ත්‍රිකුණාමලයේ සම්බුද්ධ ජයන්ති විහාරස්ථානයේ බුද්ධ ප්‍රතිමාව ඊයේ රාත්‍රියේ ඉවත් කලේ ආරක්ෂාව සඳහා බව මහජන ආරක්ෂක අමාත්‍ය ආනන්ද විජේපාල මහතා පවසයි.

භූ විද්‍යා හා පතල් කැණීම් කාර්යාංශයේ හිටපු සභාපති අනුර වල්පොල මහතා අල්ලස් කොමිසම විසින් අත්අඩංගුවට ගෙන තිබේ.

ත්‍රිකුණාමලය සම්බෝධි විහාරස්ථානය ආසන්නයේ අද අලුයම් කාලයේ උණුසුම්කාරී තත්ත්වයක් ඇති විය.

මාතර, හක්මන විවිධ සේවා සමූපාකාර සමිතියේ නිලවරණයෙන් බහුතර බලය දිනා ගැනීමට පොදු විපක්ෂය ඊයේ සමත්ව තිබේ.

සිය අස්වනු සඳහා නිසි මිලක් නොමැතිවීමෙන් ප්‍රදේශ රැසක ලොකු ඵෑණු සහ වට්ටක්කා ගොවීන් ආර්ථික අපහසුතාවයට පත්ව සිටී.

ශ්‍රී ලංකාව තුළ සමරිසි ප්‍රජාව සඳහා සංචාරක ප්‍රවර්ධන ව්‍යාපෘතියක් ක්‍රියාත්මක කිරීමට අනුමැතිය දෙමින් ශ්‍රී ලංකා සංචාරක සංවර්ධන මණ්ඩලයේ සභාපතිවරයා නිකුත් කර තිබෙන ලිපියක් බල රහිත කිරීමේ තීන්දුවක් ලබා දෙන ලෙස ඉල්ලා ගොනු කර ඇති පෙත්සම සලකා බැලීමට එහි වගඋත්තරකරුවන්ට නොතීසි යැවීමට පියවර ගන්නා ලෙස අභියාචනාධිකරණය ඉකුත් නොවැම්බර් 14 පෙත්සම්කාර පාර්ශවයට නියම කළේ ය.

ත්‍රිකුණාමල දිස්ත්‍රික්කයේ දී ආරම්භ වූ ප්‍රථම දහම් පාසල වන ශ්‍රී සම්බුද්ධ ජයන්ති බෝධිරාජ ප්‍රථම දහම් පාසල නැවත ආරම්භ කිරීම සඳහා මිහිඳුපුර මහින්දවංශ ගුණානුස්මරණ දහම් පාසල් ගොඩනැගිල්ලට මුල් ගල් තැබීම 2025.11.16 වන ඉරු දින පෙරවරු 09.09 ට යෙදුණු සුභ මොහොතින් ත්‍රිකුණාමල ප්‍රදේශයේ පූජනීය මහා සංඝරත්නයේ මූලිකත්වයෙන් සිදුකර තිබේ.

පොලීසිය විසින් සොයාගනු ලැබූ මත්ද්‍රව්‍ය ජාවාරම්කරුවන් සිය මත්ද්‍රව්‍ය පාර්සල් හඳුනාගැනීමට සලකුණු නිර්මාණය කරගන්නා ස්ථානය ගැන හිටපු පාර්ලිමේන්තු මන්ත්‍රී ප්‍රේමනාත් සී දොලවත්ත මහතා කරුණු රැසක් ඊයේ (16) හෙළිකළේය.

රජයේ වෛද්‍ය නිලධාරීන්ගේ සංගමය විසින් අද පෙරවරුයේ සිට රට පුරා වෘත්තිය ක්‍රියා මාර්ගයක් ක්‍රියාත්මක කිරීමට තීරණය කර තිබේ.