මිශ්‍ර ඡන්ද ක්‍රමයක් පාර්ලිමේන්තු මැතිවරණයට හඳුන්වාදීම සඳහා, ආණ්ඩුක්‍රම ව්‍යවස්ථාව සංශෝධනය කිරීමට මෙන්ම, ඡන්ද අපේක්ෂකයන්ගේ ඇප මුදල් සංශෝධනය ගැන කැබිනට් මණ්ඩලයට ඉදිරිපත් වූ යෝජනා සම්බන්ධයෙන්, පාර්ලිමේන්තුව නියෝජනය කරන පක්ෂ නායකයන්ගේ සාකච්ඡාවක්, අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් පාර්ලිමේන්තු සංකීර්ණයේදී පැවැත්විණි.

ඉන්දියාවේ ආශිර්වාදය ඇතුව අමෙරිකාව විසින් සිදුකළ සීතල කුමන්ත්‍රණයකින් හිටපු ජනාධිපති ගෝඨාභය රාජපක්ෂ මහතා බලයෙන් පහකිරීමට කටයුතු කළ බවත්, ඒ පිළිබඳව පාර්ලිමේන්තු මන්ත්‍රී විමල් වීරවංශ මහතා තම ‘නවය: සැඟවුනු කතාව‘ කෘතිය හරහා කළ හෙළිදරව්ව අදටත් කථානායක මහින්ද යාපා අබේවර්ධන මහතා පවා ප්‍රතික්ෂේප කර නොමැති බවත් මාධ්‍යවේදී ශ්‍යමින්ද්‍ර ෆඩිනැන්ඩු මහතා අනාවරණය කරයි.

ඉකුත් අරගල සමයේ දී ගෝඨාභය රාජපක්ෂ ජනාධිපතිවරයාගේ නිල කාමරයේ තිබී සොයාගත් රුපියල් මිලියන 17.85ක මුදල සම්බන්ධයෙන් ඉදිරි ක්‍රියාමාර්ග නොගන්නා බව අල්ලස් හෝ දූෂණ චෝදනා විමර්ශන කොමිෂන් සභාව අධිකරණයට දැනුම්දී තිබේ.

විදුලිබල මණ්ඩලය පුරෝකථනය කළ රුපියල බිලියන 32ක අලාභය පියවීම සඳහා මීට පෙර 22%ක ගාස්තු වැඩිවීමක් අවශ්‍ය වුවද පවතින තත්ත්වය හමුවේ 18% විදුලි ගාස්තු වැඩිවීමක් ප්‍රමාණවත් බව විදුලිබල මණ්ඩලය පවසයි.

පාර්ලිමේන්තු මන්ත්‍රී උද්දික ප්‍රේ‍රමරත්න මහතාගේ ආරක්ෂාවට යොදවා සිටින පොලිස් නිලධාරීන් දෙදෙනාගේ පිස්තෝල අවි 02 වහාම රජයේ රසපරීක්ෂක වෙත යොමු කිරීමට නියෝග කර ඇත.

රටේ පැවති යුදමය වතාවරණයේ දී යුද වැදුනු දෙපිරිස අතර අද සාමකාමී වාතාවරණයක් ඇති වී ඇති බවත්, ඔවුන් එකිනෙකාට උපකාර කරගන්නා තත්ත්වයට පත්ව ඇති බවත් යාපනය සිවිල් සංවිධාන කේන්ද්‍රයේ කැඳවුම්කරු අරුන් සිද්ධාර්ථන් මහතා පවසයි.

කංසා වගාව නීති ගත කරන ලෙස කොයි කවුරු ඉල්ලා සිටියත් කංසාවලට ඇබ්බැහි වූ මිනිසුන් නිසා අද කාන්තාවන් සහ ළමයින් කොතරම් දුක් විඳිනවාදැයි ගම්වලට ගොස් බලන ලෙස කාන්තා හා ළමා කටයුතු රාජ්‍ය ඇමැතිනී ගීතා කුමාරසිංහ මහත්මිය පාර්ලිමේන්තුවේදී ඊයේ (17දා) පැවසුවාය.

පොලිස්පති සී.ඩී.වික්‍රමරත්න මහතාට යළි සති 03 සේවා දිගුවක් ලබාදීමට ගත් තීරණය අනුමත නොකරන බවට ඊයේ (17) රැස්වූ ව්‍යවස්ථාදායක සභාව තීරණය කර තිබේ.

ගාසා තීරයේ අල් ආහිල් රෝහලට තමන් පහර නොදුන් බවත්, රෝහලට පහර දුන්නේ හමාස් සටන්කාමීන් බවත් ඊශ්‍රායලය ප්‍රකාශ කරයි.