ජාතික ගොවිජන එකමුතුවේ සභාපති අනුරාථ තෙන්නකෝන් මහතා පවසන්නේ රුපියල් 120ට නොව 130ට වී ගත්තද දැන් පවතින මිලට වෙළඳ පොළට සහල් ලබාදීමේ හැකියාව පවතින බවයි. ඒ සදහා මිල සූත්‍රයක්ද ඔහු විසින් ඉදිරිපත්කළ අතර වැඩිදුරටත් පැවසුවේ. රජයන් විසින් වී මෝල් හිමියන් සදහා පනවා ඇති අධික බදු ඉවත් කරන්නේනම් තවත් අඩුවෙන් සහල් නිෂ්පාදනය කිරීමේ හැකියාව පවතින බවයි.

විදේශයන්හි පිහිටි ශ්‍රී ලංකා දූත මණ්ඩලවලට කරන දේශපාලන පත්වීම් පිළිබඳව ශ්‍රී ලංකා විදේශ සේවා සංගමය දැඩි කනස්සල්ල පළ කරන බව එම සංගමය නිවේදනයක් නිකුත් කරමින් පවසයි.

මන්නාරමේ ඉදිකිරීමට යෝජිත මෙගාවොට් 50ක සුළං විදුලි බලාගාරයේ ටෙන්ඩරය ලබාදීමට සුදුසුකම් සහිත සමාගමට ලබා නොදී දේශපාලන හිතවත්කම් මත වෙනත් ප්‍රසිද්ධ සමාගමකට ලබා දීමට කැබිනට් අනුමැතිය ලබාගෙන ඇතැයි වාර්තාවේ.

යූටියුබ් නාලිකාවක සම්මුඛ සාකච්ඡාවකට එක්වෙමින් යාපනය දිස්ත්‍රික් පාර්ලිමේන්තු මන්ත්‍රී අර්චුනා රාමනාදන් මහතා පවසන්නේ පාර්ලිමේන්තු මන්ත්‍රීවරයෙකු ලෙස තමා මසකට රුපියල් 56,000ක වැටුපක්, රුපියල් 125,000ක ගමනාගමන දීමනාවක් ඇතුළුව රුපියල් 275,000ක පමණ වැටුප් සහ දීමනා ලබාගන්නා බවයි.

පාර්ලිමේන්තු මන්ත්‍රීවරුන්ගේ විශ්‍රාම වැටුප අහෝසි කළ යුතු බවට ඉදිරිපත් කෙරුණු පෞද්ගලික මන්ත්‍රී යෝජනාව පාර්ලිමේන්තුවේදී අද (7) පස්වරුවේ සම්මත විය.

අවස්ථා දෙකකදී ගිනිගැනීමට ලක් වූ කොළඹ කොටුව ක්‍රිෂ් ගොඩනැගිල්ල ආශ්‍රිත ආරක්ෂාව තර කර ඇතැයි මහජන ආරක්ෂක සහ පාර්ලිමේන්තු කටයුතු අමාත්‍යාංශය පවසයි.

ශක්තිමත් ආර්ථික අත්තිවාරමක සිට නැවත නැඟී සිටීමට එක්වන්නැයි ජනාධිපති අනුර කුමාර දිසානායක මහතා ශ්‍රී ලාංකේය අපනයනකරුවන්ට ආරාධනා කර සිටියේය.

තම පාර්ශවයට එල්ල කෙරෙන චෝදනා නීතිපති දෙපාර්තමේන්තුව ප්‍රතික්ෂේප කර ඇති අතර, සැකකරුවන් තිදෙනකු නිදහස් කිරීමේ නිර්දේශය ඝාතනයට ලක් වූ ජනමාධ්‍යවේදී ලසන්ත වික්‍රමතුංගගේ ඝාතන නඩුවට සම්බන්ධ නොවන බව පවසයි.

77 වැනි නිදහස් දිනය සැමරුවද සත්‍ය වශයෙන්ම රට නිදහස් වී ඇත්දැයි යන්න ගැටලුවක් බවත්, රට බංකොලොත් වී ගත් ණය ගෙවා ගැනීමට නොහැකි තත්ත්වයක් උද්ගතව ඇති බවත් ප්‍රවීන මාධ්‍යවේදී ශමේන්ද්‍ර ෆර්ඩිනැන්ඩෝ මහතා පවසයි.