හිටපු ජනාධිපති රනිල් වික්‍රමසිංහගේ උපදේශක ලෙස කටයුතු කරන සමයේ තමාට ලබා දුන් පෝර්ෂේ වර්ගයේ මෝටර් රථය කිසිසේත්ම තමන්ගේ ඉල්ලීමෙන් ලැබුණු වාහනයක් නොවන බවත් එය රාජකාරි කටයුතු සදහා ජනාධිපති ලේකම් කාර්යාලයෙන් ලබාදුන් රථයක් පමණක් බවත් කොළඹ, හිටපු නගරාධිපතිනි රෝසි සේනානායක පවසයි.

දේශීය කර්මාන්ත හෝ ව්‍යාපාර සියල්ලට බලපාන ප්‍රධාන සාධකයක් වන්නේ රජයේ මැදිහත් වීම සහ ප්‍රතිපත්තිය බවත්, දේශීය පාවහන් සහ සම්භාණ්ඩ කර්මාන්තයේ පැන නැගී ඇති ගැටලු විසඳාගැනීම සම්බන්ධයෙන් නව රජය සමග සාකච්ඡා කිරීමට බලාපොරොත්තු වන බවත් පාවහන් හා සම්භාණ්ඩ කර්මාන්තකරුවන්ගේ සංසදය පවසයි.

ඉරානය විසින් ඊශ්‍රායලයට ප්‍රහාර එල්ල කිරීමත් සමග ලෝක වෙළෙඳපොළේ බොරතෙල් මිල ඉහළ ගොස් ඇති බව වාර්තා වේ.

ශ්‍රී ලංකා ජනාධිපති අනුර කුමාර දිසානායක මහතා සහ ශ්‍රී ලංකාවේ කියුබානු තානාපති අන්ද්‍රේස් මාර්සෙලෝ ගොන්සාලෙස් ගොරිඩෝ මහතා (Andres Marcelo Gonzales Gorrido) අතර හමුවක් ඊයේ (02) ජනාධිපති කාර්යාලයේදී සිදුවිය.

ජාත්‍යන්තර මූල්‍ය අරමුදල සමඟ වන වැඩසටහනට අදාළව ජනාධිපති අනුර කුමාර දිසානායක මහතා ප්‍රමුඛ නව රජයේ ඉදිරි වැඩපිළිවෙළ පිළිබඳ සොයා බැලීමට ජාත්‍යන්තර මූල්‍ය අරමුදලේ (IMF) ඉහළ පෙළේ නියෝජිත පිරිසක් ඊයේ (02) මෙරටට පැමිණියහ.

VFS වීසා ගනුදෙනුව සම්බන්ධයෙන් සහ ඇතිව තිබූ ගැටලුව නිරාකරණය කිරීම සම්බන්ධයෙන් මහජන ආරක්ෂක අමාත්‍ය විජිත හේරත් මහතා අදහස් පළ කරමින් පවසා සිටියේ පැරණි ක්‍රමයට යාම හරහා මෙම ගැටලුව විසඳීමට පසුගිය රජයටත් හැකියාව තිබුන ද ඔවුන් එය ක්‍රියාත්මක නොකළ බවයි.

මැතිවරණ අල්ලසක් ලෙස සලකා පොහොර සහනාධාරය අත්හිටුවීමෙන් 2024/25 මහ කන්නයේ වී සහ අතිරේක ආහාර භෝග වගාවලට මාරක ප්‍රහාරයක් එල්ලවී ඇති බව ජාතික ගොවිජන එකමුතුව පවසයි.

දේශීය ආදායම් දෙපාර්තමේන්තුවෙන් බලාපොරොත්තු වූ බදු ආදායම නොලැබීම නිසා රාජ්‍ය ආදායම අර්බුදකාරී තත්ත්වයකට පත්වීමේ අවදානම් තත්ත්වයක් උද්ගතව ඇතැයි මුදල් අමාත්‍යාංශයේ අභ්‍යන්තර ආරංචිමාර්ග සඳහන් කරයි.

හිටපු ක්‍රීඩා අමාත්‍ය රොෂාන් රණසිංහ මහතා ව්‍යවසායක දිලිත් ජයවීර මහතා නායකත්වය දරණ මව්බිම ජනතා පක්ෂය හා එක්ව ඇති බව වාර්තා වේ.