තීනියාවල පාලිත හිමියන් විසින් හිටපු මහ බැංකු අධිපති අජිත් නිවාඩ් කබ්රාල් මහතාට එරෙහිව 2021 දී ගොනු කරන ලද මූලික අයිතිවාසිකම් පෙත්සම අද දින අගවිනිසුරු පද්මන් සූරසේන මහතා ඉදිරියේදී විභාග කරන ලද අතර, එම පෙත්සම ශ්‍රේෂ්ඨාධිකරණය විසින් තවදුරටත් පවත්වාගෙන යෑමට අවසර නොදීම නිෂ්ප්‍රභා කරන ලදී.

ලංකා විදුලි පෞද්ගලික සමාගම හෙවත් 'ලෙකෝ සභාපතිවරයාට වර්තමාන ආණ්ඩුව යටතේ රුපියල් ලක්ෂ 800 ක් හෙවත් රුපියල් කෝටි 8 ක් වටිනා අති සුඛෝපභෝගී කාර් රථයක් ඇන්වුම්කර ඇති බවත් එම කාර් රථය ඉදිරි දින කීපයේ මෙරටට ළඟා වීමට නියමිතබවත් 'ලෙකෝ සමාගමේ සේවකයෝ පවසති.

සිය වෘත්තීය ගැටලු සම්බන්ධයෙන් ඊයේ (17දා) ජනාධිපතිවරයා සමග පැවති සාකච්ඡාව මූලික එකඟතාවයකින් තොරව අවසන් වූ බැවින්, ඊයේ (17දා) දිවයින පුරා ක්‍රියාත්මක කළ වෘත්තීය ක්‍රියාමාර්ගය තවදුරටත් අඛණ්ඩව ක්‍රියාත්මක කිරීමට තීරණය කළ බව, රජයේ වෛද්‍ය නිලධාරීන්ගේ සංගමය පවසයි.

බෞද්ධ රටේ බුදු පිලිමයක් ස්ථාපනය කිරීමට නොහැකි තත්ත්වයක් අද නිර්මාණය වී ඇති බවත්, එහෙත් කොටි ත්‍රස්ත නායකයකු වන තිලීපන්ගේ ප්‍රතිමාවක් යාපනය නල්ලූර් කෝවිලේ පිටුපස සාදා එයට වන්දනා මාන කරන බවත් සර්වජන බලය යාපනය සංවිධායක අරුන් සිද්ධාර්ථන් මහතා පවසයි.

බිමල් රත්නායක ඇමතිවරයා පිළිම වන්දනාව ගොත්‍රික යැයි පැවසූ බවත්, බුදුපිළිම වලට මෙලෙස අපහාස කරන්නේ මේ නිසා දැයි හිටපු පාර්ලිමේන්තු මන්ත්‍රී සරත් වීරසේකර මහතා ප්‍රශ්න කරයි.

ත්‍රිකුණාමලය ශ්‍රී සම්බුද්ධ ජයන්ති බෝධිරාජ විහාරයට ඇතුළු වී එම ස්ථානයේ තිබූ බුදුපිළිමය ආවරණය කර තිබූ මුතු කුඩය කඩාදමා එම මුතුකුඩයෙන් විහාරස්ථානයේ සිටි ස්වාමීන් වහන්සේලාට පහර දුන් බවත්, මේ රටේ සිංහල බෞද්ධකම මේ රජය යටතේ නම් ආරක්ෂා නොවන බවත් පාර්ලිමේන්තු මන්ත්‍රී දයාසිරි ජයසේකර මහතා පවසයි.

ත්‍රිකුණාමලය කොටුව පාර ශ්‍රී සම්බුද්ධ ජයන්ති බෝධිරාජ විහාරය සම්බන්ධව ඇති වී ඇති අර්බුදය පිළිබඳව ශ්‍රී ලංකා අමරපුර මහා නිකායේ මහා නායක අතිපූජ්‍ය කරගොඩ උයන්ගොඩ මෛත්‍රී මූර්ති උත්තරීතර මහානායක හිමියන් විසින් ජනාධිපති අනුර දිසානායක මහතා වෙත ලිපියක් යොමු කර ඇත.

ත්‍රිකුණාමලය බෝධිරාජ විහාරස්ථානය ඉතාම නිත්‍යානුකූලව ඉදිකර ඇති විහාරස්ථානයක් බවත්, වැලිවිට ශ්‍රි සරණංකර සංඝරාජ හිමියන්ගේ උපදෙස් මත කීර්ති ශ්‍රි රාජසිංහ රජතුමා සියම් දේශයෙන් භික්ෂු ශාසනය ලංකාවට වැඩමවා වදාල ඓතිහාසික ස්ථානය මෙම ස්ථානය බවත් දේශප්‍රේමී ජතික පෙරමුණේ මධ්‍ය මණ්ඩල සභික නීතිඥ නුවන් බැල්න්තුඩාව මහතා අද මාධ්‍ය හමුක් පවත්වමින් කරුණු හෙළිදරව් කිරීමක් සිදුකළේය.

මෙක්සිකෝවේ රජයේ ආරක්ෂක ප්‍රතිපත්ති රටේ වැඩෙන ප්‍රචණ්ඩත්වය මැඩලීමට අසමත් වී ඇති බවට චෝදනා කරමින් සෙනසුරාදා මෙක්සිකෝව පුරා නගරවල දහස් ගණනක් ජනතාව වීදි බැස විරෝධතා දැක්වූහ.