අගමැති දිනේෂ් සහ චමල් මහා සත්යක්රියාවක
මව්බිමේ ඒකීයභාවය, භෞමික අඛණ්ඩතාවය, ස්වෛරීත්වය, සුරැකීම උදෙසා මහා සඟරුවනේ ආශිර්වාදයෙන්, වාර්ෂිකව සංවිධානය කරනු ලබන මහා සත්යක්රියාව හා අධිෂ්ඨාන පූජාව ම.එ.පෙ නායක අග්රාමාත්ය දිනේෂ් ගුණවර්ධන මහතාගේ ප්රධානත්වයෙන් තිස්වන වරටත් ඓතිහාසික කතරගම කිරිවෙහෙර පුදබිමේදී සිදුකෙරිණි.
මෙහිදී අනුශාසනා කළ, කිරිවෙහෙර රාජමහා විහාරාධිපති, රුහුණු මාගම්පත්තුවේ ප්රධාන සංඝනායක, පූජ්ය කොබවක ධම්මින්ද හිමි –
“ඓතිහාසික කිරි වෙහෙර සෑ මළුවේ මේ සිදුකරන්නේ ඓතිහාසික වටිනා පින්කමක්.
අග්රාමාත්යතුමන්, අපේ සම්බුද්ධ ශාසනය වෙනුවෙන් මහා මෙහෙවරක් සිදු කරන්නට යෙදුණු, අපේ රටේ සියලු දෙනාගේ ජනාදරයට පාත්ර වූ අග්රාමාත්යවරයෙක් හැටියට අප කවුරුත් දැනගෙන හඳුනගෙන තියෙනවා. එදා වසර තිහකට කළින් ආරම්භ කළ පින්කම දීර්ඝ කාලයක් පුරා කිරි වෙහෙර පුදබිමේ පවත්වන මහා වටිනා කියන පින්කමක් බවට පත්වෙලා තියෙනවා.
ආචාර්ය අලුත් වැව ශ්රී සෝරතාභිධාන අපගේ ගුරු දේවයන් වහන්සේගේ සමය තුළ දිනේෂ් ගුණවර්ධන මැතිඳුන්ගේ මූළිකත්වය යටතේ රටවාසී සියලු දෙනාට ආශිර්වාද කරන්නට අරමුණු කරගෙන මේ උදාර වූ පින්කම එදා ආරම්භ කරන්නට යෙදුණා. අපේ නායක ස්වාමීන් වහන්සේ දශක දෙකක් පුරා මේ පින්කම පවත්වාගෙන යන්නට අවවාද අනුශාසනා ලබා දුන්නා. ඒ අනුශාසනා දායකත්වය ලබා දෙන්න අපටත් පුළුවන් වුණා.”
මෙහිදී අදහස් දැක්වූ ම.එ.පෙ. නායක අග්රාමාත්ය දිනේෂ් ගුණවර්ධන මහතා –
“අපේ රටේ සම්බුද්ධ ශාසනයේත්, මාතෘ භූමියේත් ඒකීයභාවය සඳහා මේ පින්කම වසර 30 ක් පුරා අඛණ්ඩව පවත්වනු ලබනවා. ඒ තුළින් මහා සඟරුවනගේ ආශිර්වාදය මහජනතාවට සහ ජාතියට ලබාදීම සඳහා දායක වූ සැම ගෞරවයෙන් සිහිපත් කරනවා. අපවත් වී වදාළ අලුත්වල සෝරත නායක ස්වාමීන් වහන්සේ අප සිහිපත් කරනවා.
කිරිවෙහෙර මහා පුණ්ය භූමිය, ශතවර්ෂ ගණනාවක අධිෂ්ඨාන ශක්තියෙන් අපේ ජාතිය ඔපවත් කළා. ඒනිසාම තිස් වසරක් පුරා අඛණ්ඩව මෙම පින්කම පවත්වාගෙන යාමට අපට පුළුවන්කම ඇතිවුණා.
