ලාභ ලබන රාජ්‍ය ආයතනයක් වන සීමාසහිත ශ්‍රී ලංකා ත්‍රිපෝෂ සමාගම ඈවර කිරීම හෝ වෙනත් ආයතන සමග ඒකාබද්ධ නොකරන ලෙස නිදහස් වෙළෙඳ කලාප සහ පොදු සේවා සේවක සංගමය ජනාධිපති අනුර කුමාර දිසානායක මහතා වෙත ලිපියක් යවමින් ඉල්ලා තිබේ.

බිත්තරයක් රුපියල් 36ත් 37ත් අතර මිලක පවත්වා නොගතහොත් කර්මාන්තය කඩාවැටීමේ අවදානමක් ඇතැයි කෘෂිකර්ම අමාත්‍යංශය පවසයි.

පාස්කු ප්‍රහාරයේ දෙවන වටයේ විමර්ශන කටයුතු රහස් පොලිසිය මගින් දැන් ආරම්භ කර ඇති බවත් ඊට අදාළ සියලු ලිපි ගොනු පරීක්‍ෂණයට භාජනය කර ඇති බවත් වැඩබලන පොලිස්පති ප්‍රියන්ත වීරසූරිය මහතා පවසයි.

හිටපු ජනාධිපති රනිල් වික්‍රමසිංහ මහතාගේ ආරක්ෂාව ඉවත්කර නැතැයි පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව මහතා පවසයි. ආරක්ෂාව ඉවත් කර ඇති බවට පැතිර යන ප්‍රචාර සම්පූර්ණයෙන්ම අසත්‍ය බවද ඒ මහතා සඳහන් කරයි.

හිටපු අමාත්‍ය ටිරාන් අලස් විදේශ ගමන් බලපත්‍ර සහ වීසා යෝජනා ක්‍රම සම්බන්ධයෙන් බලහත්කාරයෙන් ගනුදෙනු කිරීමට සම්බන්ධ බවට හිටපු පාර්ලිමේන්තු මන්ත්‍රී සහ ජනතා විමුක්ති පෙරමුණේ දේශපාලන මණ්ඩල සභික වසන්ත සමරසිංහ චෝදනා කරයි.

වසරක කාලයක් තුළ මෙරට කෘෂිකර්ම ක්ෂේත්‍රයේ රැකියාවලින් පුද්ගලයින් ලක්ෂයකට අධික ප්‍රමාණයක් ඉවත්ව ගොස් ඇති බව පේරාදෙණිය විශ්ව විද්‍යාලයේ ආර්ථික විද්‍යා හා සංඛ්‍යාන අධ්‍යයන අංශයේ මහාචාර්ය වසන්ත අතුකෝරළ මහතා පවසයි.

ජනාධිපති අනුර කුමාර දිසානායක ඊයේ (05) පස්වරුවේ, අනුරාධපුර ජය ශ්‍රී මහා බෝධිය වැඳ පුදා ආශිර්වාද ලබාගෙන ඇති අතර, එහිදී ජනාධිපතිවරයා අටමස්ථානාධිපති පූජ්‍ය පල්ලේගම හේමරතන නා හිමියන්ද බැහැදැක තිබේ.

අර්තාපල් සඳහා වන විශේෂ ආනයන බද්ද රුපියල් 10කින් වැඩි කිරීමට පියවර ගෙන තිබේ.

ජනාධිපති අනුර කුමාර දිසානායක මහතා (05) වැල්ලවත්ත, අමරපුර මහා නිකායේ සංඝ මූලස්ථානය වෙත පැමිණ ශ්‍රී ලංකා අමරපුර මහා නිකායේ වැඩබලන උත්තරීතර මහානායක දර්ශනපති අතිපූජ්‍ය කරගොඩ උයන්ගොඩ මෛත්‍රිමූර්ති මහා නායක හිමිපාණන් වහන්සේ බැහැ දැක ආශිර්වාද ලබා ගත්තේය.