ඉරානය සහ අමෙරිකාව අතර පවතින යුද ගැටුම් අවසන් කිරීමේ සටන්විරාම යෝජනාවක් සම්බන්ධව දෙපාර්ශ්වය අතර සාකච්ඡා පැවැත්වෙමින් ඇතැයි විශ්වාස කටයුතු ආරංචි මාර්ග උපුටා දක්වමින් රොයිටර්ස් පුවත් සේවය වාර්තා කරයි.

අන්තර්ජාතික ජනමාධ්‍ය වාර්තාවලට අනුව, එක්සත් ජනපද රජය ‘ඇමරිකානු විරෝධී ප්‍රචාරණයට’ එරෙහිව නව ගෝලීය සැලසුමක් ක්‍රියාත්මක කර ඇති බව වාර්තා වේ.

හෝමූස් සමුද්‍ර සන්ධිය යළි විවෘත නොකළහොත් ලබන අඟහරුවාදා වන විට ඉරානයේ බලාගාර සහ පාලම් ඉලක්ක කර ප්‍රහාර එල්ල කරන බවට අමෙරිකානු ජනාධිපති ඩොනල්ඩ් ට්‍රම්ප් දැඩි අනතුරු ඇඟවීමක් කර ඇත.

බටහිර ඉරානයට ඇමරිකානු පාබල හමුදා භට පිරිස් ගොඩ බැස ගැටුම් ඇතිවී තිබෙන බවට පැතිරයන ආරංචි ප්‍රතික්ෂේප කරමින්, කුහ්-සියා කලාපයේ ජීවිත හානි සිදුවී ඇත්තේ මිසයිල ප්‍රහාරයකින් මිස සෘජු ගැටුමකින් නොවන බව කොහ්ගිලුයේ සහ බෝයර්-අහමඩ් පළාතේ ආණ්ඩුකාර ඉරාජ් කසෙමිජෝ මහතා අද(05) තස්නිම් පුවත් සේවය වෙත අදහස් දක්වමින් පැවසීය.

ඉරානය විසින් අමෙරිකානු ප්‍රහාරක යානයක් වෙඩිතබා බිම හෙළීමෙන් පසු අතුරුදන්ව සිටි තම ගුවන් නියමුවා මුදාගත් බවට, අමෙරිකානු ජනාධිපතිවරයා සිදුකළ ප්‍රකාශයේ කිසිදු සත්‍යතාවක් නොමැති බව ඉරානය පවසයි.

හෝමුස් සමුද්‍ර සන්ධිය (Strait of Hormuz) ලබන සඳුදා වන විට යළි විවෘත නොකළහොත් ඉරාන පාලනයට එරෙහි ප්‍රහාර දැඩි කරන බවට අමෙරිකානු ජනාධිපති ඩොනල්ඩ් ට්‍රම්ප් සිදුකළ තර්ජනයට ඉරානය දැඩි පිළිතුරු ලබා දී ඇත.

අඛණ්ඩව එල්ල වන ඇමරිකානු-ඊශ්‍රායල ප්‍රහාර හමුවේ ඉරානයේ පවතින එකම න්‍යෂ්ටික බලාගාරයට හානි සිදුවීමෙන් සමස්ත කලාපයම දැවැන්ත විකිරණශීලී ව්‍යසනයකට මුහුණ දීමේ අවදානමක් පවතින බව ඉරාන විදේශ අමාත්‍ය අබ්බාස් අරග්චි මහතා අවධාරණය කරයි.

එකඟතාවකට පැමිණීමට හෝ හෝමූස් සමුද්‍ර සන්ධිය විවෘත කිරීමට ඉරානයට ඇත්තේ, තවත් පැය 48ක් පමණ බව ජනාධිපති ට්‍රම්ප් පවසයි.

දශක ගණනාවක් තිස්සේ, ගෝලීය ආර්ථිකයේ කේන්ද්‍රයේ පිහිටා සිටියේ එක්සත් ජනපද ඩොලරයයි. එය ජාතීන් අතර වෙළඳාම, ඉතිරිකිරීම් වලදී මෙන්ම බලය හැඩගස්වන අදෘශ්‍යමාන බලවේගයක් බවට පත්ව තිබේ.