2009 වර්ෂයේ මැයි මාසයේදී යුද්ධය සාර්ථක ලෙස අවසන් කිරීමට ශ්‍රී ලංකාවෙන් වගවීම ඉල්ලා සිටින අය රට තුළ ත්‍රස්තවාදයේ මූලාරම්භය ගැන නිහඬව සිටින බව ගෝලීය ශ්‍රී ලංකා සංසදය පැවසයි. ඊනියා ශ්‍රී ලංකා වගවීමේ ව්‍යාපෘතිය (Sri Lanka Accountability Project -SLAP) සම්බන්ධයෙන් ඉදිරි ක්‍රියාමාර්ග ගන්නා ලෙස ඉල්ලා ගෝලීය ද්‍රවිඩ සංසදය (GTF) විසින් නිකුත් කරන ලද නවතම ප්‍රකාශය, ඉන්දියානු හමුදාව විසින් 1987 ජූලි මස සිට 1990 මාර්තු මස දක්වා සිදු කරන ලද ඝාතන, විනාශයන් සහ අතුරුදහන් කිරීම් මෙන්ම එල්.ටී.ටී.ඊ. ඇතුළු ත්‍රස්තවාදී කණ්ඩායම් දුසිම් භාගයකට අධික සංඛ්‍යාවකින් තිස් අවුරුදු යුධ සමයේදී සිදු කරන ලද ඝාතන, විනාශයන් සහ අතුරුදහන් කිරීම් ඉතා පහසුවෙන් අමතක කර ඇතැයී ගෝලීය ශ්‍රී ලාංකික සංසදය වැඩිදුරටත් අවධාරණය කරයි.

බංග්ලාදේශයේ මාර්ග ආරක්ෂක පදනම වාර්තාවක් නිකුත්කරමින් සඳහන් කරන්නේ මාර්ගවල ආරක්ෂාව අතහැර දැමීම නිසා සැප්තැම්බර් මාසයේ දී සිදුවූ මාර්ග අනතුරුවලින් පුද්ගලයන් 426ක් මරණයට පත් වී 813ක් තුවාල ලබා ඇති බවය.

රුසියානු භූමියේ ඇතුලාන්තය ඉලක්ක කර මිසයිල් ප්‍රහාර එල්ල කිරීමට බටහිරින් සැපයෙන දිගු දුර මිසයිල භාවිතා කිරීමට යුක්රේනයට අවසර ලැබුණහොත් මොස්කව් ජනාධිපති ව්ලැඩිමීර් පුටින් විසින් මේ වන විට ගෙනහැර දක්වන ලද “අනපේක්ෂිත සැලැස්ම” ක්‍රියාත්මක කරනු ඇතැයි විදේශ අමාත්‍ය සර්ජි ලැව්රොව් අනතුරු ඇඟවූ බව රුසියානු මාධ්‍ය පවසයි. මේ සම්බන්ධයෙන් මීට පෙර අදහස් දැක්වූ රුසියානු ජනාධිපති ව්ලැඩිමීර් පුටින් පවසා සිටියේ එවැනි ඕනෑම ප්‍රහාරයක් ආයුධ ලබා දුන් රටවල සෘජු ප්‍රහාරයක් ලෙස මොස්කව් පරිපාලනය සලකන බවයි.

IMFනියෝජිතයින් සමග පසුගියදා පැවැත්වුයේ සංකල්පමය සාකච්ඡාවක් පමණක් බවත් ව්‍යුහාත්මක වෙනස්වීමක් සම්බන්ධයෙන් සාකච්ඡා කර තීන්දු තීරණ නොගත් බවත් කැබිනට් ප්‍රකාශක අමාත්‍ය විජිත හේරත් මහතා පවසයි.‍

ඉන්දු-ලංකා ගිවිසුම කාලයේ සිටම බෙදුම්වාදී බලවේග වෙනුවෙන් පෙනීසිටි රාජ්‍ය නොවන සංවිධාන ප්‍රබලයකු වූ ජෙහාන් පෙරේරා නමැත්තා ජනප්‍රිය පුවත්පතකට ලිපියක් සපයමින් සඳහන් කරන්නේ ජවිපෙ වෙනස් වීම ඔවුන්ගේ ජයග්‍රහණයකට හේතුවූ බවත්, එම වෙනස තමා අගය කරන බවත් ය.

ලංකාව තුළ හොරකම, වංචාව මුල් බැසගෙන ඇත්තේ දේශපාලනඥයන් පමණක් නොව ජාලයක් ලෙසින් බවත්, එම ජාලයට දේශපාලන අනුග්‍රහය සපයන්නේ දේශපාලනඥයන් බවත් පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා පවසයි.

වසර 36ක පාර්ලිමේන්තු දිවියේ අවසානය සනිටුහන් කරමින් ඉදිරි පාර්ලිමේන්තු මැතිවරණයට ඉදිරිපත් නොවන බව විපක්ෂයේ හිටපු ජ්‍යෙෂ්ඨ පාර්ලිමේන්තු මන්ත්‍රී ලක්ෂ්මන් කිරිඇල්ල මහතා ප්‍රකාශ කරයි.

පාර්ලිමේන්තු මැතිවරණයට තරග කරන ප්‍රධාන දේශපාලන පක්ෂ හා සන්ධාන නාම යෝජනා භාරදීම අද (9දා) සිට ආරම්භ කරයි.

පසුගිය ජනාධිපතිවරණයේදී අපේක්ෂකයන් වැයකළ මුදල් පිළිබඳ වාර්තා සුළු පක්ෂ කීපයක් පමණක් දැනුම්දී ඇතත් සෙසු අපේක්‍ෂකයන් තවමත් දැනුම් දී නැතැයි මැතිවරණ කොමිසමේ සභාපති ආර්.එම්.ඒ.ඇල්. රත්නායක මහතා පවසයි.