රුසියානු ආරක්ෂක හමුදා ඩොන්ස්ටෙක් මහජන සමූහ ආණ්ඩුවේ ඩොන්බාස් පලාතේ කුරකෝවෝ ප්‍රදේශයේ ප්‍රධානතම නගරය වන ඛ්ය්‍රඛොවො මුදවා ගත් බව රුසියානු ආරක්ෂක අමාත්‍යාංශය පවසයි. ගැටුමේදී යුක්රේන හමුදාවට ප්‍රදේශයේ සටන්වැදුනු තම හමුදා සාමාජිකයින්ගෙන් 80% ක් ඛ්ය්‍රඛොවො නගරය මුදවා ගැනීමේ සටන් වලදී අහිමි විය.

ආයුර්වේදය අපේ රටටම ආවේණික වූ වෛද්‍ය ක්‍රමයක් බව සංචාරක හා විදේශ කටයුතු අමාත්‍ය විජිත හේරත් මහතා සඳහන් කරයි.

පසුගිය සතියේ තම පුවත්පත විසින් පළ කළ රජය විසින් ආරම්භ කර ඇති ක්ලීන් ශ්‍රී ලංකා වැඩසටහන යටතේ පාරේ කොස් විකුණන්න බැරි බව පැවසූ වාර්තාවේ අකුරක් කොමාවක් නෑර සියල්ල සත්‍ය බව අරුණ පුවත්පත අවධාරණය කරයි.

ශ්‍රී ලංකා නාවික හමුදාව සිය 2024 මෙහෙයුම් වලදී හෙරොයින් කිලෝග්‍රෑම් 622 කට වැඩි ප්‍රමාණයක් අත්අඩංගුවට ගෙන ඇති අතර, එහි වටිනාකම රු. බිලියන 15.55 කි. එමෙන්ම අයිස් (ICE) කිලෝග්‍රෑම් 1,211 කට වැඩි ප්‍රමාණයක් ද ඒහි වටිනාකම රු. බිලියන 11.5 ක් පමණ වේ.

පසුගිය වසරේ (2024) මුල් මාස 10 තුළ පිරිපහදු නොකළ තෙල්, පොල්තෙල් නමින් ආනයනය කර රට පුරා අලෙවි කිරීමෙන් රජයට රුපියල් බිලියන 05ක හෙවත් කෝටි 5000ක බදු ආදායමක් අහිමිකර ඇති බවත්, එම මුදල් වහාම අයකර ගැනීමට කටයුතු කළ යුතු බවත් පාරම්පරික පොල්තෙල් නිෂ්පාදකයන්ගේ සංගමයේ කැඳවුම්කරු බුද්ධික ද සිල්වා මහතා පැවසීය.

ආරක්ෂක මාණ්ඩලික ප්‍රධානි තනතුර අහෝසි කිරීමට රජය තීරණය කර ඇත. ඒ අනුව ඉදිරියට එම තනතුරට කිසිවකු පත් නොකරන අතර එම කාර්ය මණ්ඩලය ද ඔවුනගේ මව් ඒකක වෙත නැවත යවනු ඇත.

ජනාධිපති අනුර කුමාර දිසානායක මහතා ජනවාරි මස 13 සිට 17 දක්වා චීනයේ සංචාරයක නිරතවීමට නියමිත බව වාර්තා වේ. ජනාධිපති ධුරයට පත්වීමෙන් පසු ඔහුගේ දෙවන විදෙස් සංචාරය මෙයයි.

පුත්තලම දිස්ත්‍රික් ලේකම් කාර්යාලයේදී පසුගියදා පැවැති දිස්ත්‍රික් සම්බන්ධීකරණ කමිටු රැස්වීමේදී රිළා උවදුර සහ මොනරුන්ගේ උවදුර පහව යනතුරු කුකුල්මස් (බ්‍රොයිලර්) නිෂ්පාදනය නවතා දෙන්න බැරිද යන්න තමා විමසා සිටියේ රිළා සහ මොනර මස් ආහාරයට ගත යුතුයි යන අදහසින් නොවන බව රාජ්‍ය පරිපාලන ඇමැති මහාචාර්ය චන්දන අබේරත්න පැවැසීය.

පසුගිය රජය සමයේ ජාතික තරුණ සේවා සභාව විසින් පැවැත්වූ ස්මාර්ට් යූත් නයිට් ප්‍රදර්ශනය සහ ප්‍රසංග මාලාවේදී සිදුව ඇති බවට පැවසෙන මූල්‍ය වංචා සම්බන්ධයෙන් පරීක්ෂණයක් ආරම්භ කර තිබෙනවා. එවකට සිටි තරුණ කටයුතු සහ ක්‍රිඩා අමාත්‍ය හරීන් ප්‍රනාන්දු විසින් හිටපු ජනාධිපති රනිල් වික්‍රමසිංහගේ දේශපාලන ව්‍යාපෘති වෙනුවෙන් තරුණ සභාවේ මුදල් අවභාවිතා කර ඇති බවයි තරුණ කටයුතු නියෝජ්‍ය අමාත්‍ය එරංග ගුණසේකර සදහන් කළේ.