අග්නිදිග යුක්රේන ප්‍රදේශවල පෙර ජීවත්වූ ජනතාවට රුසියානු සමූහාණ්ඩුවේ කොටසක් වීමට තිබූ ස්වයං නිර්ණය අයිතිය, පලස්තීන ජාතියට තම පැවැත්ම තීරණය කිරීමට ඇති ස්වයං නිර්ණ අයිතියට සැම අතින්ම සමාන බව කොළඹ රුසියානු තානාපති කාර්යාලය මාධ්‍ය නිවේදනයක් නිකුත් කරමින් සඳහන් කරයි.

ප්‍රංශ ජාතික විද්වතෙකු වන ඉග්නාෂියෝ රමොනෙට් කියුබාව ත්‍රස්තවාදී ලයිස්තුවෙන් ඉවත් කරන ලෙසට අමෙරිකානු ජනපතිගෙන් ඉල්ලා සිටියි.

‘සූර්ය බල සංග්‍රාමය’ හරහා මෙගාවොට් 1000ක සූර්ය බල ශක්තියක් ප්‍රධාන විදුලිබල ප්‍රවාහයට එක්කරදීම සඳහා මූලිකත්වය ගනිමින් වසරකට රුපියල් බිලියන 125 බැගින් රටට ඉතිරි කර දුන් බව සුනිත්‍ය බල ශක්ති අධිකාරියේ හිටපු සභාපති ජනාධිපති අපේක්ෂක කීර්ති වික්‍රමරත්න මහතා පැවසීය.

විදෙස් මාධ්‍ය වාර්තා කරන්නේ බංග්ලාදේශය දැඩි බලශක්ති අර්බුදයකට මුහුණ දෙමින් සිටින බව යි.

ජන අරගල සන්ධානයේ විධායක සභික වසන්ත මුදලිගේ මහතා සඳහන් කරන්නේ රනිල් වික්‍රමසිංහ මහතාගේම පාරේ යන්නට අනුර දිසානායක මහතා ඇඟිලි ගැන ගැන සිටින බවයි.

ජාතික ජන බලවේගයේ අදිටන විශ්‍රාමික හමුදා සාමාජික එකමුතුවේ යැයි කියන පුද්ගලයෙක්, ඔවුන්ගේ ටී ෂර්ටයකින් සැරසී “බලයට ආවම අපි බලාගන්නම්. සමගි ජන බලවේගයේ, එක්සත් ජාතික පක්ෂයේ, ශ්‍රී ලංකා පොදුජන පෙරමුණේ සියලුදෙනාට පහර දෙනවා" යැයි කරන ලද ප්‍රකාශය සම්බන්ධයෙන් පාර්ලිමේන්තු මන්ත්‍රි ප්‍රේමනාත් සී. දොළවත්ත අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර තිබේ.

වව්නියාව ශ්‍රි ලංගම ඩිපෝව මගින් මහජනතාවගේ පොදු ප්‍රවාහන අවශ්‍යතාවය වෙනුවෙන් වව්නියාව සිට මඩුකන්ද මයිලකුලම් සිදම්බරම් පුරම් අලගල්ල තීරුවෙගම ඉරට්ටපෙරිය කුලම් හරහා ද නැවත වව්නියාව දක්වා ද ධාවනය කරන ලද ලංගම බස් රථය මේ වන විට ධාවනයෙන් ඉවත්කර ඇති බව වව්නියාව සිංහල ගෝලීය එකමුතුව පවසයි.

ආරක්ෂක රාජ්‍ය ඇමැති ප්‍රමිත බණ්ඩාර තෙන්නකෝන් මහතා දඹුල්ල නගරයේ කොළ බෙදමින් මැතිවරණ ප්‍රචාරක කටයුත්තක් සිදු කිරීමට උත්සාහ දැරීමත් සමඟ පොලිසිය පැමිණ එම කටයුත්ත නවතා දැමූ අතර ඒ සමඟ දැඩි උණුසුම් තත්ත්වයක් ඊයේ (08දා) හටගැනිණි.

විදෙස්ගත ශ්‍රමිකයන්ගේ හා සිරකරුවන්ගේ ඡන්දය ප්‍රකාශ කිරීම සඳහා අවශ්‍ය නීති සම්පාදනය නොකිරීමෙන් මෙවර ජනාධිපතිවරණයේදී ලක්ෂ 30කට අධික ඡන්ද සංඛ්‍යාවක් ප්‍රකාශ කිරීමට නොහැකි තත්ත්වයක් නිර්මාණය වී ඇති බවට මැතිවරණ නිරීක්ෂකයෝ චෝදනා කරති.