ජනපති රනිල්ගේ ප්රකාශයට ජයම්පතිගෙන් ප්රතිචාර
19 වැනි ආණ්ඩුක්රම ව්යවස්ථා සංශෝධනය කෙටුම්පත් කිරීමේදී ජනාධිපතිවරයාගේ සහ පාර්ලිමේන්තුවේ ධුර කාලය වසර හයේ සිට වසර 5 දක්වා අඩු කළ නමුත්, එම ධුර කාල වැඩි කළ හැකි හය අවුරුද්දේ උපරිමය වෙනස් කිරීමට යෝජනා නොකළේ එවැන්නකට ජනමත විචාරණයක් අවශ්ය වූ බැවින් බව ජනාධිපති නීතිඥ ආචාර්ය ජයම්පතී වික්රමරත්න මහතා පවසයි.
19 වැනි ආණ්ඩුක්රම ව්යවස්ථාව සම්බන්ධයෙන් ඊයේ (19) ගාල්ලේ පැවැති උත්සවයකදී ජනාධිපතිවරයා කළ ප්රකාශයට ජයම්පතී වික්රමරත්න මහතා අද (20) ප්රතිචාර දක්වා ඇත්තේ, මාධ්ය නිවේදනයක් නිකුත් කරමිනි.
19 වැනි ව්යවස්ථා සංශෝධන ක්රියාවලිය අධීක්ෂණය සඳහා එවක අග්රාමාත්ය රනිල් වික්රමසිංහ මහතාගේ ප්රධානත්වයෙන් කැබිනට් අනුකමිටුවක් පත් කරන ලද අතර ඊට නීති කෙටුම්පත් දෙපාර්තමේන්තුවේ විශ්රාමික ජ්යෙෂ්ඨ නිලධාරීන් තිදෙනෙකු සහ ජනාධිපති නීතිඥ ජයම්පතී වික්රමරත්න මහතා ද සම්බන්ධව සිටියේය.
ඊයේ ගාල්ලේ පැවැති උත්සවයකදී අදහස් දැක්වූ ජනාධිපති රනිල් වික්රමසිංහ මහතා පැවසුවේ, 19 වැනි ආණ්ඩුකම ව්යවස්ථාවේ 83 වැනි වගන්තිය වෙනස් නොකිරීම ජයම්පතී වික්රමරත්න මහතා අතින් පළපුරුද්ද නොමැතිකමින් සිදුවූ අත්වැරැද්දක් ලෙසය.
ඊට ප්රතිචාර දක්වමින් ජනාධිපති නීතිඥවරයා අද මාධ්යයට නිවේදනයක් නිකුත් කර තිබුණි.
සිය මාධ්ය නිවේදනය මගින් ජයම්පතී වික්රමරත්න මහතා පෙන්වා දෙන්නේ, 19 වැනි ව්යස්ථා සංශෝධනය සකස් කිරීමේදී කිසිදු ජනමත විචාරණයකට බඳුන් නොවන ලෙස එම ක්රියාවලිය සිදුකිරීමට එවක ආණ්ඩුව තීරණය කර තිබූ බවය.
උපුටා ගැනීම,
මුළු කෙටුම්පත් ක්රියාවලියම සිදුකරන ලද්දේ ජනාධිපති සිරිසේනගේ මැතිවරණ ප්රකාශයට අනුකූලව 19 වැනි ව්යවස්ථා සංශෝධන කෙටුම්පත ජනමත විචාරණයකට ඉදිරිපත් නොකරන පදනම අනුවය. ජනාධිපතිවරයාගේ සහ පාර්ලිමේන්තුවේ ධුර කාලය හය අවුරුද්දේ සිට පස් අවුරුද්ද දක්වා අඩු කළ නමුත්, එම ධුර කාල වැඩි කළ හැකි හය අවුරුද්දේ උපරිමය වෙනස් කිරීමට ආණ්ඩුව යෝජනා නොකළේ එවැන්නකට ජනමත විචාරණයක් අවශ්ය බැවිනි. ආණ්ඩුක්රම ව්යවස්ථාවේ 83 වගන්තිය ප්රකාර එහි සඳහන් වගන්ති ගණනාවක් පෙරකී හය අවුරුදු කාලයට පටහැනි ඕනෑම වෙනසකට ජනමත විචාරණයක් අවශ්යය. තවද 83 වැනි වගන්තිය සංශෝධනය කිරීමටද ජනමත විචාරණයක් අවශ්ය බව මතක තබා ගත යුතුය.
උපුටා ගැනීම අවසන්.
සංශෝධන ක්රියාවලියේදී පිළියෙල කරන ලද සෑම කෙටුම්පතක්ම කැබිනට් අනුකමිටුව සමග සාකච්ඡා කරන ලද බවත්, අනුකමිටුව විසින් අනුමත කළ අවසාන කෙටුම්පත් නීති කෙටුම්පත්කරුට යොමුකිරීමෙන් අනතුරුව එහි වෙනස්කම් කිහිපයක් සිදුකළ බවත් ජයම්පතී වික්රමරත්න මහතා සිය ලිපියෙන් පෙන්වා දෙයි.