දුක්බර සහ සැහැල්ලු අවස්ථාවන් හරහා මේ පින්කම් මාලාව අඛණ්ඩව ගෙන යාමට මහා සඟරුවන දක්වන ලද ආශිර්වාදය රටේ විවිධ ජාතික සංවිධාන අපත් සමග එකතු වීමෙන් දැක්වූ ආශිර්වාදයේ ගොනුව ජයග්රහණයෙන් ජයග්රහණයටත්, අලුත් විශ්වාසයක් ඇති කිරීමටත්, රටක් ගොඩනැගීමේ අභිප්රාය සඳහා කැපවන්නටයි.
කුමන කරදර බාධක මධ්යයේ වුවත්, අපි වසර තිහක් පුරා අඛණ්ඩව මේ මහා පින්කම පවත්වනු ලැබුවා. අපේ රටේ අමාරු කාල පරිච්ඡේදයන් තුළ රටේ හිටපු නායකයින් මාතෘ භූමිය ආරක්ෂා කරන්නට ගනු ලැබූ උත්සාහයන් අප කිසිලෙසකින් අමතක කරන්නේ නැහැ. මේ පුණ්ය භූමිය වටා ඇති කරන ලද පින්කම් මාලාවන් රට පුරා ගමින් ගමටත් එලෙසම සිදුවුණා.
මාතෘභූමියේ එක් සේසත්කම ඇති කරන්නට දිවිඳුන් උතුම් රණවිරුවන් අපි අදත් සිහිපත් කරනවා. මහා පරිත්යාගයන්ගේ ජයග්රහණයන් මත අදත් රට එක්සේසත්ව පවතිනවා. විශේෂයෙන් අමාරු කාලපරිච්ඡේදයකට මුහුණ දුන් අපේ ජනාධිපතිවරු සියලු දෙනා ඇති කළ තත්ත්වය ආරක්ෂා කර ගැනීමට මහජනතාව බැඳී සිටිනවා.
අද දින මේ ලබා දෙන ප්රතිඥාව පරිදි අපේ රටේ ගොවි ජනතාවටත්, අපේ රටේ වැඩ කරන ජනතාවටත්, අපේ තරුණ, ශිෂ්ය සහ කාන්තා පරම්පරාවටද අනාගතය වඩාත් විශ්වාසවන්ත බවට පරිවර්තනය කිරීමටත් හැකිවේවා කියා අප අධිෂ්ඨාන කරනවා. කඩා වැටුණු රටක් එලෙස පරිවර්තනය කරන්නට යෙදෙන දැවැන්ත සමගිය සහ උත්සාහය සාර්ථක කර ගන්නට ශක්තිය ධෛර්යය මේ මහා පින්කමින් ඇති වේවා.”
කොළඹ විශ්ව විද්යාලයේ කුලපති, බස්නාහිර පළාතේ ප්රධාන සංඝනායක පූජ්ය මුරුත්තෙට්ටුවේ ආනන්ද හිමි, කතරගම අභිනවාරාමාධිපති, රුහුණු මාගම්පත්තුවේ ප්රධාන අධිකරණ සංඝනායක පූජ්ය කපුගම සරණතිස්ස හිමි, සංඛපාල විහාරාධිකාරී පූජ්ය කොකාවල කෝසල හිමි, කිරුළපන පුෂ්පාරාමාධිපති පූජ්ය ඇල්කඩුවේ නාගිත හිමි, කෝට්ටේ නාග විහාරාධිකාරී පූජ්ය කොටහේනේ නාරද හිමි ඇතුළු ගරුතර මහා සඟරුවන, හිටපු කතානායක, පාර්ලිමේන්තු මන්ත්රී, චමල් රාජපක්ෂ, ම.ඒ.පෙ ප්රධාන ලේකම් තිස්ස යාපා ජයවර්ධන, රාජ්ය අමාත්යවරුන් වන සිසිර ජයකොඩි, ජගත් පුෂ්ප කුමාර, අශෝක ප්රියන්ත, ම.එ.පෙ. නියෝජ්ය ලේකම් පාර්ලිමේන්තු මන්ත්රී යදාමිණි ගුණවර්ධන, රුහුණු කතරගම මහා දේවාලයේ බස්නායක නිලමේ ඩිශාන් ගුණසේකර, ජාතික සංවිධාන, විද්වත් සංවිධාන, බැතිමතුන් රැසක් මෙම අවස්ථාවට එක්වූහ.
