පිහිටි පෞරාණික බෞද්ධ උරුමයන්, සෙල්ලිපි සහ බුදු පිළිම විනාශයට පත්වීම මෙන්ම අභාවයට යාම සම්බන්ධයෙන් සිංහල බෞද්ධ සමාජය තුළ සහ ජාතික මට්ටමින් දැඩි කනස්සල්ලක් හා සංවාදයක් මතුව ඇති පසුබිමක, ජාතික උරුමය සුරැකීමේ මධ්‍යස්ථානය මගින් කැඳවා තිබූ මාධ්‍ය හමුවකදී අදහස් දක්වමින් නියෝජිතයන් පෙන්වා දුන්නේ, නැගෙනහිර පළාතේ පිහිටි පුරාවිද්‍යාත්මක වටිනාකමකින් යුතු පන්සල්, සෙල්ලිපි සහ බුදු පිළිම ආශ්‍රිතව සිදුවන හානි පිළිබඳව බලධාරීන්ගේ අවධානය වහා යොමු විය යුතු බවයි.

ඉරානයේ ආර්ථිකය සම්පූර්ණයෙන්ම කඩාබිඳ දැමීමේ අරමුණින් ඇමරිකානු ජනාධිපති ඩොනල්ඩ් ට්‍රම්ප් විසින් "විනාශකාරීම ආර්ථික මෙහෙයුම" ප්‍රකාශයට පත් කර තිබේ.

වර්තමානයේ, දේශීය හා ජාත්‍යන්තර තත්ත්වයන් වඩ වඩාත් සංකීර්ණ වෙමින් පැවතියද, චීන ආර්ථිකය උසස් තත්ත්වයේ සංවර්ධනයක් කරා ස්ථාවරව ඉදිරියට ගමන් කරමින් සිටී.