දේශීය ඖෂධ කර්මාන්තය බිඳවැටෙන අවදානමක් - ඇමති නලින්දගේ හැසිරීම ගැන සංගම් තුනකින් විරෝධය..

May 5, 2025 at 07:20 AM

|

Lanka Leader

ශ්‍රී ලංකා ඖෂධ කර්මාන්ත මණ්ඩලය (SLCPI), ශ්‍රී ලංකා ජාතික ඖෂධ නිෂ්පාදකයින්ගේ මණ්ඩලය (NCPMSL) සහ ශ්‍රී ලංකා ඖෂධ නිෂ්පාදකයින්ගේ සංගමය (SLPMA) යන සංගම්වල සභාපතිවරුන් විසින් මෙම ඒකාබද්ධ ලිපියට අත්සන් තබා ඇත.  

මෙම ලිපියෙන් පෙන්වා දී ඇත්තේ යෝජිත G2G ආනයන ක්‍රමය ක්‍රියාත්මක වුවහොත්, දේශීය ඖෂධ කර්මාන්තය බරපතල ලෙස බලපෑමකට ලක්වී ඒ මඟින් රෝගීන්ගේ සෞඛ්‍යය, රැකියා, ආයෝජන සහ ජාතික ආර්ථිකයම තර්ජනයට ලක්වනු ඇති බවයි.

අදාළ සංගම්වරුන් පෙන්වා දෙන්නේ, රජය මෙය අයුතු ලෙස කෘතිම ඖෂධ හිඟයක් ඇති කරමින් යෝජිත ආනයන ක්‍රමය සාධාරණ කිරීමක් බවට පත් කළ බවයි. නිෂ්පාදන ලියාපදිංචි කිරීම් ප්‍රමාද කිරීම, පවතින ආනයනකරුවන් හා දේශීය නිෂ්පාදකයින්ගේ හැකියාව නොසලකා හැරීම, හා නියාමන ක්‍රියාවලියන් වළක්වා නව පද්ධතියක් ගෙන එන උත්සාහය පිළිබඳව විශේෂ අවධානයක් යොමු කර ඇත.

ඒ අනුව, ඔවුන් රජයට ඉල්ලීම කර සිටින්නේ:

1.⁠ ⁠යෝජිත G2G ආනයන වැඩසටහන වහා නවතා දැමීම,

2.⁠ ⁠කෘතිම හිඟය සාදන ලද බවට සැක සහිත නිලධාරීන් සම්බන්ධයෙන් විමර්ශනක් පැවැත්වීම,

3.⁠ ⁠දැනටමත් තිබෙන ඖෂධවල ලියාපදිංචි කිරීම් වේගවත් කිරීම,

4.⁠ ⁠කර්මාන්තය නියෝජනය කරන පාර්ශවකරුවන් සමඟ විවෘත සංවාදයක් ආරම්භ කිරීම යන කාරණා යටතේය.

මෙම ලිපිය පිළිබඳව ජනපති, අග්‍රාමාත්‍ය, සෞඛ්‍ය හා මූදල් ලේකම්වරුන්, සහ ජාතික ඖෂධ නියාමන අධිකාරියේ සහ රාජ්‍ය ඖෂධ සංස්ථාවේ සභාපතිවරුන්ටද පිටපත් යොමු කර තිබේ.

මෙම එක්සත් හඬ සැලකිය යුතුයැයි විශේෂඥයන් පෙන්වා දෙමින්, එය ජාතික සෞඛ්‍ය ආරක්ෂාවට හා දේශීය කර්මාන්තයෙහි දිගුකාලීන ස්ථාවරභාවයට පදනමක් විය හැකි යැයිද අනතුරු අඟවති

- තිස්ස රවින්ද්‍ර පෙරේරා

මූලාශ්‍ර - theleader