– අග්රාමාත්ය මාධ්ය අංශය
සම්බන්ධිත පුවත් | Related News
ප්රධාන පුවත්
සුරේෂ් සලේ වෙනුවෙන් ඇරඹි සත්යග්රහය දෙවන දිනටත්.. රණවිරුවන්, දේශපාලනඥයන් සහ සිවිල් සංවිධාන සලේ වෙනුවෙන් පෙරට..
සුරේෂ් සලේට අමානුෂික ලෙස සැලකීම ව්යවස්ථා විරෝධියි.. - එජාපයෙන් නිවේදනයක්
රටේ ආර්ථික අර්බුදයේ ඇත්තම කතාව වෛද්ය වසන්ත බණ්ඩාර හෙළිකරයි..
එක් නඩුවකින් සරණ ගුණවර්ධනට බරපතල වැඩ සහිත වසර 04 ක සිර දඬුවම්..
සුරේෂ් සලේ වෙනුවෙන් පවත්වන සත්යග්රහයට දේශහිතෛෂී ජාතික ව්යාපාරයත් එක්වෙයි..
සලේගේ විමර්ශනවලට අදාළව මානව හිමිකම් කොමිසමෙන් CIDයට කැඳවීමක්..
පාස්කු ප්රහාරයේ නියම සත්ය කියන්නේ මාලිමාවට අවශ්ය සත්ය නෙවෙයි.. සහරාන් වරෙන්තු වී සිටියදී මඩකලපුව අධිකරණයට හංගගෙන ආපු නීතිඥයා ගැනත් හෙළිකරන්න.. - සිරිල් ගාමිණී පියතුමාට පොහොට්ටුවෙන් ප්රතිචාර
සුරේෂ් සලේගේ ආරක්ෂාව වෙනුවෙන් දියත් කර ඇති සත්යග්රහයට උපරිමයෙන් දායක වන්න.. - ජාතික සංවිධාන එකමුතුවෙන් ඉල්ලීමක්
ආගමික නායකයින් පාස්කු ප්රහාරය හරහා දේශපාලනය කරනවා.. - සුරේෂ් සලේගේ මව සත්යග්රහයට එක්වෙමින් කියයි
ගින්දරත් එක්ක සෙල්ලම් නොකරනු! පිලිපීන දේශපාලනඥයන් කිහිප දෙනෙකුට අනතුරු ඇඟවීමක්! ග්ලෝබල් ටයිම්ස් කතුවැකිය"
සලේ වෙනුවෙන් අඛණ්ඩ සත්යග්රහය ආරම්භ වෙයි..
සුරේෂ් සලේගේ බිරිඳගෙන් CID අධ්යක්ෂ ශානිට ලිපියක්..
මේ පිරිමහන්නේ නන්දිකඩාල් පරාජයේ වෛරයයි.. මාලිමාවේ ඊබ්රාහිම් නිදොස් කොට රණවිරු සලේ පාස්කු පාස්කු ප්රහාරයේ “කුරුසය” මත තබා ඇන ගසන්නට ඉඩ නොදෙනු! - විමල්ගෙන් සටහනක්
සලේ වෙනුවෙන් අද සිට අඛණ්ඩ සත්යග්රහයක්..
සුරේෂ් සලේ රෝගී තත්ත්වයකින් කොළඹ ජාතික රෝහලට..
වීදුරු ගෙවල් වල හිඳිමින් අනුන්ට ගල් ගහන්න එපා!- ශ්රී ලංකාවේ රුසියානු තානාපතිගෙන් ශ්රී ලංකාවේ යුරෝපා සංගමයේ නියෝජිතයන්ට අවවාදයක්