වෛද්‍ය උපකරණ සහ ඖෂධවේදී නිෂ්පාදන මෙරටට ආනයනය කිරීමේදී පැවැති ක්‍රමවේදය වෙනුවට යහපාලන රජයේ හිටපු අමාත්‍යවරයකු විසින් අත්තනෝමතිකව ක්‍රියාත්මක කළ ක්‍රමවේදයක් නිසා රජයේ මුදල් විශාල වශයෙන් ගසාකෑමක් සිදුවන බවට වෛද්‍ය උපකරණ ගෙන්වන ආයතන ප්‍රකාශකයෙක් ජාතික පුවත්පතකට පවසා ඇත.

අයහපත් කාලගුණ තත්ත්වය හේතුවෙන් තාවකාලිකව නවතා දමා තිබුණු ඉන්දියාව හා ශ්‍රී ලංකාව අතර මගී ප්‍රවාහන බෝට්ටු සේවාව හෙට (ජන. 2) සිට යළිත් ආරම්භ කිරීමට නියමිත ය. මේ සඳහා පසුගිය 25 වන දා සිට ආසන වෙන් කරවා ගැනීමේ කටයුතු ආරම්භ කර තිබිණි.

ඖෂධ හිඟයක් මවාපාමින් ඉන්දීය ණය යෝජනා ක්‍රමය යටතේ ඖෂධ වර්ග 182ක් ගෙන්වීම සඳහා හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා ඉදිරිපත් කළ කැබිනට් පත්‍රිකාවට අනුමැතිය දීම පිළිබඳව හිටපු ජනාධිපති රනිල් වික්‍රමසිංහ සහ හිටපු අග්‍රාමාත්‍ය දිනේෂ් ගුණවර්ධන මහත්වරුන්ගෙන් ලබන සතිය තුළ ප්‍රකාශ සටහන් කර ගැනීමට කටයුතු සුදානම් කර ඇතැයි රහස් පොලිස් ආරංචි මාර්ග සඳහන් කරයි.

හිටපු පළාත් සභා මන්ත්‍රී අමල් සිල්වා නමැත්තාට අයත් බවට පැවසෙන නීතිවිරෝධීව එකලස් කරන ලද ඩිෆෙන්ඩර් රථ දෙකක් ඇතුළු ජීප් රථ 3ක් වලාන මධ්‍යම දූෂණ මර්ධන ප්‍රහාරක ඒකකය මගින් අද (01) සිය භාරයට ගනු ලැබීය.

ජනාධිපති අනුර කුමාර දිසානයකගේ සංකල්පයක් අනුව ආරම්භ කරන ලද ‘ක්ලීන් ශ්‍රී ලංකා’ වැඩසටහනට සහයෝගය පළකිරීමට ශ්‍රී ලංකා ක්‍රිකට් නායකයන් දෙදෙනකු වන මහේල ජයවර්ධන සහ කුමාර් සංගක්කාර එක්ව ඇත.

මැතිවරණයේදී පරාජය වන බව දැන සිටියා වුවද ජාතික මතයට සුළු පිරිසක් හෝ එක්කර තබාගැනීම සඳහා උත්සාහ දැරුවේ යළිත් ආණ්ඩුව අර්බුදයට යද්දී බලවේගයක් ලෙස එම සුළු පිරිස හෝ එක්කර තබාගැනීමේ අරමුණින් බව පිවිතුරු හෙළ උරුමයේ නායක, හිටපු පාර්ලිමේන්තු මන්ත්‍රී උදය ගම්මන්පිල මහතා පවසයි.

5 ශ්‍රේණිය ශිෂ්‍යත්ව විභාගයේ පිට වූ බවට සඳහන් වූ ප්‍රශ්න තුන වෙනුවෙන් සියලුම විභාග අපේක්ෂකයින් හට නිදහස් ලකුණු ප්‍රදානය කිරීමට තීරණය කර තිබේ.

“ඉන්දියානු වෘකයාගේ නූතන දඩබිම“ යන මැයෙන් සම්මන්ත්‍රණයක් ජනවාරි 16 වැනිදා සවස 3.00ට, කොළඹ සම්බුද්ධ ජයන්ති මන්දිරයේදී පැවැත්වීමට නියමිත බව ජාතික නිදහස් පෙරමුණ සදහන් කරයි. එහි ප්‍රධාන දේශනය, ජනිපෙ නායක විමල් වීරවංශ විසින් සිදුකිරීමට නියමිතය.

මෙරට වාර්ෂික නව දරු උපත් ප්‍රමාණය තුන් ලක්ෂ පනස් දහසේ සිට දෙලක්ෂ පනස් දහස දක්වා පහත වැටී ඇති බව වාර්තා වේ.