මෙම කාරණා සාකච්ඡා කිරීම සඳහා එවක අගමැති රනිල් වික්රමසිංහ මහතා කිහිපවරක්ම නීතිපතිවරයා කැඳවූ අතර නීතිපතිවරයාගේ ස්ථාවරය නිසා පනත් කෙටුම්පතට වෙනස්කම් කිහිපයක් කළ බවද ඔහු පවසයි.
ඒ අනුව 19 වැනි සංශෝධනය අග්රමාත්ය රනිල් වික්රමසිංහ මහතා විසින් පාර්ලිමේන්තුවට ඉදිරිපත් කළ අතර එය ශ්රේෂ්ඨාධිකරණය ඉදිරියේ අභියෝගයට ලක් කළ විට ආණ්ඩුව වෙනුවෙන් පෙනී සිටි නීතිපතිවරයා කිසිම ප්රතිපාදනයකට ජනමත විචාරණයක් අවශ්ය නොවන බව කියා සිටි බවද අදාළ ලිපියේ සඳහන් ය.
උපුටා ගැනීම,
කරුණු මෙසේ තිබියදී ජනාධිපතිවරයාගේ සහ පාර්ලිමේන්තුවේ උපරිම ධුර කාලය හය අවුරුද්දේ සිට පස් අවුරුද්ද දක්වා අඩු නොකිරීම මාගේ ප්රමාදයක් ලෙස ජනාධිපති වික්රමසිංහ හුවා දැක්වීම ගැන මට ඇත්තේ කලකිරීමකි. ජනාධිපති සිරිසේනගේ මැතිවරණ ප්රකාශයට අනුකූලව 19 වැනි ව්යවස්ථා සංශෝධන කෙටුම්පත ජනමත විචාරණයකට ඉදිරිපත් නොකරන පදනම යටතේ මුලු සංශෝධන ක්රියාවලියම සිදුවූ බව නැවත අවධාරණය කරමි.
උපුටා ගැනීම අවසන්.
- අද දෙරණ -
සම්බන්ධිත පුවත් | Related News
ප්රධාන පුවත්
සුරේෂ් සලේට අමානුෂික ලෙස සැලකීම ව්යවස්ථා විරෝධියි.. - එජාපයෙන් නිවේදනයක්
රටේ ආර්ථික අර්බුදයේ ඇත්තම කතාව වෛද්ය වසන්ත බණ්ඩාර හෙළිකරයි..
එක් නඩුවකින් සරණ ගුණවර්ධනට බරපතල වැඩ සහිත වසර 04 ක සිර දඬුවම්..
සුරේෂ් සලේ වෙනුවෙන් පවත්වන සත්යග්රහයට දේශහිතෛෂී ජාතික ව්යාපාරයත් එක්වෙයි..
සලේගේ විමර්ශනවලට අදාළව මානව හිමිකම් කොමිසමෙන් CIDයට කැඳවීමක්..
පාස්කු ප්රහාරයේ නියම සත්ය කියන්නේ මාලිමාවට අවශ්ය සත්ය නෙවෙයි.. සහරාන් වරෙන්තු වී සිටියදී මඩකලපුව අධිකරණයට හංගගෙන ආපු නීතිඥයා ගැනත් හෙළිකරන්න.. - සිරිල් ගාමිණී පියතුමාට පොහොට්ටුවෙන් ප්රතිචාර
සුරේෂ් සලේගේ ආරක්ෂාව වෙනුවෙන් දියත් කර ඇති සත්යග්රහයට උපරිමයෙන් දායක වන්න.. - ජාතික සංවිධාන එකමුතුවෙන් ඉල්ලීමක්
ආගමික නායකයින් පාස්කු ප්රහාරය හරහා දේශපාලනය කරනවා.. - සුරේෂ් සලේගේ මව සත්යග්රහයට එක්වෙමින් කියයි
ගින්දරත් එක්ක සෙල්ලම් නොකරනු! පිලිපීන දේශපාලනඥයන් කිහිප දෙනෙකුට අනතුරු ඇඟවීමක්! ග්ලෝබල් ටයිම්ස් කතුවැකිය"
සලේ වෙනුවෙන් අඛණ්ඩ සත්යග්රහය ආරම්භ වෙයි..
සුරේෂ් සලේගේ බිරිඳගෙන් CID අධ්යක්ෂ ශානිට ලිපියක්..
මේ පිරිමහන්නේ නන්දිකඩාල් පරාජයේ වෛරයයි.. මාලිමාවේ ඊබ්රාහිම් නිදොස් කොට රණවිරු සලේ පාස්කු පාස්කු ප්රහාරයේ “කුරුසය” මත තබා ඇන ගසන්නට ඉඩ නොදෙනු! - විමල්ගෙන් සටහනක්
සලේ වෙනුවෙන් අද සිට අඛණ්ඩ සත්යග්රහයක්..
සුරේෂ් සලේ රෝගී තත්ත්වයකින් කොළඹ ජාතික රෝහලට..
වීදුරු ගෙවල් වල හිඳිමින් අනුන්ට ගල් ගහන්න එපා!- ශ්රී ලංකාවේ රුසියානු තානාපතිගෙන් ශ්රී ලංකාවේ යුරෝපා සංගමයේ නියෝජිතයන්ට අවවාදයක්
යාපනයේ ජාතිවාදය අවුස්සන හැටි මෙන්න.. ආණ්ඩුව මොකද කියන්නේ? - අරුන් සිද්ධාර්ත්